Read idoma AÍJĒ KÚ Ɛ̄GBĀ 47 Bible Online

AÍJĒ KÚ Ɛ̄GBĀ 47 - idoma bible

AÍJĒ KÚ Ɛ̄GBĀ 47

¹Odúúdú ācɛ, aá gwō abɔ̄. Aá gwéeyē kú ā gwíijē tɛ́ɛcɛ gbōmgbōm cɛ̄tra Ɔwɔicō.

²Ohígbū ka Óndú, Ɔwɔicō nōo fíyɛ́ dúú ā tūufi. Anú wɛ ɔcɛ́ nɛ̄hi nōo ī gbō odúúdú ɛcɛ nyā á.

³Ó cɛ̄ lɛ alɔ le aólɛlā kú alɔ kpó yálé. Ó le yá kú ālɔ̄ gbō aéwo dóódu.

⁴Anú fu ajɛ nɛ̄ alɔ lá anú nyā lɛ alɔ á. Alɔ nēe wɛ ācɛ ɔlɛ́ nū, nēe he ɔ́ ɔtū nɛ̄hi ā.

⁵Óndú ā yɔ̄ ī gicō gaá cīce akpa kú ɔcɛ́ kú nū. Ācɛ ā bá ī tɔ́ɔga kú éeyē, bá ī tá opo pōōpōō.

⁶Aá gwíijē kú aá cɛ̄tra Ɔwɔicō. Aá gwíijē kú aá cɛ̄tra ɔcɛ́ kú alɔ.

⁷Ɔwɔicō wɛ ɔcɛ́ kú odúúdú ɛcɛ á, Aá gwíijē kú aá cɛ̄tra anú.

⁸Óndú ā cīce akpa ōtīihɔ kú ɔcɛ́ kú nū ó gē gbō odúúdú aéwo.

⁹Odúúdú ayí kú aɔ́cɛ́ kú éwo dóódu ā gáā le jīla mla ācɛ kú ɔlɛ́ Ɔwɔicō nɛ̄ Ébrahām gē gbā ā, Óndú ā nōó lɔfú fíyɛ́ dúú ā. É klla lɛ ojīlīmā ce ɔ́ nɛ̄hi ɛga dóódu.