Read idoma AÍJĒ KÚ Ɛ̄GBĀ 63 Bible Online

AÍJĒ KÚ Ɛ̄GBĀ 63 - idoma bible

AÍJĒ KÚ Ɛ̄GBĀ 63

¹Ɔwɔicō, awɔ wɛ Ɔwɔicō nɛ̄ n gē gbɛ̄gbā á, abɔ̄ uwɔ gē kwú um. N yɔ̄ ī yúnwū uwɔ ɛ́gɛ́nɛ̄ ajɛ íkpākplā kú ɔnɔ̄ gē yúnwū éŋkpɔ̄ ā. Ijēenyi kú n̄ lɛ uwɔ má eyī gē ŋmó um ɛ́gɛ́nɛ̄ ijēenyi éŋkpɔ̄ gē ŋmó um ā.

²Ká n̄ lɛ uwɔ má ipú Agblīihɔ-nɛ̄hi kú uwɔ ā, ká n̄ má ɛ́gɛ́nɛ̄ a lɔfú lɛ klla tū ɛgahi lɛ ā.

³Ihɔtū nāa lɛ lɛ ɔ̄cɛ eko dóódu ā lɔhi fíyɛ́ oyēeyī abɔ̄yī nū á. Ohígbū ɔ́ɔmā n géē yɔ̄ ī cɛ̄tra awɔ eko dóódu.

⁴N géē yɔ̄ ī tá uwɔ ahínyá piyóó jāā gbéeko nɛ̄ n kwú. N géē kpó abɔ̄ kú um kwu icō í gbɔ̄ɔkɔ gā uwɔ.

⁵Odo kú um gē nīpú bɛ̄ɛka ɔ̄cɛ nōo lé ucɛ olɔhi nɛ̄hi ā. N kē í gwéeyē í gwíijē í cɛ̄tra uwɔ.

⁶Eko nɛ̄ n gwutá agōdō otú, n gē gbɛlá uwɔ, otú gbó ɔ̄cī.

⁷Ohígbū ka awɔ húmáyī tá um abɔ̄ á. N gē yɔ̄ ī gwéeyē klla í yɔ̄ ī gwíijē ipú obobowú kú acá kú uwɔ ɛ́gɛ́nɛ̄ ɔyí ugwū ī yɔ̄ ipú acá kú ɛ́nɛ́ nū ā.

⁸N le abɔ̄ bī uwɔ mla odúúdú ɔfú kú um. Abɔ̄ olɔfú kú uwɔ ā kē í gbō um.

⁹Ācɛ nēe gē tíne kéē lɛ um ŋmó ā, géē pɛ́ kwú.

¹⁰Ɛfú géē je uwá lé. Aɔ́gwú géē kpó aókwū kú uwā lé.

¹¹Ɔcɛ́ ā géē gwéeyē, ohígbū ka Ɔwɔicō le aólɛlā kú nū kpó yálé lɛ ɔ́. Ācɛ nēe kē ī bī iyē kú Ɔwɔicō cokónu ā géē cɛ̄tra anú. Amáŋ okónu kú ācɛ o kɛ̄mgbɛ̄ ā géē klá cíí.