Read idoma AÍJĒ KÚ Ɛ̄GBĀ 4 Bible Online

AÍJĒ KÚ Ɛ̄GBĀ 4 - idoma bible

AÍJĒ KÚ Ɛ̄GBĀ 4

¹Ɔwɔicō nōo wɛ Óndú ā, gē cɛ̄pɔ̄ um á. Lɛ ɔkɔ nɛ̄ n gē gbā ā pó, eko dúúmā nɛ̄ n gē gbɔ̄ɔkɔ gā uwɔ ā. Eko nɛ̄ n yɔ̄ ipú unwalu ā, a le um hɛ́tá. Abālɔbányā ā, méyīnyinyi kú um ká ā pó ɔkɔ nɛ̄ yɔ̄ ī gbā gā uwɔ ā.

²Alɛɛcɛ, eko nyá nɛ̄ aá géē nyí um ojīlīmā gaá kwu ā? Eko nyá nɛ̄ aá gē bá ī yíihɔtū kú aɔ́dā ɛfulɛ́ɛfu mɛ́mla ɔdā ɛ̄kɛ̄mgbɛ̄ gaá kwu ā?

³Amáŋ, aá bla ka Ɔwɔicō le ācɛ okpaakpa ā fubá ɛyɛ́ɛyí lɛ iyī nū ɛɛ́. Ó kē í pó ɔkɔ nɛ̄ n gē gbā ā, eko dúúmā nɛ̄ n hī ɔ̄ igwú.

⁴Ɔ́dāŋ nɛ̄ aá le cɔ̄nū nɛ̄hi, nááná, aá kóō híī bīyíne ŋ́. Aá nyɔ̄ í gwutá, agōdō kú aá cíí, ká á gbɛlá lipú lipú lɛyíkwu ɛlā ā.

⁵Aá gwɛ́ɛya nōo le kpaakpa ā lɛ Óndú ā. Kú aá kwú ɔtū kú aá ú ce ɔ́.

⁶Ācɛ alɛwa bá ī gbɔ̄ɔkɔ kahíníī, “Lɛ aɔ́dā olɔhi yá lɛ alɔ. Óndú, gbonɛnɛ lɛ alɔ.”

⁷Amáŋ, Óndú, éeyē nāa je gā um ā, fíyɛ́ éeyē nēé lɛ eko nēé lɛ īkpɔ̄dɛ̄hɔ̄ mɛ́mla ejé nɛ̄hi á.

⁸Eko nɛ̄ n má gwutá, n gē gbiyɔ̄lā ɛbɔ́, ohígbū ka awɔ nōo wɛ Óndú ā gē gbō um ɛbɔ́ á.