Read idoma AYISÁYA 17 Bible Online

AYISÁYA 17 - idoma bible

AYISÁYA 17

¹Óndú āka, “Udamáskɔ̄s í gāa wɛ ɔlɛ́ gbóógbóō ɛɛ gɛ ŋ́, ó gēe je pīya ɛyétutulu mla alácɛ̄.

²Ācɛ gēe je pɛ́ kwu ŋmá ipɔ́lɛ́ kú Isirīya ogbéegbé ɛcɛ. Ó gēe je bū ácí mla ēpū la álá mla ɛna, nɛ̄ ɔ̄cɛ dúúmā í gāa yɔ̄ nōo gē nū uwá ŋmá Anú ŋ́.

³Ísrɛ̄lu í gāa cē ɛpɔ̄ īyī nū glá ŋ́. Ācɛ kú Udamáskɔ̄s kē í je pīya aɔ́fiyɛ. Ācɛ kú Isírīya nēe gēe hile a, uwēyī gēe kwú uwá bɛ̄ɛka ācɛ kú ācɛ Ísrɛ̄lu a. Ami nōo wɛ Óndú ānɛ̄ o nwuné fíyɛ́ dúu a lɛ ɛ̄nyā ka ɛɛ́.”

⁴Óndú āka, “Ɛ̄cī éyi gēe wā, nɛ̄ oonwuné mla ɔhi kú Ísrɛ̄lu a gēe mɛ; ɛhá gāa kwɛyí agbénú mla ɔdu kú nū á.

⁵Ísrɛ̄lu gēe lɛbɛ̄ɛka ɛhɔ̄ nēé kwú ɔdā ɛhɔ̄ u cē ŋmá anú a, o gēe tá alácɛ̄ bɛ̄ɛka ajɛ kú ɔpɛ́ kú Urefém, nēé kwú ácí kú nū u ŋmó péee a.

⁶Iwili kú ācɛ gāa hile Ísrɛ̄lu á. Ísrɛ̄lu gēe lɛbɛ̄ɛka ɔcí kú ɔda, nēé kwú Odúúdú oōgwá kú nū u kpó hɛ́ gāa hile ikpō éyi, amáŋ ɛpa kwu īcoicō kú ɔcí a, amáŋ iwili nēé ma abɔ̄ ta kwu abɔ̄ kú ɔcí a ɛháajɛ a. Ami Óndú a, Ɔwɔicō kú Ísrɛ̄lu a lɛ ɛnyā ka ɛɛ́.”

⁷Eko nɛ̄ ɛ̄cī ɔ́ɔmā gā, ācɛ gēe pīya eyī wā ɛga īyī Ɔwɔicō nōo yá uwá a, Ɔwɔicō otīihɔ kú Ísrɛ̄lu a ka ootá-abɔ̄.

⁸É klá gāa ga ɛga īyī ede nēé bī abɔ̄ kú wā ma a, ka ɔɔ tá aá abɔ̄ ɛɛ́ gɛ ŋ́, ɛɛ́ nēé gē kpó ɔtū ce úklɔ́ abɔ̄ kú uwá a, mla icɛ̄bɔ̄ mla ɛ̄cī kú Ássɛ̄ra mla ede nēé ge lɛ ɔtulalī kwu ɔlá la ɔɔ a ɛɛ́ gɛ ŋ́.

⁹Eko nɛ̄ ɛ̄cī ɔ́ɔmā ga, ipɔ́lɛ́ nēé lɛ igá du tū ɔɔ nɛ̄hi a, é gēe je kwu ŋmá anú, je ɔɔ tá alácɛ̄ bɛ̄ɛka alácɛ̄ kú aígelī kú ācɛ Uhám mɛ́mla Ámɔ̄ri, nēé kwu hɛ ɔɔ tá, eko nēé ba í kwu inya kú Ísrɛ̄lu a.

¹⁰Ācɛ kú Ísrɛ̄lu, aa kwú mlanyī Ɔwɔicō nōo hɛ́ aa tá klá í gbō aa, lɛ aa tū bɛ̄ɛka ápátɛ́cɔ̄ a; okɔkɔ nɛ̄ aa gēe gbā ɔkɔ la ɔɔ á, aa gēe gbā ɔkɔ la ɔwɔ nɛ̄ aa hɛ́ tū bɛ̄ɛka ācɛ kú éwɔhá a.

¹¹Ɔɔ̄daŋ ka ɔwɔ nɛ̄ aa hɛ́ tū a, ka ō kwú jɛ̄ ícɛicɛ nɛ̄ a hɛ́ ɔɔ tū a, ka o gwá īkpō nāanā, aa gāa cē ɔdā dúúmā ŋmá anú glá ŋ́, ó gē kwu abɔ̄, unwalu mla ōwē mla ɔnɔ la aa ōfuōofūnū.

¹²Aéwɔhá kwú gbogodo ohígbū uya kú isu nōo yɔ̄ í pɛ kwūūū mla owu nōo yɔ̄ ī wā kwūūū a ɛɛ́.

¹³Aéwo ɔhá a ba ī wā kwūūū, amáŋ Óndú ā lɛ uwá ahɔ̄ pī lɛ uwá kwúcē, lɛ uwá kpó owu bɛ̄ɛka úmúlá kú ɛfu mla elūbi ā.

¹⁴É tū kpu ɔ̄cɛɔnɛ̄ mla ámíyā, amáŋ ɔciɔcī a é gebí tū ajɛ. Ɛ́gɛ́nyā géē wɛ, Ukpɛ̄ kú ācɛ nēe gēe kpɛ́fú gwō alɔ, je alɔ wulé piyóó á a.