Read idoma AÍJĒ KÚ Ɛ̄GBĀ 137 Bible Online

AÍJĒ KÚ Ɛ̄GBĀ 137 - idoma bible

AÍJĒ KÚ Ɛ̄GBĀ 137

¹Alɔ cīce okónu ísu kú Ubábīlɔn ā, alɔ gē jikwū eko dúúmā nɛ̄ alɔ le blakwu Usáyɔn.

²Alɔ kwú aɔ́dā ō bī gwíijē kú alɔ ú kpó playi ɔcí okónu ɔkpá abɔ́ɔ.

³Ācɛ nēe kwú alɔ ka ālɔ̄ cɛ̄ ɔfiyɛ kú uwá ā, dɔ̄ɔkā kú ālɔ̄ lɛ ijē gwó lɛ uwá, anɔ́ɔ é kahíníī, “Aá lɛ ijē gwó lɛ alɔ lɛyíkwu Usáyɔn.”

⁴Ɛ́gɛ́nyá nɛ̄ alɔ í gwíijē kú Óndú ā ipú ajɛ kú éwɔhá lɛ ā ā?

⁵Ujerúsālɛm, ɔ́dāŋ ka n kwú mlanyī uwɔ, Ɔwɔicō kóō kwú abɔ̄lɔ́ná kú um ú ŋmó tá um iyē ká n̄ má abɔ̄ le gwō ɛ̄ngwū gɛ ŋ́.

⁶Ujerúsālɛm, ɔ́dāŋ ka n le mlanyī uwɔ, nɛ̄ ń blakwu kwu uwɔ ka awɔ yá ɛ́ɛ́ nɛ̄ n gē gwéeyē ā ŋ́, ayíka ígblɛ́nyī kú um kóō le kwu í bá akpakó kú um, cɛ́ɛ́ kú um gwíijē glá gɛ ŋ́.

⁷Óndú blakwu ɔdā nɛ̄ ācɛ kú Ɛ́dɔm yá, eko nēé yá Ujerúsālɛm lé ā. Blakwu ɛ́gɛ́nɛ̄ é bá í da aólɛlā ā kahíníī, “Aá lɛ ɔ́ tɔ̄ɔlá dúúdú. Aá lɛ ɔ́ tɔ̄ɔlá dúúdú! Aá lɛ ɔ́ ca tāajɛ dúúdú.”

⁸ Ubábīlɔn, é géē je uwɔ yíífi ŋmá ajɛ pií, Ó géē lɔhi lɛ ɔ̄cɛ dúúmā nōo géē gwō uwɔ ɔ́ci klla í cíla uwɔ óluma kú ɔdā nāa yá alɔ ā.

⁹Ó lɔhi lɛ ɔ̄cɛ nōo gē kpó ayí obene kú aá, gē je uwá kpó ca klá ápátɛ́cɔ̄ ā.