Read idoma AÍJĒ KÚ Ɛ̄GBĀ 98 Bible Online

AÍJĒ KÚ Ɛ̄GBĀ 98 - idoma bible

AÍJĒ KÚ Ɛ̄GBĀ 98

¹Aá gwíijē ɛ̄yīpɛ̄ lɛ Óndú ā. ohígbū ka ó yá ɔdā idáagó! Ó bī ɔfú iyē kú nū le yálé ɛɛ́.

²Óndú ā le ɔna tá ka anúɔ le yálé ɛɛ́, ó lɛ ɔfú kú onyatá kú nū mafú lɛ ɛcɛ ɛɛ́.

³Ó le okónu nɛ̄ ó ce ā yá lɛ ācɛ kú Ísrɛ̄lu, ohígbū koó tōō lɛ ɔtū ce klla ī yíihɔtū tá uwā eko dóódu. Odúúdú ācɛ nēe bá ɛga dóódu kú ɛcɛ ā, le ɛ́gɛ́nɛ̄ Óndú gē yá aólɛlā kú nū lé lɛ ā má ɛɛ́.

⁴Ācɛ dóódu kú ipú ɛcɛ, aá gwíijē kú éeyē lɛ Óndú, kú aá cɛ̄tra anú, aá tɔ́ɔga cɛ́ɛ́ kú aá gwíijē kú aá gwéeyē.

⁵Aá gwíijē mla ɛ̄ngwū mɛ́mla úmōlō kú aá cɛ̄tra Óndú ā.

⁶Aá tá opo, kú aá tá ɛ́mula, kú aá tɔ́ɔga lɛ Óndú nōo wɛ ɔcɛ́ kú alɔ.

⁷Itekwú mɛ́mla ɔdā dóódu nēe bá ipú nū ā, kéē yúuya. Ɛcɛ mɛ́mla odúúdú ācɛ nēe lā ipú nū ā, aá gwíijē.

⁸Aísu, aá gwāabɔ̄, aɛ́fu, aá gwíijē ká aá gwéeyē tɔ̄há ɛgiyí Óndú ā.

⁹Ohígbū ka Óndú ā í ce ɔcɛ́ ɛcɛ, ó kē í gbō ɛcɛ mla ɛpɔ̄ okpaakpa nɛ̄ ó ī hɛ́ ā.