Read idoma AÍJĒ KÚ Ɛ̄GBĀ 147 Bible Online

AÍJĒ KÚ Ɛ̄GBĀ 147 - idoma bible

AÍJĒ KÚ Ɛ̄GBĀ 147

¹Aá cɛ̄tra Óndú. Ó lɔhi kú ɔ̄cɛ kóō gwíijē cɛ̄tra Ɔwɔicō kú alɔ. Ó lɔhi klla kē cíkā kú ɔ̄cɛ kóō cɛ̄tra anú.

²Óndú ā yɔ̄ ī tú Ujerúsālɛm gwó, ó klla yɔ̄ ī tá ācɛ Ísrɛ̄lu bá kéē kwúcē wā ɔlɛ́ ɛɛ́.

³Ó géē nya ācɛ nɛ̄ ɔtū kú uwā le gbenyi ā tá. Ó klla kē í tá ágbe kú uwá.

⁴Eko nɛ̄ ó yá aínyílɔ́wɔ ā, ó le áluka nēé í wɛ ā miya táajɛ gbɔbū, ó kē le iyē je lɛ éyééye kú uwā.

⁵Óndú ā jājīlīmā klla lɔfú nɛ̄hi, íjééyī kú nū í tōō le miya ɔdā dúúmā ŋ́.

⁶Ó gē je ācɛ nēe tú wāajɛ ā gicō, amáŋ ó géē tú ācobɔ̄bíipú wāajɛ.

⁷Aá gwíijē kú aá tá Óndú ā ahínyá, aá gwō ɛ̄ngwū lɛ Ɔwɔicō kú alɔ.

⁸Ó le ojuja pi klá ɔkpáncō, le ɔwɔ je lɛ ɛcɛ, klla le yá ká ácí kóō jɛ̄ ɛyí ɛfu.

⁹Ó gē je ɔdōlé lɛ aɛ́bɛ́ klla gē je ɔdōlé lɛ ayí kú ɔtágláma eko nēé jikwū kú ɔdōlé.

¹⁰Ɔdā nōo he ɔ́ ɔtū ā í wɛ ɔfú kú ɔnya, ámāŋ aícɔ́ɔja olɔtū ŋ́.

¹¹Amáŋ ɔdā nōo he Óndú ā ɔtū ā, wɛ ācɛ nēe gē lɛ ojīlīmā ce ɔ́, mla ācɛ nēe kpɔ́tūce ihɔtū nōó lɛ lɛ ācɛ ɔlɛ́ nū eko dóódu ā.

¹²Ujerúsālɛm, cɛ̄tra Óndú. Usáyɔn, cɛ̄tra Ɔwɔicō kú uwɔ ā.

¹³Ohígbū ka anú gē gbō Ujerúsālɛm klla gē hɔ́hā ce ācɛ ɔlɛ́ nū á.

¹⁴Ó yá kú ajɛ kóō yɔ̄ ɛbɔ́, ó klla gē je ɔdōlé nōo lɔhi fíyɛ́ dúú ā gā uwɔ ká ā lé nū ipú.

¹⁵Ó gē je ɔ́da lɛ ɛcɛ. Ɛlā nōó ka ā, kē ī le yá fíya.

¹⁶Ó gē pi ébú klá ajɛ bɛ̄ɛka īlī ō lɛ klá iyē gbiyɔ̄lā ā. Ó klla le ébú mī klá ajɛ tuúú bɛ̄ɛka ewo nēé le mī ajɛ ā.

¹⁷Ó gē tá ɛcɔ̄ɔwɔ bɛ̄ɛka ápɛ́tɛ́cɔ̄ ā, ɔ̄nyɛ lɔfú háyi ipú ofū nɛ̄hi nɛ̄ ó ī tū ā glá ā?

¹⁸Eko dúúmā nōó lɛ ɔ́da je nɛ̄ɛ̄, aɛ́cɔ̄ ɔwɔ ā kwú gbenyi tū ajɛ. Ó cɛ̄ le owu le tá, cɛ́ɛ́ éŋkpɔ̄ gbɔɔ́ ō pɛ́ igbɔhá kpɔ́.

¹⁹Ó kē lɛ ɛlā kú nū ka lɛ aípɔ́ɔnū kú Ujékɔ̄pu ɛɛ́, ó klla je íne lɛ uwá, ó klla le ukɔ́ tū ācɛ Ísrɛ̄lu.

²⁰Ó yá ɛ́gɛ́nyā mla éwɔhá dúúmā ŋ́, é kē jé íne kú nū ā ŋ́. Aá cɛ̄tra Óndú ā.