Read idoma IJĒ KÚ USÓLŌMƆN 6 Bible Online

IJĒ KÚ USÓLŌMƆN 6 - idoma bible

IJĒ KÚ USÓLŌMƆN 6

¹“Awɔ nōo jɔ̄ɔ̄nyā fíyɛ́ odúúdú ācɛnyā ā, Iní nɛ̄ ɔ̄cɛ nōo he uwɔ ɔtū ā nyɔ̄ ā? Ka lɛ alɔ, cɛ́ɛ́ ká ālɔ̄ cɛ̄ uwɔ tíne nū.

²“Ohumɔtū ā, le tá ipú ɛhɔ̄ kú nū, ɛga nɛ̄ ɔcí kú ubálusam gē jɛ̄ ā. Ó yɔ̄ ī je ɔdōlé lɛ aálá kú nū ipú ɛhɔ̄ ā, klla yɔ̄ ī yā ododó.

³Ohumɔtū ā wɛ ákú um, n kē wɛ ákú nū. Ó yɔ̄ ī je ɔdōlé lɛ aálá kú nū ipú ododó ā.”

⁴“Ohumɔtū, a lɔhi bɛ̄ɛka igelī kú Utɛ́sa ā, a klla jɔ̄ɔ̄nyā bɛ̄ɛka Ujerúsālɛm ā. A klla héyīfuú bɛ̄ɛka aícɔ́ɔja nɛ̄hi nēe le hɔ́ɔgba bá ī nɔɔwɔ mɛ́mla otúta ā.

⁵Kwú eyī kú uwɔ ú pīya ŋmá ɛgiyí um, Ohígbū koó gē je unwalu lɛ ɔtū kú um Īnyīlɛyí kú uwɔ gē hɛ́ kputúkputú bɛ̄ɛka ígwu kú ɛwū, nēe bā í wúla ɔpɛ́ wā ajɛ ŋmá ɛyí ɛfu kú Ugílɛ̄di ā.

⁶Ayīnu kú uwɔ tɛ́hɛ́ kwɛ́mm bɛ̄ɛka ígwu kú aálá nēé lɛ uwá iyē gwā ā. Odúúdú uwa jōōnjīlē kpligidi, odúúmā í fu ŋ́.

⁷Ábáa kú uwɔ yɔ̄ ī ŋmá mulɔ́mulɔ́mulɔ́ ipú īlī ō kléeyī kú uwɔ.

⁸Anyɔcɛ́ kú ɔlɛ́ ɔcɛ́ ā lɔfú wɛ ofɛtá, nɛ̄ aódiyɔ kú nū lɔfú wɛ ofɛnɛ, amáŋ ayípáncɛ́nyā ɔlɛ́ nū í lɛ ō gbaáluka glá ŋ́.

⁹Amáŋ awɔ wɛ ɔ̄cɛ ékpónú nōo he um ɔtū ā nɛ̄ n í je á. Ɔ́ɔmā jɔ̄ɔ́ncɛ́nyā bɛ̄ɛka okóhō ā. Anú ōfōōfūnū wɛ ɔyínɔ̄nyā kú ɛ́nɛ́ nū á. Anú kē wɛ ɔyí oōcɛ̄ kú ɛ́nɛ́ nū á. Odúúdú ācɛnyā kpéyī klá anú klla ī cɛ̄tra anú Ānyā ɔlɛ́ um ā mɛ́mla aɔ́diyɔ̄ ā, gē gwííjē cɛ̄tra anú.

¹⁰Ɔ̄nyɛ wɛ ɔ̄cɛ ā, nɛ̄ o má eyī kú nū lɛbɛ̄ɛka eyī ōnyā ā? Ó jɔ̄ɔ́ncɛ́nyā bɛ̄ɛka ɔyā nōo yɔ̄ ī fiyajɛ ā, klla lɔhi ī ceyī ŋmaáŋmaá bɛ̄ɛka ɛnɔ ā. A klla héyīfuú bɛ̄ɛka aícɔ́ɔja nɛ̄hi nēe le hɔ́ɔgba bá ī nɔɔwɔ mɛ́mla otúta ā.

¹¹N ga ajɛ ipú ɛhɔ̄ kú ɔcí álmɔ̄ndi, ká n̄ má aɔ́cí nēe bá ī jɛ̄ ŋmá ajɛ ā, ká n̄ má ēpū ɛ̄yīpɛ̄ nēe bá ī wɛ̄ɛcɛ ŋmá aɔ́cí ufáyin ā, ká n̄ klla má ohéepu kú aɔ́cí upɔmegrɛ́nēeti ā.

¹²N yɔ̄ í fīyégbúlú kpáákpá, a cɛ̄ lɛ ɔtū kpoókpoó yɔ̄ ī yá um nɛ̄hi, bɛ̄ɛka ɔ̄cɛ o pɛ́ úgbɔ́ɔnyā nōo gē nyɔ̄ ɔnɛ̄fú ō kpó ā.

¹³Ɔyípɔ̄ncɛ́nyā kú Ussúlam, kwúcē wā, kwúcē wā, ká ālɔ̄ má uwɔ,igbɔhá kpɔ́ ɛ́ɛ́. Ɔdíyá ɛ́ɛ́ nɛ̄ aá tíne ō yɔ̄ ī má um, nōo wɛ ɔ̄cɛ Ussúlam ā, bɛ̄ɛka ɔ̄cɛ nōo tá ɔgbɔ́ yɔ̄ ī jījē nɛ̄ ɛwa bá ābɔ̄ kpééyī klá anú ā?