Read idoma ULĪFAYI 8 Bible Online

ULĪFAYI 8 - idoma bible

ULĪFAYI 8

¹Óndú ā da Umósīsi kahíníī,

²“Kwú Árɔ̄ni mɛ́mla ayínɔ̄nyīlɔ kú nū ú kpó ga okómpīinu kú Áklɔ̄kpīihɔ ɛga nɛ̄ n yɔ̄ ā, cɛ́ɛ́ ká ā lɛ ɔdōwiyē kú ācogwɛ́ɛya kpó, mɛ́mla anɔ̄ ōtīihɔ mɛ́mla ɛdrɔ́ kú ɔbɛ́ɛna kú ɛya kú íne ō bīya ā, mɛ́mla aómlede ɛpa ā mɛ́mla ómblí kú igbō nōó gē nū ŋ́.

³Cɛ́ɛ́ a lɛ odúúdú ójīla kú ācɛ kú Ísrɛ̄lu ā túba okómpíinu kú Áklɔ̄kpīihɔ ā.”

⁴Anɔ́ɔ Umósīsi le yá ɛ́gɛ́nɛ̄ Óndú ā ka lɛ ɔ́ ā. Ó lɛ ójīla kú Ísrɛ̄lu ā túbá okómpíinu kú Áklɔ̄kpīihɔ ā.

⁵Anɔ́ɔ ó da ójīla ā kahíníī, “Ɔdā nɛ̄ n gáā yá nyā, wɛ ɔdā nɛ̄ Óndú ā je íne kú nū gā um ká n yá nɛ.”

⁶Umósīsi le Árɔ̄ni mɛ́mla ayínɔ̄nyīlɔ kú nū kpó wɛ̄ɛcɛ, le da uwá kéē lɛ iyē gwá éŋkpɔ̄.

⁷Ó kwú úwé mɛ́mla awulú ā ú wu Árɔ̄ni iyē, lɛ ɔ́ ɛ́nyɔ́ gbō īlī ōle gbɛ̄ɛ́nyɔ́. Ó klla kwú úwé kpií nēé hī ka ɛ́fɔ̄du, nēé ī le wiyē ce ɛyí awulú ā ú wu ɔ́ iyē. Ó klla kwú ɔdōgbɛ̄ɛ́nyɔ́ kú ɛ́fɔ̄du ā nēé wu lɔɔlɔhi ā ú gbō ɔ̄ ɛ́nyɔ́.

⁸Ó kwú ɛkpa obɔ́ɔtū ā ú klá anú ɔtū. Anɔ́ɔ ó kwú aódée nēé hī ka Úrim mɛ́mla Utúmmim ā ú kpó wu ipú nū á.

⁹Ó kwú ɔláwonī ú gbō ɔ̄ ɛyí, anɔ́ɔ ó kwú ɔdée kú ugóolu (oje ɔdɔ) nōo cābɔ̄ keé kwú ɔ̄ lɛ Óndú ā, ú bá ɔláwonī iyɔ̄bū, ɛ́gɛ́nɛ̄ Óndú ā je íne lɛ Umósīsi lɛ ā.

¹⁰Anɔ́ɔ Umósīsi kwú anɔ̄ ōtīihɔ ā ú, le ɔ́ mī klá Áklɔ̄kpīihɔ ɛga nɛ̄ Óndú ā yɔ̄ ā, mɛ́mla ɔdā dóódu nēe bá ipú nū ā. Anɔ́ɔ ó bí ɔwɛ nyā le ɔdā dóódu kpó tū Óndú ā abɔ̄ á.

¹¹Ó lɛ anɔ̄ ā mī klá ede mɛ́mla aíyó kú nū ā igbahāapa. Ó klla lɛ anɔ̄ ā mī klá ɔgbanjɛ̄ nēé ī na odée anú ā mɛ́mla ɔdā nōó ce ɛyí nū ā, o yá kóō kwú uwā í kpó tū Óndú ā abɔ̄.

¹²Ó le anɔ̄ nēé ī le fu ɔ̄cɛ ā tū Árɔ̄ni ɛyí, le ɔ́ fu kóō kwú tīihɔ lɛ Óndú ā.

¹³Oŋmá ɔ́ɔmā ā, Umósīsi le ayínɔ̄nyīlɔ kú Árɔ̄n ā kpó wɛ̄ɛcɛ, le aúwé wuulu kpó wu uwá iyē, le uwá ɛ́nyɔ́ gbō klla lɛ uwá ɛyí gbo mɛ́mla ɔláwonī, ɛ́gɛ́nɛ̄ Óndú je íne lɛ ɔ́ lɛ ā.

¹⁴Umósīsi le ɛdrɔ́ ɔbɛ́ɛna kú ɛ̄gbā kú ɛya kú íne ō bīya ā ú bī wā. Anɔ́ɔ Árɔ̄ni mɛ́mla ayínɔ̄nyīlɔ kú nū ā lɛ abɔ̄ kú uwá kpó ce ɛna ā ɛyí.

¹⁵Umósīsi le ɛna ā ŋmó, anɔ́ɔ ó kwú ōhī kú oyī kú nū ā ú. Ó le ayíkābɔ̄ wu oyī kú ɛna ā le kwu ajī kú ɔ́kíkā ɛnɛ kú ede ā, cɛ́ɛ́ kóō kwú uwā ú tū Óndú ā abɔ̄. Anɔ́ɔ ó kwú oyī ohile ā ú pīya tū ɔkwu kú ɛyí ede ā á. Ɔwɛ nyā, ó kwú ɔ̄ ú tū Óndú ā abɔ̄ klla le ɔ́ yá tīihɔ.

