Read idoma AÍJĒ KÚ Ɛ̄GBĀ 92 Bible Online

AÍJĒ KÚ Ɛ̄GBĀ 92 - idoma bible

AÍJĒ KÚ Ɛ̄GBĀ 92

¹Ó lɔhi kú ɔ̄cɛ kóō tá uwɔ ahínyá, Óndú. Ka ɔ̄cɛ kóō gwíijē cɛ̄tra awɔ nōo wɛ Ɔwɔicō nōo lɔfú fíyɛ́ dúú ā.

²Kóō yɔ̄ ī tɔ́ɔna ihɔtū kú uwɔ nāa ī mafú eko dóódu ā. mɛ́mla ɛ́gɛ́nɛ̄ a tōō lɛ ɔtuce uwɔ ā otú dóódu.

³Ó lɔhi kú ɔ̄cɛ kóō yɔ̄ ī gwō ɛ̄ngwū mɛ́mla úmōlō,

⁴ohígbū ka úklɔ́ nɛ̄hi nāa yá ā, cɛ̄ lɛ ɔtū le he um. Óndú, ohígbū ɔdā nāa yá ā, n géē yɔ̄ í gwíijē kú éeyē.

⁵Úklɔ́ alɛwa nāa yá ā, nwuné nɛ̄hi Óndú, ɛlá nāa gbo ā kē lipú nɛ̄hi.

⁶Ɛ̄nyā wɛ ɔdā nɛ̄ olíla í jé glá ŋ́ má, ɛ́ɛ́ nɛ̄ ɔ̄cɛ nɛ̄ ó lɛ ohílīpú ŋ́ í gáā jɛyí nū glá ŋ́.

⁷Ācobɔ̄bíipú ā géē bá ī jɛ̄ bɛ̄ɛka ácí ā, ācɛ nēe kē ī yá ɔdōbɔ̄bí ā kē lɔfú bá ī má olɔhi mɛ́mla oō jɛ̄ gɔbū. Nááná é géē kpó uwā yíífi dúúdú.

⁸Ohígbū ka awɔ ā, Óndú, a ce ɔcɛ́ klla lɛ íkwu īkpɛ̄yí kú odúúdú ācɛ piyóó.

⁹Alɔ jé ka odúúdú aólɛlā kú uwɔ ā, Óndú, géē pɛ́kwú, a klla í yá odúúdú ācobɔ̄bíipú ā lé.

¹⁰A le um yá lɔfú bɛ̄ɛka ɛyī ā, a klla le ɔhā hɛ́ ce um mla éeyē.

¹¹N le ɛ́gɛ́nɛ̄ Ɔwɔicō yá aólɛlā kú um lé lɛ ā má ɛɛ́. N klla le ikwū mɛ́mla ɛgba kú ācobɔ̄bíipū ā pó ɛɛ́.

¹²Ācɛ okpaakpa gē jɛ̄ gɔbū bɛ̄ɛka aɔ́cí alī ā, é klla í jɛ̄ bɛ̄ɛka ulōko ā.

¹³É lɛbɛ̄ɛka aɔ́cí nēé tū ɔlɛ́ kú Ɔwɔicō ā, nōo ī jɛ̄ gɔbū ipú Agblīihɔ-nɛ̄hi kú Ɔwɔicō kú alɔ ā.

¹⁴É ī gwá īkpō eko nēé le hīla nááná, ēpū kú uwā wɛ ɛ̄mɛ̄ɛ̄mɛ̄ eko dóódu, é gē wúla ŋ́, é klla lɔfú nɛ̄hi.

¹⁵Ɛ̄nyā gē mafú ka ɔwɛ nɛ̄ Óndú gē yá ɛlā ā le kpaakpa. Anú nōo gē leyīkwu um ā, gē gbō um ā í lɛ ɛcá dúúmā ŋ́.