Read idoma AYISÁYA 46 Bible Online

AYISÁYA 46 - idoma bible

AYISÁYA 46

¹Ubɛ́lu mɛ́mla Unɛ́bɔ, aɛ́cí kú Ubábīlɔn ā kwú pīya ɔdā icííci. É lɛ uwá kpó gbō ce ɛyí aɛ́bɛ o bī iyó. É kē le pīya iyó ogbɛnu nɛ̄hi ce aɛ́bɛ́ ā nɛ̄ ɛ̄jɛ̄ le jɛ uwā.

²Aɛ́cí ā mɛ́mla ācɛ ā kwú pīya ɔdā icííci tɔ̄há. É nya īyī uwā tá glá ŋ́. É kē lɛ aɛ́cí mɛ́mla ācɛ ā kpó kwú ga ajɛ éwɔhá.

³Óndú ā kahíníī, “Aá jāhɔ̄ gā um, ayááyí kú Ujékɔ̄pu, aá nēé hile ŋmá ipú ācɛ Ísrɛ̄lu ā. Ami húmáyī leyīkwu aá jāā ŋmá eko nēé ma aá á.

⁴Ami wɛ Ɔwɔicō kú aá á. N kē í leyīkwu aá jāā gbéeko nɛ̄ aá kwú kpó hila ókplīcī le īnyīlɛ̄yí nɛ̄hɛ́ bū. Ami yɔ́ɔ́na kú aá á, n kē í leyīkwu aá. N géē tá aá abɔ̄ klla ī nya aá tá.

⁵Ɔ̄nyɛ nɛ̄ aá gē lɛ um gbla anú glá āa? Ɔ̄cɛ ɔhá dúúmā jōnjīlɛ mɛ́mla um kɛ̄ɛɛ?

⁶Ācɛ le alítā kú uwā nwūla, lɛ oje ɔdɔ (ugóolu) kú uwā kpó wɛ̄ɛcɛ. É lɛ ije nɛ̄hɛ́ kú uwā miya, le onɔwa éyi pla kóō lɛ ojibó kú ɛ́cí na lɛ uwá. Cɛ́ɛ́ é gbɔɔ́ ō tɛ́yí kpɛɛ́ ī gbā ɔ̄ ɛ̄gbā.

⁷É kwú ɔ̄ɔ̄ ú ce ɔkɔ, gē bī ɔ̄ ī yɛ. É kwú ɔ̄ ú kwu ajɛ ɛga nēé yá lɛ ɔ́ ā. Ó hayi abɔ́ɔ, ó kē fu ikpo ŋmá ɛga nēe lɛ ɔ́ hayi ā glá ŋ́. Ɔ́dāŋ ka ɔ̄cɛ dúúmā kóō gbɔ̄ɔkɔ lɛ ɔ́, ó tóohi glá, ɛ́ɛ́ nōó gē nya ɔ́ tá ŋmá unwalu glá ŋ́.

⁸Ācobɔ̄bíipú, aá blakwu ɔdā nyā ka aá leyī yɛ ɔ́. Aá mlanyī ɔdā nɛ̄ n yá ā ŋ́.

⁹Aá blakwu ɔdā nōo yá eko íkée ā, ká aá jé ka ami ōfōōfūm wɛ Ɔwɔicō á. Ami wɛ Ɔwɔicō á, ɔ̄cɛ ámāŋ ka ɔdā ɔhá dúúmā í kē yɔ̄ lɛbɛ̄ɛka ami ā ŋ́.

¹⁰Oŋmá ohútu kú odée, n gē ka ɛ́gɛ́nɛ̄ ó í ŋmɛ́yí lɛ ā ā. Oŋmá eko íkée ā, n lɛ ɔdā nōo yá ɛ́ɛ́ ŋ́ mā ka tɛ́ɛcɛ ɛɛ́. N ka ka ɔdā nɛ̄ n miya géē yá piíí. N kē í yá ɔdā nɛ̄ n tíne ō yá ā piíí.

¹¹N géē pla ɔ̄cɛ éyi ŋmá ajɛ ɛnɔ̄ɔ̄cī. Ó géē wu wāaje fúuu bɛ̄ɛka ucē nōo wā gáā je ugwu ā. Cɛ́ɛ́ kóō lɛ ɔdā nɛ̄ n miya ā yá. N lɛ ɔ́ ka ɛɛ́, n kē í yá ɔ̄.

¹²Aá jāhɔ̄ gā um, aá nēe ī lɛ īkpɛ̄yí olɔfú nēe gáā nyatá fíyaa ŋ́ mā ā.

¹³N géē wā í nya aá tá eko kpií nōo ī wā ā. Eko ā í ligbó fúlufúlu ɛɛ́ gɛ ŋ́. Ó gáā gbojī fúlufúlu ɛɛ́ gɛ ŋ́. Ń gáā kpó eko bónū ŋ́. N géē nya ācɛ Ujerúsālɛm tá, ohigbu ka Ísrɛ̄lu we ācɛ nɛ̄ n gē bī gwō á.