Read idoma AÍJĒ KÚ Ɛ̄GBĀ 53 Bible Online

AÍJĒ KÚ Ɛ̄GBĀ 53 - idoma bible

AÍJĒ KÚ Ɛ̄GBĀ 53

¹ Aólíla ōfōōfū ūwā gē ka ipú ɔtū kú uwa kahíníī, “Ɔwɔicō í yɔ̄ ŋ́ má. Odúúdú uwā gē yá ɛdɔ kú ɔdōbɔ̄bí dóódu, ɔ̄cɛ dúúmā í yɔ̄ nōo gē yá ɔdā nōo le kpaakpa ŋ́.

²Óndú ā pīyeyī wāajɛ ŋmá ɔkpáncō kóō má ayí kú alɛɛcɛ ɔ́dāŋ ka ɔ̄cɛ dúúmā yɔ̄ nōo jéeyī, klla ī gbā anú nōo wɛ Ɔwɔicō ā ɛ̄gbā.

³Amáŋ odúúdú uwá kwú nyíleyī tɔ̄há. Odúúdú uwā gbɔɔ́ ō yá ɔdōbɔ̄bí jónjīlɛ̄ tɔ̄há. Ɔ̄cɛ dúúmā kú uwá í yɔ̄ ipú uwā nōo gē yá ɔdā olɔhi ŋ́.

⁴Ɔwɔicō da ɔ̄kā kahíníī, “Ācɛ o yá ɔdōbɔ̄bí nēe bá nyā í nwū odée ŋ́ nɛɛ? É wɛ aógwuda lɛ ā nɛɛ? É bá yɔ̄ ī hɛ́ ācɛ ɔlɛ́ um éjulúgwu piyóó. Ɔ̄cɛ dúúmā kú uwá ī gē gbɔ̄ɔkɔ gā um ŋ́.”

⁵Amáŋ aá má uwā mɛ́ɛ̄, ufi nɛ̄hi nɛ̄ ɛdɔ nū í kwú uwā jéjéē ɛ́ɛ́ ŋ́ mā, le uwá kwú ɛɛ́. Ohígbū ka Ɔwɔicō gēe jé ikpokwú kú ācɛ nēe gáā kpɛ́fú tá ācɛ ɔlɛ́ nū ā fíyákátā. Ɔwɔicō tá uwā ɛɛ́, ohígbū ɔ́ɔmā, Ísrɛ̄lu géē yá uwā lé dúúdú.

⁶N gē gbɔ̄ɔkɔ ka, Ɔwɔicō kóō cɛ̄ lɛ ācɛ Ísrɛ̄lu le yálé ŋmá Usáyɔn. Ɔtū géē he ācɛ Ísrɛ̄lu nɛ̄hi eko nɛ̄ Ɔwɔicō géē je odúúdú agbénú kú uwā kwúcē igbīhi lɛ uwá kpɔ́ ā.