Read idoma AYISÁYA 12 Bible Online

AYISÁYA 12 - idoma bible

AYISÁYA 12

¹Aá gēe bā í gwó ijē ɛ̄cī ɔ́ɔmā ka, “N gēe tá uwɔ ahínyá pióo, o Óndú! Náaná nɛ̄ a tɛtɛ cɛ̄ ɔnū mla um a, íwɔ́tū mla ɔnū oōcē kú uwɔ ɔ́ɔmā mɛ ɛɛ́, Á kē lɛ um ɔtū tū kwu ɔtu ɛɛ.

²Má ɔɔ, Ɔwɔicō wɛ onyatá kú um á, N gēe lɛ ɔtū oōkpóce, klá í lɛ ɔtū ce ɔɔ, nɛ n gāa yá ufi ŋ́. Ohígbū ka Óndú a, Ɔwɔicō a, anú wɛ ɔfú kú um mla ijē oogwo kú um á, ó kwú pīya onyatá kú um dúu ɛɛ́.”

³Aá gee mīyɛ onyata mla éeyē, ɛ́gɛ́nɛ̄ aa ge lɛ éŋkpɔ̄ ŋmá obugā kú Ujerúsālɛm a.

⁴Aá kē ī bā ī ka ɛ̄cī ɔ́ɔmā ka, “Áá tá Óndú āahínyá, ka aá cɛ̄tra iyē kú Óndú a, ɔdā dóódu nōó yá a, aá yá ka oduudu aéwo ɔhá kéē le jé; Aá bī iye kú nu tá ɔna ipu ojīlīma, ɛgahi mla ocɛ̄tla nɛ o fíyɛ́ dúu á.

⁵Aá gwó ijē kú ocɛtla la Óndú a, ohígbū ka, ó yá ɔda oolɛɔhi la alɔ íbí. Aá yá ka ɛcɛ ka ō lɛ odúúdú ɛ̄nyā jé.

⁶Aá tá ɔga, aá gwéeyē, ka aá gwó ijē, ācɛ kú Usáyɔn, ohígbū ka ɔcɛ́, otīīhɔ kú Ísrɛ̄lu, nōo yɔ̄ ɔtuāhɛ̄ aá a nwuné nɛ̄hi.”