Read idoma Ɔ̄COKÓĪTÁ 11 Bible Online

Ɔ̄COKÓĪTÁ 11 - idoma bible

Ɔ̄COKÓĪTÁ 11

¹Lɛ igbō kú uwɔ tū ce eyī éŋkpɔ̄. Igbīhī ɛ̄cī alɛwa, a géē pīyɛ̄ ɔ̄ kpɔ́. Nwūlabɔ̄ lɛ ācɛ ohígbū ka ɔdā kú ɛhi kú uwɔ ā géē pīyɛyí gē lɛ uwɔ igbīhāajɛ.

²Je ɔdā ɛhi kú uwɔ lɛ ācɛ alɛwa, ohígbū ka á jé ɔdā obɔ̄bī nōo géē yá uwɔ óócí ā ŋ́.

³Eko nɛ̄ ojuja kwú gbɛnú ɔkpáncō, ó gē yá ɔwɔ wā ajɛ. Ɛga dúúmā nɛ̄ ɔcí tū nyɔ̄ ā, ajɛ abɔ́ɔ nōó gē tá á.

⁴Ɔ̄cɛ dúúmā nōo ī leyī tá ɛ́gɛ́nɛ̄ owu ī tá lɛ ámāŋ ka ɛ́gɛ́nɛ̄ ɔkpáncō lɛ ā í gáā nyi ɔdɛ̄hɔ̄ glá ŋ́. Ɔ̄cɛ ɛ́gɔ́ɔmā í kē gáā cē ɔdɛ̄hɔ̄ glá ŋ́.

⁵Ɛ́gɛ́nɛ̄ á jé ɔwɛ kú owu ŋ́, ɛɛ́ nāa gē jé ɛ́gɛ́nɛ̄ ɔyí gē yá ipú kú ɛ́nɛ́ nū lɛ ŋ́ mā, ɛ́gɔ́ɔmā nɛ̄ á gáā jé ɛyí kú úklɔ́ kú Ɔwɔicō nōo yá ɔdā dóódu ā ŋ́ má.

⁶Nyi īkpɔ́dɛ̄hɔ̄ kú uwɔ eko dóódu, ohígbū ka á jé eko nōo géē yá lɔhi ā ŋ́. Ɔ́dāŋ ka é géē je bīya dúúdú nɛɛ ámāŋ ka ó géē yá lɔhi nɛɛ, á jé ŋ́. Ekōhi ɛjɛ̄ɛ̄jī ūwā géē yá lɔhi, amáŋ aɛ́nɛ̄ a nyi eko éyi ā kē lɔfú jé ā.

⁷Ɔlá ō fíyajɛ kú ɛnɔ lɔnyɛ, ó klla he eyī ɔtū oōmá.

⁸Áluka iháyí dóódu nɛ̄ ɔ̄cɛ yēeyī gāá kwu lɛ, óō gwéeyē kú odúúdú nū, kóō tá ahínyá. Amáŋ, aá lɛ ɛlá kwu ɔ́ ka eko nāa gáā yɔ̄ ɔlékwū ā ligbō klla lɛwa fíyɛ́ ɛ̄cī kú oyēeyī á. Odúúdú nū wɛ áncā.

⁹Ayípōklóbīya, aá jɔ́ɔnyɛ kú oyéeyī kú aá. Aá gwéeyē eko kú ɔyípōklóbīya kú aá. Aá yɛce ɔwɛ kú ɔtū kú aá, mla ɔdā dúúmā nɛ̄ eyī kú aá má ā. Amáŋ, aá le jé ka, Ɔwɔicō géē kɛpɔ̄ kú odúúdú ɔdā nɛ̄ aá yá ā tū aá.

¹⁰Ohígbū ɔ́ɔmā, aá kwú ɔtū kpoókpoó mɛ́mla unwalu ú ŋmá ipú ɔtū kú aá, cɛ́ɛ́ aá kwú unwalu ú tonū ŋmá ɛgiyí aá, ohígbū ka eko ɔyípōklóbīya mɛ́mla ɔ́ncɛ́nyā wɛ áncā nɛ.