Read idoma AÍJĒ KÚ Ɛ̄GBĀ 129 Bible Online

AÍJĒ KÚ Ɛ̄GBĀ 129 - idoma bible

AÍJĒ KÚ Ɛ̄GBĀ 129

¹Ācɛ kú Ísrɛ̄lu, da alɔ ɛ́gɛ́nɛ̄ aólɛlā kú aá yá aá ōwē ŋmá eko kú ɔyípōklóbīya kú aá jāā gáā kwu ícɛ nyā ā.

²“Ó ŋmá eko kú ayípōklóbīya kú alɔ ā, aólɛlā kú alɔ ā, yá alɔ ōwē nɛ̄hi, amáŋ é kē kpó alɔ yíifi ŋ́.

³É yá alɔ ágbe igbīhi nɛ̄hi, le alɔ igbīhi hɛ́ kpɛɛ́kpɛɛ́ bɛ̄ɛka ɛ́gɛ́nɛ̄ ɔ̄cɛ gē tá ɔgba ɛhɔ̄ idana ā.

⁴Amáŋ Óndú, nōo ī yá ucē okpaakpa ā, le agbá kú ācobɔ̄bíipú ā hɛ́ he alɔ tá, klla le alɔ nyatá.”

⁵Óndú, kóō le odúúdú ācɛ nēe gē wɔ́tū Usáyɔn ā yálé, cɛ́ɛ́ kóō lɛ uwá nū nyɔ̄ ipú uwēyī.

⁶Odúúdú uwā kéē lɛbɛ̄ɛka ácí nōo yɔ̄ ī jɛ́ ɛyí inu ɛga nɛ̄ ajɛ í cɔkpɛ́nú nōo ī cɛ̄ lɛ ɔ́ tá ɛgba lɛ ipú gaajɛ ŋ́ mā, nōo gē jē ŋmɔ́ɔlá ɛ́ɛ́ kú ō í jɛ̄ ga ɛga dúúmā ā.

⁷Ɔ̄cɛ nōo ī cɛ̄ ɔdɛ̄hɔ̄ ā í gē cē ɛdɔ ácí ɔ́ɔmā tū ipú abɔ̄ kú nū, ámāŋ ka ó tá ɔ̄ bá ɛ̄wɛ̄ɛ̄wɛ̄ ŋ́.

⁸Eko nɛ̄ ɔ̄cɛ dúúmā nōo yɔ̄ ī yɛ ɔwɛ lɛ ɔ́ má, ó gáā ka kahíníī, “Ɔwɔicō kóō hɔ́hā ce uwɔ,” ŋ́, ɛ́ɛ́ nēé gē ka, “Alɔ hɔ́hā ce uwɔ o ŋmá iyē kú Óndú ā, ŋ́.