Read idoma AÍJĒ KÚ Ɛ̄GBĀ 8 Bible Online

AÍJĒ KÚ Ɛ̄GBĀ 8 - idoma bible

AÍJĒ KÚ Ɛ̄GBĀ 8

¹Óndú alɔ, Ɔwɔicō, ācɛ má ɛ́gɛ́nɛ̄ a lɔfú klla lɛ ɛgahi lɛ ā, ɛga dóódu kú ɛcɛ ā. É bá í cɛ̄tra uwɔ ɔkpáncō mɛ́mla ɛcɛ.

²O ŋmá lɛ ocɛ̄tra kú ayípɛ̄ nɛ̄ŋcɛ́ mɛ́mla ayípɛ̄ obene ā, a kē lɛ ɔlɛ́ ō lɛ ɔdɔ olɔfú gwó lɛ iyī uwɔ. Ó kē cɛ̄ lɛ aólɛlā kú uwɔ má bá cíí, odúúdú ācɛ nēe bɛ́yíkwu uwɔ ā í má okónu kɛlā gɛ ŋ́.

³Eko nɛ̄ n leyī yi ɔkpáncō mɛ́mla ɛcɛ, ɔyā mɛ́mla inyílɔ́ɔuwɔ nāa kpó kwu ɔkpáncō ā mla odúúdú úklɔ́ abɔ̄ kú uwɔ ā cíí,

⁴cɛ́ɛ́ n dɔ̄ɔ̄kā ka, ɔdí wɛ ɔlɛɛcɛ ɛ́ɛ́ nāa gē gbɛlá kwu ɔ́ dúú ā, ámāŋ ka ɔdí nɛ̄ ɔyí kú ɔlɛɛcɛ wɛ ɛ́ɛ́, nāa gē lɛ ɛlá kwu ɔ́ ā.

⁵A le ɔlɛɛcɛ yá kwú ɔ̄ ú ce ɛga nōo nyɛ́ fíyɛ́ ákú uwɔ lígíí ōfōōfūnū. A kwú ɔflā kú ojīlīmā mɛ́mla ɛgahi ú kwu ɔ́ ɛyí.

⁶A kwú ɔ̄ ū yá otrɛ̄yí kú ɔdā dóódu nāa yá ā. A klla le ɔdā dóódu kpó tū ɔ̄ abɔ̄,

⁷kwu aálá, kwu aɛ́na, kwu aɛ́bɛ́ kú ipácí,

⁸aígbáanɔ, mɛ́mla aɛ́béenyi mɛ́mla ɔdā dóódu nōo lā ipú éŋkpɔ̄ ā.

⁹Ɔwɔicō, Óndú alɔ, ācɛ má ɛ́gɛ́nɛ̄ a lɔfú klla lɛ ɛgahi lɛ ā, ɛga dóódu kú ɛcɛ ā.