Read idoma AÍJĒ KÚ Ɛ̄GBĀ 21 Bible Online

AÍJĒ KÚ Ɛ̄GBĀ 21 - idoma bible

AÍJĒ KÚ Ɛ̄GBĀ 21

¹Ɔtū he ɔcɛ́ kú alɔ nɛ̄hi, ohígbū ka awɔ, Óndú ā, le ɔfú je lɛ ɔ́. Ó gē gwéeyē, ohígbū ka a cɛ̄ lɛ ɔ̄ le yálé.

²A lɛ ɔdā nōo kwu ɔ́ ɔtū ā je lɛ ɔ́ ɛɛ́. A klla le ɛ̄ba nɛ̄ ó ba uwɔ ā je lɛ ɔ́ ɛɛ́.

³A mīyɛ ɔcɛ́ ā, a klla lɛ ɔhā hɛ́ ce ɔ́ nɛ̄hi. A klla kwú ɔflā kú ugóolu (oje ɔdɔ) ú kwu ɔ́ ɛyí.

⁴Ó cɛgbá oyēeyī ŋmá ɛgiyí uwɔ, a kē le oyēeyī ōlīkpō nɛ̄hi je lɛ ɔ́.

⁵Ojīlīmā kú nū nwuné nɛ̄hi ohígbū ka a le ɔ́ tábɔ̄ nɛ̄hi. Ɛgahi nāa je lɛ ɔ́ ā, cɛ̄ lɛ ācɛ alɛwa le ɔ́ jé.

⁶Ɔhā nāa hɛ́ ce ɔ́ ā kóō yɔ̄ mla anú piyóó ipú ɛcɛ nyā. Éeyē le mu ɔ́ ipú ohígbū koó yɔ̄ iyɔ̄bū uwɔ.

⁷Ɔcɛ́ ā lɛ ɔtūce Ɔwɔicō, Óndú, nōo lɔfú fíyɛ́ dúú ā. Ohígbū ihɔtū nɛ̄ Óndú ā lɛ lɛ ɔ́ nɛ̄hi ā, ó géē lā ɛbɔ́.

⁸Ɔcɛ́ ā géē kpó odúúdú aólɛlā kú nū ā kwú. Ó géē kwú ācɛ dóódu nēe gē wɔ́tū nū ā.

⁹Ó géē kpó uwā yálé ŋmá ajɛ bɛ̄ɛka ɔlá nɛ̄hi kú útuló ā eko nɛ̄ ó gā. Óndú ā géē cɔ̄nū nɛ̄hi í je uwá kpó yíífi ŋmá ajɛ eko nɛ̄ ó géē wā ā. Ɔlá klla géē je uwá kpó yi ŋmá ajɛ.

¹⁰Ɔ̄cɛ ipɔ́ɔma kú uwá dúúmā í gáā hile ŋ́. Ɔcɛ́ ā géē je odúúdú uwā kpó ŋmó ŋmá ipú ɛcɛ nyā.

¹¹É le ojuju kú uwā yá klla le ujɔ̄ tū tū ɔcɛ́ ā, amáŋ, ó gáā lɛyí lɛ uwá glá ŋ́.

¹²Ó géē tá ɔyī kú nū lɛ uwá. Ó klla í yá kéē kwinya ŋmá abɔ́ɔ.

¹³Alɔ cɛ̄tra uwɔ Óndú ā ohígbū ɔfú nɛ̄hi kú uwɔ ā. Alɔ géē bá ī gwíijē klla í bá ī cɛ̄tra ɛ́gɛ́nɛ̄ a lɔfú lɛ ā.