Read idoma AÍJĒ KÚ Ɛ̄GBĀ 136 Bible Online

AÍJĒ KÚ Ɛ̄GBĀ 136 - idoma bible

AÍJĒ KÚ Ɛ̄GBĀ 136

¹ Aá tá Óndú ā ahínyá, ohígbū ka ó lɔhi. Ohígbū ka ihɔtū nɛ̄ ó lɛ ā yɔ̄ piyóó.

²Aá tá Ɔwɔicō nōo lɔfú fíyɛ́ odúúdú aɔ́wɔ kpɛ́mm ā ahínyá, ohígbū ka ihɔtū nɛ̄ ó lɛ lɛ ācɛ kú nū ā yɔ̄ piyóó.

³Aá tá Óndú nōo lɔfú fíyɛ́ odúúdú aóndú ā ahínyá, ohígbū ka ihɔtū nōo lɛ lɛ ācɛ kú nū ā yɔ̄ piyóó.

⁴Anú ōfōōfūnū gē yá ɔdā idáagó nɛ̄hi dóódu á, ohígbū ka ihɔtū nōo lɛ lɛ ācɛ kú nū ā yɔ̄ piyóó.

⁵Ó bī íjééyī mɛ́mla ɔdā nɛ̄ ó jé ā le yá ɔkpáncō, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

⁶Ó le ɛcɛ gwó ce eyī éŋkpɔ̄, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

⁷Anú yá ɛnɔ mɛ́mla ɔyá á, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

⁸Ɛnɔ ā kóō gbāajɛ ɔlɛ́ɛnɔ ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

⁹Ɔyā mɛ́mla aínyílɔ́wɔ kéē gbāajɛ otú, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁰Ó kwú aɔ́kplá kú Íjīpiti ú kpó ŋmó, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹¹Ó le ācɛ Ísrɛ̄lu kpó bɛ̄cɛ ŋmá ipú Íjīpiti, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹²Ó kpó uwā bɛ̄cɛ mla abɔ̄fú mɛ́mla íkwu kú nū, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹³Ó le ɔwɛ tá bū ipú ísu igwɛ̄bɛ́ ā, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁴Ó cɛ̄ lɛ ācɛ Ísrɛ̄lu le bū ipú nū bēhé, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁵Amáŋ ó kwú Uféro mɛ́mla aícɔ́ɔja kú nū ā ú kpó ŋmó ipú ísu igwɛ̄bɛ́ ā, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁶Ó le ācɛ ɔlɛ́ nū bī ga ipú ígbíli, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁷Ó le aɔ́cɛ́ olɔfú nɛ̄hi ā kpó ŋmó, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁸Ó klla le aɔ́cɛ́ ɔhá nēe lɔfú nɛ̄hi ā kpó ŋmó dúú, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

¹⁹Ó klla le Usíhɔn, ɔcɛ́ kú Ámmɔn ŋmó ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²⁰Ó klla kē le Ógu, ɔcɛ́ kú Ubássan ŋmó dúú, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²¹Ó klla kwú ajɛ mɛ́mla agbénú kú uwá ú pīya ɔdā úgwū kú alɔ, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²²Ó kwú úgwū ā ú kpó lɛ Ísrɛ̄lu nōo wɛ ɔ̄cocɛ̄hɔ̄ kú nū ā, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²³Ó je mlanyī alɔ eko nēé yá alɔ lé ā ŋ́, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²⁴Ó le alɔ nyatá ŋmá abɔ̄ kú aólɛlā kú alɔ, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²⁵Ó gē je ɔdōlé lɛ odúúdú aɔ́dā nēe yēeyī ā, ohígbū ka ihɔtū nōo lɛ lɛ ācɛ ɔlɛ́ nū ā yɔ̄ piyóó.

²⁶Aá tá Ɔwɔicō kú ɔkpancō ahínyá, ohígbū ka ihɔtū nōó lɛ lɛ ācɛ ɔlé nū ā yɔ̄ piyóó.