Read idoma AÍJĒ KÚ Ɛ̄GBĀ 141 Bible Online

AÍJĒ KÚ Ɛ̄GBĀ 141 - idoma bible

AÍJĒ KÚ Ɛ̄GBĀ 141

¹Óndú, n gē hī uwɔ igwú, wā í tá um fíyaa. Jāhɔ̄ ká ā pó ɔkɔ kú um eko nɛ̄ n gē hī uwɔ igwú ā.

² Mīyɛ ɔkɔ nɛ̄ n gbā bɛ̄ɛka ɛya kú ɔtulalī nɛ̄ n gwó gā uwɔ ā. Mīyɛ abɔ̄ nɛ̄ n je gicō ā bɛ̄ɛka ɛya kú ɔ̄nɔ̄ɔ̄nɛ̄ nēé gē gwó ā.

³Óndú le yá kú ɛlā obɔ̄bí nōo í bɛ̄cɛ ŋmá okónu kú um ā, kóō le jī wu um ɔkɔ eko nɛ̄ n yɔ̄ ī kɛlā.

⁴A híī cɛ̄ gā um tíne kú n̄ yá ɔdōbɔ̄bí ŋ́. A kē cɛ̄ ká n̄ nyɔ̄ í wɛ ɔ́wá kú ācɛ o yá odōbɔ̄bí cɛ́ɛ́ kú n̄ bɔ̄bíipú bɛ̄ɛka uwá ā ŋ́.

⁵Ɔ̄cɛ olɔhi ā lɔfú bī ɔkɔ ogbonɛnɛ le pi um ahɔ̄ kóō nā um tɔ́ɔwɛ glá. Amáŋ ń gáā mīyɛ ojīlīmā ŋmá ɛgiyí ɔ̄cobɔ̄bíipú dúúmā ŋ́, ohígbū ka n yɔ̄ í gbɔ̄ɔkɔ ojigógó lɛyíkwu ucē obɔ̄bí kú uwā.

⁶Eko nēé gē kpó aótrɛ̄yí kú uwā tá wāajɛ ŋmá ɛyí ɛfu ā, eko ɔ́ɔmā, é géē jé ka ɛlā kú um ā ɔ́ɔ wɛ ɔkwɛ̄yi.

⁷Ikpokwú kú uwā géē bá ajɛ okónu únóji bɛ̄ɛka aɔ́cí nēé le yílá kɛ́tɛ̄-kɛtɛ̄ ā. [3]

⁸Amáŋ eyī kú um kwu uwɔ Óndú, Ɔwɔicō kú um, awɔ gē gbō um á. A híī mabɔ̄ um tá kéē lɛ um ŋmó ŋ́.

⁹Lɛ um gbō ŋmá ipú ukpa nēé kpla tá ajɛ gbēyī um ā. klla lɛ um gbō ŋmá egbudu kú ācɛ o yódōbɔ̄bí.

¹⁰Yá kú odúúdú ācobɔ̄bíipú ā, kéē kwú kpó míya tū ipú ukpa kú uwā ɔ́ɔmā tɔ̄há. Amáŋ ami ā kóō le kwu ŋmá ɛgiyí ukpa ā.