Read idoma AYISÁYA 42 Bible Online

AYISÁYA 42 - idoma bible

AYISÁYA 42

¹ Ayisáya ka Óndú ā ɔ́ɔ klla kahíníī, “Aá má ɔ̄cocɛ̄hɔ̄ kú um nɛ̄ n fu le owu kú um nōo ī lɛ ɔfú tū ɔ̄cɛ iyē ā je lɛ ɔ́ ā yɔ̄ á. Anú nɛ̄ n fu ā, ɛlā nū kē he um ɔtū. N le ɔfú je lɛ ɔ́ ɛɛ́. Ó kē í bī ɔ̄ɔ̄ hɛ́pɔ̄ okpaakpa lɛ ācɛ kú éwo dóódu ipú ɛcɛ.

²Ó gáā cɛ̄ lɛ ɔ̄cɛ dúúmā pó ɔkɔ kú nū ipú úláyi ŋ́.

³Ɛ́gɛ́nɛ̄ ó géē gbonɛnɛ lɛ a ā, ó kōō gáā yá ācɛ dóódu nēé lɔfú ŋ́ mā ɔdā dúúmā ŋ́. Ɛ́ɛ́ nōó gē je ɔlá nōo kwu agege lígíi ā nyí ŋ́. Ó klla géē hɛ́pɔ̄ okpaakpa lɛ ācɛ.

⁴Ɔtū kú nū í gáā plla anú ɛ́ɛ́ nɛ̄ ɔtū kú nū kōō ī gbenyi ŋ́, jāā gbéeko nōó le má ka ācɛ gbɔɔ́ ō hɛ́pɔ̄ okpaakpa ɛga dóódu kú ipú ɛcɛ nyā. Ācɛ nēe lā ɛga oligbó, ogbeé kú ísu ā bá ī leyī tɔ́ɔwɛ gbēyī ɛlā nōó í nwū uwā ā.”

⁵Ami wɛ Ɔwɔicō, nōo wɛ Óndú ā, nōo yá ɔkpáncō klla je ɔ́ nāŋdaa klá ɛyí ɛcɛ ā á. Anú yá ɔ́na kú ɛcɛ mɛ́mla odúúdú ɔdā nēe bá ipú nū á. Anú klla je oyēeyī mɛ́mla owu kú oyēeyī lɛ odúúdú ācɛ kú ipú ɛcɛ̄ á. Anú nōo wɛ Óndú ā ka lɛ ɔ̄cocɛ̄hɔ̄ kú nū kahíníī,

⁶“Ami nōo wɛ Óndú ā le uwɔ hīgwū klla kwú ɔfú ú gā uwɔ cɛ́ɛ́, ká ā yá ɔdā nōo le kpaakpa ipú ɛcɛ nyā. N géē je uwɔ lɛ ācɛ ɔlɛ́ um kú ā wɛ ocābɔ̄ kú ɛka nɛ̄ n gbo lɛ uwá ā. Awɔ ā gáā wɛ ɔlá ofíyajɛ nōo í bī aéwo kú ipú ɛcɛ nyā jé ɔwɛ wā ɛgiyí um á.

⁷A géē yá kú aópeyī kéē mɛ́ɛbɛ. A klla géē kpó ācɛ nēe bá ipú agbá odobū ā hɛ́tá ŋmá agbá ā.

⁸Ami wɛ Ɔwɔicō nōo wɛ Óndú aá á. Iyē kú um yɔ̄ abɔ́ɔ á. N gáā cɛ̄ lɛ ɔ̄cɛ dúúmā kɔ̄ ojīlīmā kú um mɛ́mla um ŋ́. Ɛ́ɛ́ nɛ̄ n gē cɛ̄ kéē cɛ̄tra aɛ́cí ikoko ami abɔ̄yī um ŋ́.

⁹Mɔ́ɔ̄, ɔdā nɛ̄ n tɛtɛ ka ā gaá le yá le pɛ́ le yɛ ɛɛ́. Ɔdā ɛ̄yīpɛ̄ nōo gáā yá nɛ̄ n yɔ̄ ī ka lɛ aá gbɔ̄bū ɛ́ɛ́ kéē géē yá ɛcɔ̄bū á.

¹⁰Aá gwó ijē ɛ̄pɛ̄pɛ̄ lɛ Óndú ā, kú aá cɛ̄tra anú ɛga dóódu kú ipú ɛcɛ nyā. Odúúdú aá nēe ī pɛ́ aúgbéenyi yɛ ísu nɛ̄hi ā, aá cɛ̄tra ɔ́. Odúúdú ɔdā nēe bá ipú ísu nɛ̄hi ā, aá cɛ̄tra anú. Ācɛ nēe lā ɔlɛ́ idɔ ɛga oligbó ā, aá cɛ̄tra Óndú ā.

¹¹Ka lɛ ācɛ nēe lā ipú ígbíli kú Ukɛ́da ā, kéē gwéeye kéē gwíje, kéē tɔ́ɔga ŋmá ɛyí ɛfu abɔ́ɔ.

¹²Ācɛ nēe lā ɛga oligbó ā kéē cɛtra ɛgahi mɛ́mla ojīlīmā kú Óndú ā.

