Read idoma AÍJĒ KÚ Ɛ̄GBĀ 14 Bible Online

AÍJĒ KÚ Ɛ̄GBĀ 14 - idoma bible

AÍJĒ KÚ Ɛ̄GBĀ 14

¹ Olila nɛ̄ ó gē gbɛlá lipú ŋ́ mā, ōfōōfūnū gē da iyī nū kahíníī, “Ɔwɔicō í yɔ̄ ŋ́” má Ucē ká ācɛ ɛ́gɔ́ɔ́mā í lɔhi ŋ́. É klla í yá ɛdɔ ɔdōbɔ̄bí dóódu. Ɔ̄cɛ dúúmā í yɔ̄ nōo gē yá ɔdā nōo le kpaakpa ā ŋ́.

²Óndú pīyeyī má alɛɛcɛ ŋmá ɔkpáncō, kóō má ɔ́dāŋ ka ɔ̄cɛ dúúmā kú uwā yɔ̄ noō jééyī gā ɛjī nōo í tíne ō gbā Ɔwɔicō ɛ̄gbā glá.

³Amáŋ odúúdú uwā le nyíleyī ŋmá ɔwɛ okpaakpa ā ɛɛ́. Odúúdú uwá bɔ̄bí tɔ̄há, ɔ̄cɛ dúúmā í yɔ̄ nōo yá ɔdā nōo le kpaakpa ŋ́. Ɔ̄cɛ dúúmā í yɔ̄ ŋ́.

⁴Óndú ā da ɔ̄kā kahíníī, “É jé ŋ́ nɛɛ? Odúúdú ācɛ nēe gē yá ɔdōbɔ̄bí nyā wɛ aógwuda nɛɛ? É bá í kpó ācɛ ɔlɛ́ um yíífi ŋmáajɛ ɛ́gɛ́nɛ̄ ɔ̄cɛ ī je ɔdōlé lé ŋmá ajɛ ā. Ɔ̄cɛ dúúmā kú uwā í kē ī gbɔ̄ɔkɔ gā um ŋ́”

⁵Amáŋ Ɔwɔicō géē tū ācobɔ̄bíipú ā ufi nɛ̄ɛ̄nɛ̄hi, ohígbū kú Ɔwɔicō yɔ̄ mla ācɛ nēe le kpaakpa ā.

⁶Ācobɔ̄bíipū ā, gē bīya ojuju kú aógbɛhá ā. Amáŋ Óndú ā gē gbō uwā ŋmá unwalu á.

⁷Eyī yá um kú ɔ̄cɛ éyi kóō gā ŋmá Ujerúsālɛm gaá lɛ ācɛ Ísrɛ̄lu nyatá. Eko nɛ̄ Óndú ā kwú agbénú kú ācɛ ɔlɛ́ nū ú cīgbīhi lɛ uwá, ɔtū kóō he Ujékɔ̄pu, Ísrɛ̄lu kóō gwéeyē.