Read idoma AÍJĒ KÚ Ɛ̄GBĀ 19 Bible Online

AÍJĒ KÚ Ɛ̄GBĀ 19 - idoma bible

AÍJĒ KÚ Ɛ̄GBĀ 19

¹Eko nɛ̄ ɔ̄cɛ jeyī gicō má ɔkpáncō, ó í má péee ɛ́gɛ́nɛ̄ Ɔwɔicō lɔfú nɛ̄hi lɛ ā. Ɔkpáncō klla gē ma úklɔ́ abɔ̄ nɛ̄ Ɔwɔicō yá ā fú péee.

²Ɛ̄cī dóódu géē tɔ́ɔna kú aɔ́dā nɛ̄ Ɔwɔicō yá lɛ ɛ̄cī ɔhá. Otú éyééye gē ka ɔ́ tɛ́ɛcɛ lɛ otú nōo gboce ɔ́ ā.

³É kē ī kɛlā dúúmā ɛ́gɛ́nɛ̄ ācɛ í kɛlā ŋmá okónu kú uwā ā ŋ́. Ɛ́ɛ́ nɛ̄ ɔ̄cɛ kōō ī pó ɔdā dúúmā ŋmá ɛgiyí uwā ŋ́.

⁴ Nááná, odúúdú ācɛ kú ipú ɛcɛ kē í pó olɛhɔ̄ kú uwā, jāā kwu ɛga dóódu kú ɛcɛ. Ɔwɔicō le ɔlɛ́ gwó lɛ ɛnɔ ɔkpáncō, anɔ́ɔ ó kwú ɛnɔ ú kwu abɔ́ɔ á.

⁵Ó gē bɛ̄cɛ ɔ̄cɔ̄ɔ̄cī bɛ̄ɛka oklóbīya nōo lɛ ɔnyā bōōbū ā. Ó klla lɛbɛ̄ɛka oklóbīya nōo gáā kweyī kú inya ā.

⁶Ó gbɔɔ́ ŋmá ɛnɔ̄ɔ̄cī jāā ga ɛnɔ̄ɔ̄nɛ̄ Ɔdā dúúmā í tayínū ŋmá idɔlá kú nū ā glá ŋ́.

⁷Íne kú Óndú ā le mɛ́ɛ́lɛ́ ā, ó gē je ɔfú lɛ ɔ̄cɛ. Ɛlā kú Óndú ā wɛ ɔdā nɛ̄ ɔ̄cɛ lɔfú lɛ ɔtūce ɔ́ glá. Ó gē yá kú ɔ̄cɛ kóō jééyī.

⁸Ɔdā nɛ̄ Óndú ā gē nwū ā le kpaakpa ó gē cɛ̄ lɛ ɔ̄cɛ gwéeyē. Ɔdā nɛ̄ Óndú ā gē nwū ā le yēŋēē ó gēe nwūla ɔ̄cɛ eyī péee kóō jé odée.

⁹Ó wɛ ɔdā olɔhi kú ɔ̄cɛ kóō gbā Óndú ā ɛ̄gbā. É géē yɔ̄ ī gbā ɔ̄ ɛ̄gbā piyóó. ó kē í yɔ̄ piyóó ipú ɛcɛ. Ɔdā nɛ̄ Óndú ā gē nwū ā wɛ ɔ̄kwɛ̄yi, odúúdú nū kē le kpaakpa eko dóódu.

¹⁰Ɔdā nāa gē nwū ā cɛgbá fíyɛ́ ugóolu (oje ɔdɔ) nōo lɔhi fíyɛ́ dúú ā á. Anú lɔ̄nyɛ fíyɛ́ enyi ɛnwū nōo yɔ̄ ī wúla wāajɛ ŋmá āgā ɛnwú á.

¹¹Aɔ́dā nāa gē nwū ā, gē nwū um ɛ́gɛ́nɛ̄ nɛ̄ n géē gbā uwɔ ɛ̄gbā lɛ ā. A kē í cíla um ulé olɔhi nɛ̄hi ohígbū ka n kwú iyī um ú táajɛ gā uwɔ.

¹²Ɔ̄cɛ dúúmā í gē má ɛnyá kú īyī nū ŋ́. Óndú, le um hɛ́tá ŋmá ɛnyá kú um nɛ̄ ń jé ŋ́ mā.

¹³Gbō um ŋmá íne nɛ̄ n gē jégēdēē gē bīya ā. Á cɛ̄ lɛ íne ō bīya ā lɔfú fíyɛ́ um abɔ̄ ŋ́, cɛ́ɛ́ ká n̄ lɛ ɛnyá ŋ́, ká n̄ kē lé ɛ̄pɔ̄bí uwɔ ŋ́.

¹⁴N gē ba uwɔ ká ā mīyɛ ɛlā kú okónu kú um, mɛ́mla ɛlá nɛ̄ n gē gbo ipú ɔtū kú um ā. Óndú um, awɔ gē gbō um á, awɔ kē ī nya um tá á.