Read idoma AYISÁYA 16 Bible Online

AYISÁYA 16 - idoma bible

AYISÁYA 16

¹Ācɛ kú Umówābu gē lɛ ɔyí álá tɛ̄hɔ̄ fu ɔcɛ́ kú Ujerúsālɛm ŋmá Iselá, ipú ácí, ɛga nɛ̄ uwá kwu gāa lā a.

²Uwá bá okónu ísu kú Ánɔn jaa ga ɔbū ga igbīhi, í jé ɛga nēé gēe nyɔ̄ a ŋ, bɛ̄ɛka aígbáanɔ nēé lɛ ɔlɛ́ uwá kpó a.

³Uwá da ācɛ kú Ujúda kahíníī, “Da alɔ ɔdā nɛ̄, alɔ gēe yá a. Lɛ alɔ gbō ka a lɛ alɔ tū bɛ̄ɛka ɔcí nōo gē gbo obobowú klá ɔ̄cɛ ɔlɛ́ ɛnɔ á. v ka alɔ mlaɛ́nyɔ̄́ obobowú kú uwɔ. Alɔ kwú pīya alagbá kú ɛfu ba ī kwu, í tíne ɛga ootaínū ɛɛ́, kwú alɔ u tayínū ɛga dúúmā nɛ a gē pīɛ̄ la alɔ a.

⁴Aá mā alɔ tá ka alɔ lā ipú ajɛ kú aá, ka aá lɛ alɔ gbō ŋmá ɛga īyī ācɛ nēe tíne ooje alɔ yá ífi a.” Ooyaŋmó mla ífi gēe mɛ, ācɛ nēé ka e ba i je ajɛ kú alɔ a yá ífi ŋmá ajɛ nyā gē nyɔ̄.

⁵v éyi kú ayí kú ipɔ́ɔma kú Udéfīdi a gēe lé ɔcɛ́; ó gē gbō ācɛ a mla Ihɔtū ogbéegbé ɛcɛ mla okpaakpa. Ó gēe ya ɔdā nōo le kpaakpa a fíyaa, ó gēe má kéē ba ī yá ɔda ookpaakpa a ipú ajɛ a.

⁶Ācɛ kú Ujúda kē í ka, ka; Alɔ tɛtɛ pó ɛ́gɛ́nɛ̄ ācɛ kú Umówābu wɛ ācɛ ɔbɔ́ɔ́cɛ lɛ a, Alɔ jé kéē gē gɔ̄, klá ī gwō mla ɔbɔ́ɔ́cɛ, i je īyī wā ga icō, amáŋ oōgwō kú uwá dóódu a wɛ áncā.”

⁷Ācɛ kú Umówābu gēe je ikwū ohígbū ōwē nɛ é gāa má a; Uwá gē je ikwū eko dúúmā nēé le blakwu ɔdōlé oolɛɔhi nēé tɛtɛ gē lé ipɔ́lɛ́ kú Ukɛ́ hɛ́rɛs a. Ɔtū gēe wú uwá nɛ̄hi.

⁸Ɛhɔ̄ kú uwá nōo tá kwu Uhɛ́sbɔn mla ɛhɔ̄ kú ɔci Ufáyin nōo kwu Isibma, é kwu ɔ u yá ífi; ɛhɔ̄ kú ɔci Ufáyin ɔ́ɔmā nɛ̄ uwá gē yá ejé kú ɔcɛ́ ŋmá, nɛ̄ ɔcɛ́ gē gwá, nɛ̄ ejé gē kwú ɔɔ a. Otɛtɛ a, ɔci Ufáyin a gē tá ɔkɔ jāa ga ipɔ́ɔ́lɛ́ kú Ujása, ga ɛnɔ̄ɔ̄nɛ̄ kú ipú ígbíli a, jāa ga abɔ̄ ɔhá kú ísu ookwú a.

⁹Ícɛ nyā, n yɔ̄ ī je ikwū la ɔci Ufáyin kú Isibma, ɛ́gɛ́nɛ̄ n yɔ̄ í je ikwu la ɔci Ufáyin kú Ujása a. Agīje kú um yɔ̄ ī pɛ́ ohígbū Uhɛ́sbɔn mla Ɛlíle, ohígbū ka uwá í má ɔdā ɛhɔ̄ dúúmā cē ɛɛ́ nɛ̄ ɔtū gē he uwá gɛ ŋ́.

¹⁰Ɔtū í he ɔ̄cɛ dúúmā ɛɛ́ gɛ ŋ́, ipú ajɛ oyá ɔdɛ̄hɔ̄ ɔ́ɔmā; ɔ̄cɛ dúúmā í tá ɔga, ɛɛ́ nōó gē gwó ijē ipú ɛhɔ̄ kú ɔci Ufáyin a ɛɛ́ gɛ ŋ́. Ɔcɛ dúúmā í wú ikpo kú ɔci Ufáyin a le yá ejé ɛɛ́ gɛ ŋ́. Ohígbū ka ɔga kú éeyē dóódu ootá a, gāa mɛ ɛɛ́.

¹¹N yɔ̄ ī tá ifu ipu ɔtū nobí ohígbū Umówābu mla Ukɛ́ hɛ́rɛs.

¹²Ɛ̄jɛ̄ kú icō ɛfu oōnyɔ̄ í tū, í gbā ɔkɔ la ɛ̄cī kú Umówābu, ipú inu ɛcí a, le jɛ̄ ācɛ kú Umówābu ɛɛ́. Ōwē nēé ba ī je la īyī uwā abɔ́ɔ á, ó gāa lɛ ile dúúmā la uwá ŋ́.

¹³Ɛnyā wɛ ɛhɔ̄ mla ɛlā nɛ̄ Óndú āka ohígbū Umówābu aflɛ́yí á.

¹⁴“Ipú iháyí ɛtá pióo, agbénú nɛ̄hi kú Umówābu a gēe mɛ. Ɛwa kú ācɛ kú Umówābu nɛ̄hi nyā gēe gāa hile ācɛ ɛflɛ́ɛfu lígíí.”