Read idoma ULĪFAYI 12 Bible Online

ULĪFAYI 12 - idoma bible

ULĪFAYI 12

¹Óndú ā le aíne nēe bá nyā kpó lɛ Umósīsi gé

²lɛ ācɛ kú Ísrɛ̄lu kahíníī, “Ɔ̄cɛnyā nōo le ɔyí ma, ó géē tēelihɔ ɛ̄cī ahāapa, ɛ́gɛ́nɛ̄ ó lɛ eko nōó gē nyílá ɔyɔ̄ɔ̄yā ā.

³Ɛ̄cī ɔ́mahātá ā, é géē hɛ́ ɔyí ā apī

⁴Ó géē tēelihɔ jāā gbó ɛ̄cī ofu cigwɛ́ɛtá kpɔ́, ɛ́ɛ́ nōó gáā je yá yēŋēē ŋmá oyī nōo ŋmá ɔ̄ iyē ā á. Ó gáā lɛ abɔ̄ kwu ɔdā ōtīihɔ dúúmā ŋ́, ámāŋ ga ipú Áklɔ̄kpīihɔ ā ŋ́, jāā gbéeko nɛ̄ eko nēe ī gwu ɔ́ iyē ā le yá jīla.

⁵Amáŋ ɔ́dāŋ ka ɔyí ɔ̄cɛnyā nōó ma á nɛɛ, ó géē tēelihɔ ɛ̄cī igwɛ́ɛnɛ, ɛ́gɛ́nɛ̄ ó wɛ eko kóō nyílá kú ɔyɔ̄ɔ̄yā kú nū ā. Ó géē yɔ̄ ɛ̄cī ofɛtá ce ɛhīlī kpɔ́, ɛ́ɛ́ nēé gáā gwu ɔ́ iyē ŋmá oyī nōo ŋmá ɔ̄ iyē ā á.

⁶Eko nɛ̄ ɛ̄cī iyē ōgwu kú nū ā le jīla, kwu ákú ɔyínɔ̄nyīlɔ, ámāŋ ɔyínɔ̄nyā, ó géē bī omlede kú iháyí éyi gé lɛ ɔ̄cogwɛ́ɛya ā okómpíinu kú Áklɔ̄kpīihɔ, ɛga nɛ̄ Óndú ā yɔ̄ ā, kóō wɛ odée kú ɛya o yɔlá dúúdú. Ó klla géē bī ɔklɛ́ɛbɛ́tɛ ámāŋ ka okóohō kú odée kú ɛya kú íne ō bīya.

⁷Ɔ̄cogwɛ́ɛya ā géē je uwá gwɛ́ɛya lɛ Óndú ā, cɛ́ɛ́ ó le uculo nōo gē je ɔ́ iyē gwu ā yá, cɛ́ɛ́ ó kwú yá yēŋēē. Ɛ̄nyā wɛ íne kú ɔnyā nōo ma ɔyínɔ̄nyīlɔ ámāŋ ɔyínɔ̄nyā á.

⁸Ɔ́dāŋ ka ɔ̄cɛnyā ā í bī omlede ā wā glá ŋ́, ō géē bī okóhō ɛpa, ámāŋ ɔklɛ́ɛbɛ́tɛ ɛpa, éyi wɛ ákú ɛya o yɔlá dúúdú, ɔhá wɛ ákú ɛya kú íne ō bīya. Cɛ́ɛ́ ɔ̄cogwɛ́ɛya ā géē gwɛ́ɛya kwɛyí nū, nōo géē je ɔ́ iyē gwu, cɛ́ɛ́ ó kwú yá yēŋēē.