Read idoma AÍJĒ KÚ Ɛ̄GBĀ 125 Bible Online

AÍJĒ KÚ Ɛ̄GBĀ 125 - idoma bible

AÍJĒ KÚ Ɛ̄GBĀ 125

¹Ācɛ nēe lɛ ɔtū kpóce Óndú ā, lɛbɛ̄ɛka ɛfu kú Usáyɔn, nɛ̄ ɔ̄cɛ dúúmā í fu ɔ́ ŋmá ajɛ glá ŋ́, ɛ́ɛ́ nɛ̄ ó kōō ī jíla ɔ́ iyē glá ŋ́ dúú á. Amáŋ ó kwajɛ kli piyóó.

²Ɛ́gɛ́nɛ̄ ɛfu yɛ Ujerúsālɛm jīla tá ā, ɛ́gɔ́ɔmā nɛ̄ Óndú ā yɛ ācɛ kú nū jīla tá eko dóódu ŋmá abālɔbányā ga eko nɛ̄ ó ī mɛ ŋ́ lɛ á.

³Ācobɔ̄bíipú ā, í gáā lé ɔcɛ́, ipú ajɛ nɛ̄ Óndú je lɛ ācɛ nēe le kpaakpa ā gbóógbóō ŋ́. Ohígbū ka ɔ́dāŋ keé lɛ ɔcɛ́ lé, ācɛ o yá ucē okpaakpa ā klla lɔfú gbɔɔ́ ō yá ɔdōbɔ̄bí.

⁴Óndú, yá olɔhi lɛ ācɛ nēe ī yá olɔhi ā, mɛ́mla ācɛ nēe ī lɛyítáajɛ lɛ aíne kú uwɔ ā.

⁵Amáŋ, eko nāa ī yá ācobɔ̄bíipú ā italā ā, Óndú, le italā yá ācɛ nēé gē lɛyítáajɛ gā awɔ ŋ́ mā dúú. Ɛbɔ́ kā o yɔ̄ lɛ ācɛ Ísrɛ̄lu.