Read idoma AÍJĒ KÚ Ɛ̄GBĀ 29 Bible Online

AÍJĒ KÚ Ɛ̄GBĀ 29 - idoma bible

AÍJĒ KÚ Ɛ̄GBĀ 29

¹Aá cɛ̄tra Óndú, odúúdú ācɛ kú ɛcɛ. Aá cɛ̄tra ɛgahi kú nū mɛ́mla ɛ́gɛ́nɛ̄ ó lɛ ɔfú lɛ ā.

²Aá cɛ̄tra iyē ō tū ɛgahi kú Óndú ā. Aá túkpɛɛ́ lɛ anú nōo tīihɔ ā, eko nɛ̄ aá gā ipú ɛgahi kú nū ā.

³Ɔkɛ̄lā kú Óndú ā yɔ̄ cɛyí éŋkpɔ̄, Ɔwɔicō kú ocɛ̄tra gē gbo akpáabana, Ɔkɔ kú nū cīgwū eyī ísu nɛ̄hi ā.

⁴Ɔkɛ̄lā kú Óndú ā lɔfú. Ó lɛ íkwu mɛ́mla ojīlīmā kú ɔcɛ́.

⁵Ɔkɔ kú Óndú ā gē je ɔcí usɛ́da nɛ̄hi ā yíla ɛpa wā ajɛ, kwu ɛdɔ ɔcí usɛ́da dóódu kú Ulɛ́bānɔn.

⁶Ó yá kú ɛfu kú Ulɛ́bānɔn ā, kóō yɔ̄ ī wu gicō bɛ̄ɛka ɔyí kú ɔnya ā. Ó yá kú ɛfu kú Uhɛ́mɔn kóō yɔ̄ ī tá ómbli bɛ̄ɛka ɔyí ɛyī ā.

⁷Ɔkɔ kú Óndú ā gē yá kú ɔwɔ kóō límanya.

⁸Ɔkɔ kú Óndú ā gē yá ka ígbíli kóō jíliyē. Ó ī jīla ígbíli kú Ukádɛssi iyē dúú.

⁹Ɔkɔ kú Óndú ā gē jíla ɔcí nēé hī ka Óoku ā kanyáá, ó klla ī je ēpū wúla ŋmá icō ɔcí. Cɛ́ɛ́ ipú Agblīihɔ-nɛ̄hi kú nū ā, odúúdú ācɛ géē bá ī dɛ̄gba kahíníī, “wóofu ɛgahi kú Óndú.”

¹⁰Óndú ā gē cɔcɛ́ gē gbō éŋkpɔ̄ ō cēnyi klá ɛcɛ nɛ̄hi á. Ó cɔcɛ́ gē gbō odúúdú ācɛ piyóó.

¹¹Óndú ā kóō lɔfú je lɛ ācɛ ɔlɛ́ nū, kóō lɛ ɔhā kú ɛbɔ́ hɛ́ ce ācɛ ɔlɛ́ nū.