Read idoma AÍJĒ KÚ Ɛ̄GBĀ 67 Bible Online

AÍJĒ KÚ Ɛ̄GBĀ 67 - idoma bible

AÍJĒ KÚ Ɛ̄GBĀ 67

¹Ɔwɔicō, ményinyi alɔ ká ā lɛ ɔhā hɛ́ ce alɔ. Má alɔ mla eyī ogbonɛnɛ ká ā cɛ̄ɛhɛ mɛɛ lɛ alɔ.

²Cɛ́ɛ́ kú odúúdú ācɛ kú ipú ɛcɛ nyā kéē lɛ ɔdā nāa tíne kéē yá ā jé. Cɛ́ɛ́ ka odúúdú aéwo kéē le jé ka a lɔfú ō nya uwá tá glá.

³Ká aéwo kéē cɛ̄tra uwɔ, Óndú, kú odúúdú aéwo ā kéē cɛ̄tra uwɔ.

⁴Ɔtū kóō he aéwo dóódu, kéē gwíijē kú éeyē, ohígbū ka a gē kɛpɔ̄ kú ācɛ kú aéwo mla ɛpɔ̄ okpaakpa. A klla ī bī aéwo kú ipú ɛcɛ ā jɔ́ɔwɛ.

⁵Ká ācɛ kú aéwo ā kéē cɛ̄tra awɔ, Óndú, ká odúúdú ācɛ kú aéwo kéē cɛ̄tra awɔ.

⁶Ajɛ ā le ɔdɛ̄hɔ̄ yá nɛ̄hi, Ɔwɔicō nɛ̄ alɔ ī gbɛ̄ɛ̄gbā ā le ɔhā hɛ́ ce alɔ ɛɛ́.

⁷Ɔwɔicō le ɔhā hɛ́ ce alɔ ɛɛ́, ka odúúdú ācɛ, ɛga dóódu kéē lɛ ojīlīmā ce ɔ́.