Read idoma AÍJĒ KÚ Ɛ̄GBĀ 85 Bible Online

AÍJĒ KÚ Ɛ̄GBĀ 85 - idoma bible

AÍJĒ KÚ Ɛ̄GBĀ 85

¹Óndú, a húmáyī ményinyi kú ajɛ kú alɔ. A klla i yá kú Ísrɛ̄lu kóō jɛ̄ gɔbū igbɔhá kpɔ́.

²Á kwú íne nɛ̄ ācɛ ɔlɛ́ uwɔ bīya ú yá uwā ɛhi, a klla kwú ucē obɔ̄bí dóódu nēé yá ā ú yá uwā ɛhi.

³Á cɔ̄nū mla uwá gɛ ŋ́, a klla le ícɔ̄nū kú uwɔ kwú tū.

⁴Yá ká ālɔ̄ le jɛ̄ gɔbū igbɔhá kpɔ́, Ɔwɔicō, ohɔ́nyɛtá kú alɔ. Ká ɛlā kú alɔ kóō híī wú uwɔ ɔtū gɛ ŋ́.

⁵A géē cɔ̄nū mla alɔ piyóó nɛɛ? Ɔnū kú uwɔ í gáā mɛ gɛ ŋ́ nɛɛ?

⁶Lɛ ɔfú tū alɔ iyē igbɔhá kpɔ́, cɛ́ɛ́ ká alɔ, nēe wɛ ācɛ ɔlɛ́ uwɔ ā kú ālɔ̄ cɛ̄tra awɔ.

⁷Ma ihɔtū kú uwɔ fú lɛ alɔ eko dóódu, Óndú, cɛ́ɛ́ ká ā lɛ alɔ tábɔ̄, ká ā klla lɛ alɔ nyatá.

⁸Abālɔbányā, n géē jāhɔ̄ lɛ ɛlā nɛ̄ Óndú, Ɔwɔicō yɔ̄ ī ka ā. Ó cokónu kú ɛbɔ́ lɛ alɔ nēe wɛ, ācɛ ɔlɛ́ nū ā, ɔ́dāŋ ka alɔ í kwúcē ga ipú ucē kú íla kú alɔ ā ŋ́.

⁹Ɔwɔicō le tútū ɔkwɛ̄yi kóō nya ācɛ dóódu nēé gē lɛ ojīlīmā ce ɔ́ ā tá. Ó gē ma iyī nū fú klla ī nya alɔ tá ipú ajɛ kú alɔ.

¹⁰Ɔwɔicō nɛ̄ Ísrɛ̄lu he ɔ́ ɔtū ā mɛ́mla Ísrɛ̄lu nōo kē lɛyítáajɛ lɛ Ɔwɔicō ā, géē jīla. Ísrɛ̄lu nōo lɛyítáajɛ lɛ Ɔwɔicō ā géē lɛ ɛbɔ́ nōo lɛbɛ̄ɛka ɛ́gɛ́nɛ̄ ācɛ ɛpa gē kwú iyī uwā bɔ́tū ā.

¹¹Ācɛ Ísrɛ̄lu nēe ī lɛyítáajɛ lɛ Ɔwɔicō ā géē ŋmá ajɛ gicō, anɔ́ɔ Ɔwɔicō nōo kē ī yá okónu kú nū jīla lɛ ācɛ kú Ísrɛ̄lu ā géē pīyeyī má ajɛ ŋmá ɔkpáncō.

¹²Óndú ā géē yá alɔ kú ālɔ̄ jɛ́ gɔbū, ajɛ kú alɔ klla í yá ɔdɛ̄hɔ̄ nɛ̄hi.

¹³Okpaakpa géē gbɔbū lɛ Óndú ā, klla í tá ɔwɛ tū lɛ ɔ́.