¹³Óndú ā gē ga ɔgbɛ́fu lɛbɛ̄ɛka ogbenjuwa ā. Ó bī ɔtū caácaá le tútū kóō nyɔ̄ í kpɛ́fú. Ó lɛ ɛgba ogwū dɛ̄, ó kē bī ɔfú kú nū le aólɛlā kú nū kpó yálé.

¹⁴Ɔwɔicō kahíníī, “N húmáyī klá cíí gbojī ɛɛ́. N le iyī um kwútū cíí. Amáŋ, eko gā nɛ̄ n gáā dɛ̄gba wɛ̄ɛcɛ gbōmgbōm, klla í tíifu bɛ̄ɛka ɔnyā nɛ̄ ɔma lɛ ɔ́ kwú ā.

¹⁵N géē je aɛ́fu nɛ̄ŋcɛ́ mɛ́mla ɛnɛ̄hi kpó catāajɛ, klla í kpó aácí mɛ́mla aɔ́cí nēe ī bū bá ipú uwā ā ŋmɔ́lá ŋmá ajɛ. N géē je aísu ŋmó ŋmáajɛ nēé í je kpó pīya ajɛ íkpākplā. N klla í kpó aókpoó ŋmó ŋmá ajɛ dúú.

¹⁶N géē lɛ abɔ̄ tū ācɛ ɔlɛ́ um nēe wɛ aópeyī ā abɔ̄, géē bī uwā bū ɔwɛ nɛ̄ uwá abɔ̄yī uwā í bū jéjée ɛ́ɛ́ ŋ́ mā. N géē je ɛga odobū tū uwā pīya ɔlá ofíyajɛ iyɔ̄bū uwā. N klla géē je aɛ́ga nēe le kplúkūkplukū ā cīla tū mɛɛ́lɛ́ lɛ uwá. Okónu nɛ̄ n ce lɛ uwá ā bá á. N kē í yá uwā jīla lɛ uwá piíí.

¹⁷Uwēyī géē kwú odúúdú ācɛ nēe kpɔ́tūce aɛ́cí klla gē hī uwā ka aɔ́wɔ kú uwā ā.”

¹⁸Óndú ā klla kahíníī, “Aá jāhɔ̄, aódahɔ̄! Aópeyī, aá plleyī lɔɔlɔɔhi ka á mɛ́ɛbɛ!

¹⁹Ɔ̄cɛ dúúmā klla yɔ̄ nɛ̄ eyī kú nū pu fíyɛ́ ɔ̄cocɛ̄hɔ̄ kú um gɛɛ? Amáŋ nɛ̄ ahɔ̄ kú nū du fíyɛ́ ɔ̄cotɛ̄hɔ̄ kú um, nɛ̄ n gē tɛ̄hɔ̄ āa?

²⁰A má ɔdā alɛwa, amáŋ á lɛ ɛlá wu ɔ́ ŋ́. A gē pó ɔdā alɛwa, amáŋ á lɛ ɔtū tá ɔ̄ ŋ́.

²¹Óndú ā gē yá ɔdā nōo le kpaakpa, ohígbū ɔ́ɔmā ó gē dɔɔ̄kā kú ācɛ kéē cɛ̄tra aíne mɛ́mla ɔdā nōó gē nwū ā. Ó kē ī tíne kú ācɛ ɔlɛ́ nū kéē lɛ ojīlīmā ce aíne ā.

²²Amáŋ é lɛ ācɛ ɔlɛ́ nū ā héjulúgwu le uwá iyó kpó abɔ̄fú ɛɛ́. É lɛ ɔwɛ kpó gwū tū ācɛ ɔlɛ nū ipú agbá ɛɛ́. É klla le uwá kpó tayínū ipú ijaló. É le uwá héjulúgwu klla mīyɛ uwá iyó abɔfú. É kē má ɔ̄cɛ dúúmā nōo lɔfú wā í tá uwā abɔ̄ ŋ́.

²³Ɔ̄nyɛ kú aá í jāhɔ̄ kóō pó ɛlā nyā āa? Oŋmá ícɛ gɔbū, aá géē jāhɔ̄ klla í nwū odée ŋmá ɔdā nōo yá ā ā?

²⁴Ɔ̄nyɛ mābɔ̄ ācɛ Ísrɛ̄lu tá lɛ ācɛ nēé ī kpó odée abɔ̄fú ā āa? Óndú ā abɔ̄yī nū, nɛ̄ alɔ bɔ̄bíipú tū ɔ̄ɔ̄ ā nɛ. Alɔ tá ka alɔ í gáā lā ɛdɔ kú oyēeyī nōó dɔ̄ɔ̄kā kú alɔ lā ŋ́ ámāŋ cɛ̄ lɛyítáajɛ lɛ ɔdā nɛ̄ Óndú ā gē nwū alɔ ā ŋ́.

²⁵Ohígbū ɔ́ɔmā, nōó cɔ̄nū tū alɔ, yá alɔ ōwē nɛ̄ɛ̄nɛ̄hi, klla cɛ̄ lɛ alɔ má ɔnɔ kú ɛfú á. Ícɔ̄nū kú nū yɔ̄ ī yi odúúdú ajɛ Ísrɛ̄lu bɛ̄ɛka ɔlá ā. Amáŋ, alɔ í jɛ́yí ɔdā nōo yɔ̄ ī yá ā ŋ́. Ó yɔ̄ ī yi alɔ, naaná alɔ í kē nwū ɔdā dúúmā ŋmá ɔdā nōo yá ā ŋ́.