Read idoma AÍJĒ KÚ Ɛ̄GBĀ 130 Bible Online

AÍJĒ KÚ Ɛ̄GBĀ 130 - idoma bible

AÍJĒ KÚ Ɛ̄GBĀ 130

¹Ohígbū unwalu alɛwa nēe yɔ̄ ī yá um ā, n le ikwū je klá Óndú,

²Óndú le ahɔ̄ jē, cɛ́ɛ́ kóō pó ɔkɔ kú otábɔ̄ nɛ̄ n yɔ̄ ī gbā ā.

³Ɔ́dāŋ ka awɔ nōo wɛ Óndú ā, gē tá íne nɛ̄ ācɛ gē bīya ā táajɛ, klla gē bī ɔ̄ bá ɔ̄cɛ nɛɛ, á géē yɛ í lɛ ɔnyɔɔnyɛ kú alɔ ŋmɛ́ɛpɔ̄bí kpɛ́mm.

⁴Amáŋ, a gē je íne nɛ̄ ɔ̄cɛ bīya ā yá ɔ̄ ɛhi, cɛ́ɛ́ ka ācɛ ɔlɛ́ uwɔ kéē yúufi uwɔ.

⁵N yɔ̄ ī gbēyī Óndú ā, mla odúúdú odo kú um kóō tá um abɔ̄, n kē lɛ ɔtū ce okónu nɛ̄ ó ce ipú ɛlā kú nū ā.

⁶Odo kú um yɔ̄ ī gbēyī Óndú ā fíyɛ́ ɛ́gɛ́nɛ̄ ɔ̄cogbāajɛ otú gē gbēyī kú eyī kóō nyā ā.

⁷Ācɛ Ísrɛ̄lu, aá lɛ ɔtū kú aá kpóce Óndú ā, ohígbū koó ī yíihɔtū tá aá eko dóódu. Ó kē le tútū kóō hɛ́ aá tá eko dóódu.

⁸ Óndú pií gáā nya ācɛ Ísrɛ̄lu tá, ŋmá ipú odúúdú íné nēé bīya á.