Read idoma AÍJĒ KÚ Ɛ̄GBĀ 87 Bible Online

AÍJĒ KÚ Ɛ̄GBĀ 87 - idoma bible

AÍJĒ KÚ Ɛ̄GBĀ 87

¹Óndú, lɛ igelī nɛ̄hi kú nū ā, gwó kwu ɛyí ɛfú otīihɔ ā.

²Ujerúsālɛm ā he ɔ́ ɔtū fíyɛ́ odúúdú igelī nɛ̄hi ɔhá kú ajɛ kú Ísrɛ̄lu.

³Jāhɔ̄, ɛ́gɛ́nɛ̄ ɔ̄cɛ gē jāhɔ̄ ā, igēlī nɛ̄hi kú Ɔwɔicō, ká ā pó ɔdā olɔhi nɛ̄hi nēé ka lɛyíkwu uwɔ ā.

⁴“N géē tá iyē ācɛ Íjīpiti, ācɛ Ubábīlɔn, ācɛ Ufilístiya, ācɛ Utáya mɛ́mla ācɛ Itiyópīya eko dúú mā nɛ̄ n gē tá iyē kú aéwo nēe gē lɛyítáajɛ gā um ā. N géē gbo uwá áluka tū ācɛ kú Ujerúsālɛm.

⁵É géē ka lɛyíkwu Usáyɔn ka, odúúdú ācɛ kú aéwo ā, wɛ ācɛ Usáyɔn, Ɔwɔicō, nōo lɔfú fíyɛ́ ā géē je ɔ́ yá lɔfú nɛ̄hi.

⁶Óndú ā géē tá iyē kú odúúdú ācɛ ka é wɛ ācɛ kú Ujerúsālɛm.

⁷Odúúdú uwā géē gwíijē, klla í jīijē kahíníī, “Ipú Usáyɔn ā, nɛ̄ odúúdú ɔhā kú alɔ ŋmá á.”