Read idoma AÍJĒ KÚ Ɛ̄GBĀ 95 Bible Online

AÍJĒ KÚ Ɛ̄GBĀ 95 - idoma bible

AÍJĒ KÚ Ɛ̄GBĀ 95

¹Aá wā, kú ālɔ̄ cɛ̄tra Óndú ā, kú alɔ gwíijē kú éeyē lɛ Ɔwɔicō nōo ī gbō alɔ, klla ī nya alɔ tá ā.

²Alɔ ga ɛgiyí nū gaá tá ɔ̄ ahínyá, kú ālɔ̄ gwíijē kú éeyē, kú ālɔ̄ klla cɛ̄tra anú.

³Ohígbū ka Óndú, wɛ Ɔwɔicō nōo lɔfú nɛ̄hi, anú klla wɛ ɔcɛ́ nōo lɔfú nɛ̄ɛ̄nɛ̄hi fíyɛ́ aɔ́wɔ dóódu á.

⁴Anú gē gbó odúúdú ɛcɛ á, ŋmá ipú ɔ̄gɔ̄ nōo lipú fíyɛ́ dúú ā ga ɛyí ɛfu nōo licō fíyɛ́ dúú á.

⁵Kwu ísu mɛ́mla ajɛ nɛ̄ ó yá ā, anú gē gbō uwā á.

⁶Aá wā kú ālɔ̄ túkpɛɛ́ɛ́, kú ālɔ̄ gbā ɔ̄ ɛ̄gbā, ká ālɔ̄ lɛ okwúukwu kwu ajɛ iyɔ̄bū kú Ɔwɔicō nōo yá alɔ ā.

⁷ Anú wɛ Ɔwɔicō kú alɔ á. Alɔ wɛ ācɛ ɔlɛ́ nū, nɛ̄ ó gē lɛ ɛlá kwu alɔ, bɛ̄ɛka ɛ́gɛ́nɛ̄ ɔ̄cogbāálá gē lɛ ɛlá kwu aálá kú nū ā. Jāhɔ̄ ícɛ lɛ ɔdā nɛ̄ ó yɔ̄ ī ka ā.

⁸ Aá híī lɛ ɔtū kú aá yá lɔfú bɛ̄ɛka ɛ́gɛ́nɛ̄ aádáádā aá yá ajɛ kú Umɛ́rība ā ŋ́. Óō klla lɛbɛ̄ɛka ɛ̄cī nēé yá īkpɛ̄yí olɔfú ipú ígbíli kú Umása ā ŋ́ dúú.

⁹Ádáádā aá le um jámá, nááná nēé lɛ ɔdā nɛ̄ n yá lɛ uwá ā má ā.

¹⁰Iháyí ofɛpa, ɔtū le bīya gā um lɛyíkwu ācɛ nēe bá abɔ́ɔ ɔ́ɔmā, anɔ́ɔ n kahíníī, “É wɛ ācɛ ō yíīkpɛ̄yí olɔfú, é klla ī tá ō lɛyítáajɛ lɛ íne kú um.”

¹¹Anɔ́ɔ n kwú cɔ̄nū le ɔkpá ce īyī um kahíníī, “Aá klla gáā ga ipú ajɛ nɛ̄ n je lɛ aá kú aá nyɔ̄ gaá mlɛ́nyɔ́ ā gɛ ŋ́.”