Read idoma AÍJĒ KÚ Ɛ̄GBĀ 150 Bible Online

AÍJĒ KÚ Ɛ̄GBĀ 150 - idoma bible

AÍJĒ KÚ Ɛ̄GBĀ 150

¹Aá cɛ̄tra Óndú ā. Aá cɛ̄tra Ɔwɔicō ipú Agblīihɔ-nɛ̄hi kú nū. Aá cɛ̄tra anú ipú ɔkpáncō nɛ̄hi kú nū ā.

²Aá cɛ̄tra anú ohígbū odúúdú úklɔ́ idáagó nɛ̄hi kú nū ā. Aá cɛ̄tra anú ɛ́gɛ́nɛ̄ ó jājīlīmā lɛ ā.

³Aá kwú opo ú, ká aá tá le cɛ̄tra ɔ́. Aá gwō ɛ̄ngwū nɛ̄hi mɛ́mla inengé, kú aá cɛ̄tra ɔ́.

⁴Aá gwō icáka, ká aá jīījē, cɛ́ɛ́ ká aá cɛ̄tra ɔ́. Aá gwō ɛ̄ngwū, úmōlō, ká ā tá ɔkpancílé, kú aá cɛ̄tra ɔ́

⁵Aá gwó aŋma kú oje, kú aá cɛ̄tra ɔ́.

⁶Ɔdā dóódu nōo yēeyī ā, kóō cɛ̄tra Óndú ā. Aá cɛ̄tra Óndú ā.