Read idoma IJĒ KÚ USÓLŌMƆN 7 Bible Online

IJĒ KÚ USÓLŌMƆN 7 - idoma bible

IJĒ KÚ USÓLŌMƆN 7

¹Ɛdɔ ɔ́ncɛ́nyā nɛ̄ a jɛ̄ dúú yɔ̄ ā? Má ɛ́gɛ́nɛ̄ áblákpá cíkā gā uwɔ ikpó lɛ dúú ā. Átákwū kú uwɔ yɔ̄ yōōlō, bɛ̄ɛka, úklɔ́ kú ɔ̄cɛ o jé ō yúklɔ́ abɔ̄ nɛ̄hi ā.

²Údrō kú uwɔ lɛbɛ̄ɛka íkókwū yoolo ā. Éjé kóō híī ŋmó ŋmá anú ŋ́. Ohí kú uwɔ lɛbɛ̄ɛka ɛ̄wɛ̄ igwu nēé lɛ ododó gbō ɔ̄ biílí ā.

³Aámɛ̄ kú uwɔ ā héyīfuú lɛbɛ̄ɛka ayí ɔblá nēe wɛ áplɛ́ ɛpa ā.

⁴Ɔkɔ kú uwɔ̄ le mulɛ́mulɛ́ kwu gɔ̄mm bɛ̄ɛka ayīnu adāgbá ā. Īkpēyī kú uwɔ ī ceyī ŋmaáŋmaá bɛ̄ɛka éŋkpɔ̄ njɔlɔ kú igelī nɛ̄hi kú Uhɛ́ssibɔn, nōo kwu okónu igá kú igelī nɛ̄hi ɔ́ɔmā. Ɛnwū kú uwɔ̄ kwu gɛ̄mm bɛ̄ɛka Inɔ̄ɔda kú Ulɛ́bānɔn, nōo kwu Udamásikɔ̄si ājaajɛ ā.

⁵Ikpɛ̄yí kú uwɔ kwicō gɛ̄mm bɛ̄ɛka ɛfu kú Ukámɛ̄lu ā. Īnyīlɛyí kú uwɔ nōo gbɔ̄ɔ̄lɔ̄ playi ajɛ ā wɛ onōbí sunúú yɔ̄ ī ceyī. Ɔhī kú inyilɛyí ā ōfōōfūnū kwú ɔcɛ́ ɔtū ú ɛɛ́.

⁶Má ɛ́gɛ́nɛ̄ a lɔhi klla jɔ̄ɔ̄ncɛ́nyā lɛ ā. Ihɔtū kú uwɔ lɔnyɛ íbí.

⁷A kwaajɛ lɔɔlɔhi kpaakpa bɛ̄ɛka ɔcí alī ā, amɛ̄ kú uwɔ le mulómuló bɛ̄ɛka oōgwá kú ódó ā.

⁸N ka n géē lɛ icō kú ódó nyā tū gaá lɛ abɔ̄ bī aíkpō kú ódó nyā. Amɛ̄ kú uwɔ̄ ipú abɔ̄ kú um, le mlómló bɛ̄ɛka oōgwá cukpɔɔ kú īkpō ufáyin ā. Owu kú okónu kú uwɔ gē kpóocu bɛ̄ɛka oōgwá kú ɔcí ódó ā.

⁹Okónu ō kwu uwɔ okónu lɔhi bɛ̄ɛka ejé ō lɔhi fíyɛ́ dúú, nēe ī bū ákpókónu mɛ́mla ɛplá ayīnu flɛɛlɛ ā.

¹⁰“N wɛ ákú ohumɔtū ā nɛ̄, ami ké he ɔ́ ɔtū á.

¹¹Ohumɔtū, wā ká ālɔ̄ nyɔ̄ ga ipú aɛ́hɔ̄ ā. Ká ālɔ̄ gaá gbɔga eyīpɔ́lɛ́ ā otú gbɔ̄ɔ̄cī.

¹²Alɔ gē cāŋjɛ ɔ̄cɔ̄ɔ̄cī blibli gaá má ɔcí ufáyin ā, Ɔ́daŋ́ koó gbɔɔ́ ō héepu ɛɛ́, mɛ́mla ɔ́dāŋ nɛ̄ upɔmegrɛ́nēeti ā gbɔɔ́ ō héepu dúú ɛɛ́. Abɔ́ɔ ā, n géē je ihɔtū kú um gā uwɔ

¹³Ɔcí-afa-kú-ɔyí yɔ̄ ī kpóocu kwūūū, Ɛdɔ īkpɔ̄cí olɔhi ɛyɛ́ɛyɛ́yí, kwu ɛnɛ̄ncɛ̄ mɛ́mla ɛ̄yīpɛ̄, bá okómpīinu kú ɔlɛ́ alɔ. Ohumɔtū, ami kpó uwā gā uwɔ á.