Read idoma AÍJĒ KÚ Ɛ̄GBĀ 75 Bible Online

AÍJĒ KÚ Ɛ̄GBĀ 75 - idoma bible

AÍJĒ KÚ Ɛ̄GBĀ 75

¹Alɔ tá uwɔ ahínyá Ɔwɔicō, alɔ tá uwɔ ahínyá. Alɔ gē bī ɛ́gɛ́nɛ̄ a lɔfú lɛ ā tɔ́ɔna. Alɔ klla ī ka odúúdú uklɔ́ idáagó nāa yá ā tɛ́ɛcɛ.

²Ɔwɔicō kahíníī, “N le eko kú ɛpɔ̄ tū ɛɛ́, n kē í hɛ́pɔ̄ ā kpaakpa.

³Ká odúúdú aɔ́dā nēe lɛ oyēeyī ā, kéē bá ī fīyégbúlú, ká ɛcɛ abɔ̄yī nū kóō yɔ̄ ī jíliyē nááná, n géē bī etikpa kú nū ā kwu ajɛ kli.

⁴N da ācobɔ̄bíipú mɛ́mla ācoyɔ́bɔ́ɔ̄cɛ ā kahíníī, “Aá híī yɔ́bɔ́ɔ̄cɛ ɛ́ɛ́ nɛ̄ aá ī gɔ̄ ŋ́.

⁵Aá híī gwó lɛyíkwu ɔfú nɛ̄ aá lɛ ŋ́, ɛ́ɛ́ nɛ̄ aá ī ka ɔbɔ́ɔ̄cɛ kú ɛ́gɛ́nɛ̄ aá lɔfú lɛ ā ŋ́.”

⁶Ɛpɔ̄ ō hɛ́ í ŋmá ɛhícō ámáŋ ka ɛháajɛ ámáŋ ka, ɛnɔ̄ɔ̄cī ámāŋ ka ɛnɔ̄ɔ̄nɛ̄ ŋ́.

⁷Ɔwɔicō géē hɛ́pɔ̄ á, Anú géē hɛpɔ̄hi lɛ ācɛ ōhī, kē ī ŋmó ācɛ ōhī ɛpɔ̄bí á.

⁸Ɔwɔicō bī íkókwū kú ejé olɔfú nɛ̄hi nōo kwɛyí ícɔ̄nū kú nū ā abɔ̄. Ó géē pīya anú tū ipú odée, cɛ́ɛ́ odúúdú ācobɔ̄bíipú ā kwú ɔ̄ ú gwá dúúdú.

⁹Amáŋ, ń gáā mā ō kɛlā kú Ɔwɔicō kú Ujékɔ̄pu ā ŋ́. Ɛ́ɛ́ nɛ̄ n géē mā ō gwíijē cɛ̄tra anú ŋ́.

¹⁰Ɔwɔicō géē ca ɔfú kú ācobɔ̄bíipú ā tāajɛ, amáŋ ɔfú kú ɔ̄cɛ oyēŋēē mɛ́mla ɔ̄cɛ okpaakpa ā gē yɔ̄ ī nwuné tōōtɔ̄ɔ̄.