Read idoma AÍJĒ KÚ Ɛ̄GBĀ 65 Bible Online

AÍJĒ KÚ Ɛ̄GBĀ 65 - idoma bible

AÍJĒ KÚ Ɛ̄GBĀ 65

¹Ɔwɔicō, ó cíkā ká ālɔ̄ cɛ̄tra uwɔ Usáyɔn gbóó, cɛ́ɛ́ kú ālɔ̄ lɛ okónu nɛ̄ alɔ ce ā yá jīla gā uwɔ.

²Ohígbū ka a gē pó ɔkɔ nɛ̄ ɔ̄cɛ gē gbā ā, klla gē tá ɔ̄ ohi. Odúúdú ācɛ ɛga dóódu géē wā í gwɛ́ɛya gā uwɔ.

³Ohígbū íne nēé bīya ā. Eko nɛ̄ alɔ le íne bīya fíyábɔ̄ ā, a kwú yá alɔ ɛhi.

⁴Ɔdā olɔhi kú ɔlɛ́ uwɔ gē nū alɔ ipú. Ɔhā kú ipú Agblīihɔ-nɛ̄hi kú uwɔ jɛ̄ alɔ.

⁵A le ohi tá alɔ oŋmá lɛ ō cɛ̄ lɛ alɔ yá aólɛlā kú alɔ lé. A klla yá ɔdā idáagó alɛwa nɛ̄hi nōo nya alɔ tá. Alɛɛcɛ nēe lā kwu aísu nɛ̄hi nēe yɔ̄ ɛga oligbó ā lɔtū kpóce uwɔ.

⁶Ɔfú kú uwɔ nāa bī le je aɛ́fu kwu ɛga nēé kwu ā á. Ɛ̄nyā klla ī mafū ɔfú nɛ̄hi kú uwɔ ā.

⁷A le uya mla úgbagwú kú īsu trá kéē yɔ̄ cíí dúú. A klla le uya mɛ́mla oōwu klíicō kú alɛɛcɛ trá, le ɔ́ kwú tū cíí dúú.

⁸Ufi le odúúdú ācɛ kú ɛcɛ kwú, ohígbū ɔdā nɛ̄hi nāa yá ā. Ɔdā nāa ī yá ā, géē cɛ̄ lɛ ācɛ ī tɔ́ɔga kú éeyē ŋmá ɔ́kíkā dóódu kú ɛcɛ ā.

⁹A le ɔwɔ tɛ̄hɔ̄ kóō le yá klá ajɛ ká ā mafú ka anúɔ lɛ ɛlá kwu alɛɛcɛ. A klla le ajɛ yá lɔhi kóō cɛ̄ lɛ ɔdɛ̄hɔ̄ yá. Ísu kú uwɔ le mu mla éŋkpɔ̄, a le ajɛ yá lɔɔlɔhi kóō yá ɔdɛ̄hɔ̄, a klla le ɛcɛ tū mu mla ɔdɛ̄hɔ̄. Ɛ́gɛ́nɛ̄ a yá ɔ̄ kē yɔ̄ á,

¹⁰a lɛ ɔwɔ tū klá ajɛ ɛhɔ̄ nɛ̄ɛ̄nɛ̄hi, a le ɔgba ɛhɔ̄ mu mla éŋkpɔ̄ lɔɔlɔhi. A klla le yá ka ɔwɔ kóō le yā fū ajɛ cɛ́ɛ́ kú ajɛ kóō le wī, cɛ́ɛ́ kú ɔdɛ̄hɔ̄ kóō jɛ̄ lɔhi.

¹¹Ucē olɔhi nɛ̄hi kú uwɔ gē je ɔdɛ̄hɔ̄ nɛ̄hi lɛ alɔ iháyí dóódu á. Ɛga dúúmā nāa nyɔ̄, ɔdōlé le kpɔ.

¹²Ajɛ kú alɔ le mu mla aɔ́dāajɛ. ikpó ɛfu ā kē le mu mla ácí ɛ̄mɛ̄ɛ̄mɛ̄.

¹³Álá kú alɔ le nyīla klá ajɛ ɛbɛɛbɛ, aíkpɔ̄dɛ̄hɔ̄ klla le jɛ̄ klá ɔpɛ́ kú ɛfu ā nɛ̄hi. Odúúdú ɔdā nēe bá ā, bá bɛ̄ɛka ācɛ nēe bá ī tɔ́ɔga ī gwíijē ī cɛ̄tra Óndú ā.