Read idoma AÍJĒ KÚ Ɛ̄GBĀ 82 Bible Online

AÍJĒ KÚ Ɛ̄GBĀ 82 - idoma bible

AÍJĒ KÚ Ɛ̄GBĀ 82

¹Ɔwɔicō má cīce akpa kú ɔcɛ́ kú nū iyɔ̄bū kú ójīla kú aɔ́wɔ ā ɔkpáncō. Ipú ójīla kú aɔ́wɔ ā nɛ̄ ó gē hɛ́pɔ̄ kú nū á.

²“Eko nyá nāa géē hɛ́pɔ̄ obɔ̄bí gaá kwu āa, a klla í yɔ̄ ī hɛ́ ɛpɔ̄hi lɛ ācobɔ̄bíipú ā nɛɛ?

³Lɛ ɛpɔ̄hi hɛ́ lɛ ācogbɛhá mɛ́mla ayókwū. Aá cɛ̄pɔ̄ kú ācɛ nēé gē pīyatū mla ācɛ nēé lɛ ɔ̄cɛ nōo ī tá uwā abɔ̄ ŋ́ mā.

⁴Lɛ aógbɛhá mɛ́mla ācɛ eyīnyinyi ā hɛ́tá, lɛ uwá hɛ́tá ŋmá abɔ̄ kú ācobɔ̄bíipú ā.”

⁵É jíijéyī, ɛ́ɛ́ nēé gē jé ɔdā dúúmā ŋ́. É bá ī yá ucē obɔ̄bí dúúdú, anɔ́ɔ ɛpɔ̄ okpaakpa í yɔ̄ ipú ɛcɛ flúflú gɛ ŋ́ má.

⁶N kahíníī, “Aá wɛ aɔ́wɔ, ɛjɛ̄ɛ̄jī aá wɛ ayī kú Ɔwɔicō nōo lɔfú fíyɛ́ dúú ā.

⁷Nááná ā, aá géē kwú bɛ̄ɛka alɛɛcɛ ā, oyēeyī kú aá klla í ŋmɛ́yí bɛ̄ɛka otrɛ̄yí dóódú ā.”

⁸Ɔwɔicō cāŋjɛ, ká ā kɛpɔ̄ tū ɛcɛ, ohígbū ka odúúdú aéwo kú ɛcɛ ā wɛ ákú uwɔ nɛ.