¹⁶Umósīsi kwú odúúdú ijē nōo klá iyíipú kú nū ā, mɛ́mla ɛga olɔhi fíyɛ́ dúú kú anyī ā, mɛ́mla íkplí kú nū ɛpa ā mɛ́mla ijē kú íkplí ā ú kpó. Anɔ́ɔ ó le uwá kpó yɔlá ɛyí ede á.

¹⁷Ó kwú ɛbɛ́ ɛna ohile ā ú, mɛ́mla ɔkpá kú nū mɛ́mla ícɛ̄bɛ́ kú nū mɛ́mla aájīlīpú kú nū, anɔ́ɔ ó kwú uwā ú yɔlá eyīyɛ̄ɛcɛ kú ɛga nēé lā ā, ɛ́gɛ́nɛ̄ Óndú ā je íne kú nū lɛ ā á.

¹⁸Anɔ́ɔ ó lɛ omlede kú ɛya o yɔlá ā bī wɛ̄ɛcɛ á. Árɔ̄ni mɛ́mla ayí nū nɔ̄nyīlɔ ā lɛ abɔ̄ kú uwā kpó klá omlede ā ɛyí.

¹⁹Umósīsi le ɔ́ ŋmó, lɛ oyī kú nū cē klá ɔ́kíkā ɛnɛ kú ede ā biílí.

²⁰Eko nɛ̄ Umósīsi le omlede ā wā ā, ó kwú īkpɛ̄yí kú nū, ijē kú nū mɛ́mla ícɛ̄bɛ́ nōó wá nyɛŋɛnyɛŋɛ ā ú kpó yɔlá.

²¹Eko nēé lɛ iyíipú nū mɛ́mla aíklíkpó kú nū ā kpó na éŋkpɔ̄ ā, Umósīsi kwú odúúdú ɛbɛ́ kú omlede ā ú yɔlá kóō wɛ ɛya o yɔlá dúúdú lɛ Óndú ā nɛ̄ ocu kú nū í he ɔ́ ɔtū.

²²Anɔ́ɔ Umósīsi kwú omlede ɔhá ú wɛ̄ɛcɛ, nōo wɛ omlede kú abɔ̄ ō le ce ācogwɛ́ɛya ɛyí. Anɔ́ɔ Árɔ̄ni ā mɛ́mla ayínɔ̄nyīlɔ kú nū le abɔ̄ kpó ce omlede ā ɛyí.

²³Anɔ́ɔ Umósīsi le ɔ́ ŋmó á. Ó kwú ōhī kú oyī kú nū ā ú kwú ogene kú akpáhɔ̄ abɔ̄lɔ́ná kú Árɔ̄ni mɛ́mla ɔcígbɔ̄du kú abɔ̄lɔ́ná kú nū mɛ́mla ocígbɔ̄ndu kú ayíkīkpó kú abɔ̄lɔ́ná kú nū.

²⁴É lɛ ayí kú Árɔ̄ni nɔ̄nyīlɔ ā kpó wɛ̄ɛcɛ, anɔ́ɔ Umósīsi lɛ oyī ā kwu uwá ogene kú akpáhɔ̄ abɔ̄lɔ́ná mɛ́mla ocúgbɔ̄ɔdu kú abɔ̄lɔ́ná mɛ́mla ɔcígbɔ̄du kú ayíkīkpó abɔ̄lɔ́ná kú uwá ā. Anɔ́ɔ Umósīsi kwú ohile kú oyī ā ú pīya klá ɔkíkā ɛnɛ kú ede ā á.

²⁵Umósīsi kwú ijē kú ɛbɛ́ ā ú, ijē kú ugbé, ijē nōo klá iyíipú kú nū ā, mɛ́mla ɛga olɔhi fíyɛ́ dúú kú anyī ā, íkplí ɛpa kú nū ā, ijē kú íkplí ā, mɛ́mla átákwū kú abɔ̄lɔ́ná ú.

²⁶Ó kwú igbō éyi ú ŋmá ipú ómblí kú igbō nōó gē nū ŋ́ nēé je lɛ Óndú ā, mɛ́mla igbō éyi nēé wīya mɛ́mla anɔ̄ ā, mɛ́mla égblú éyi, anɔ́ɔ ó kwú uwā ú kpó ce ɛyí kú ijē mɛ́mla iklíkpó abɔ̄lɔ́ná ā.

²⁷Ó kwú odúúdú ɔdōlé nyā ú kpó ce abɔ̄ kú Árɔ̄ni mɛ́mla ayínɔ̄nyīlɔ kú nū, kéē jíla anú iyē ipéyī Óndú ā, kóō wɛ ɛya nōo cɛgbá nɛ̄hi lɛ Óndú ā á.

²⁸Anɔ́ɔ Umósīsi mīyɛ anú ŋmá abɔ̄ ūwā le ɔ́ kpó yɔlá ɛyí ede ā, kóō wɛ ɛya o yɔlá dúúdú kú abɔ̄ ō le ce ɛyí. Ocu kú nū ā gē he Óndú ɔtū á.

²⁹Anɔ́ɔ Umósīsi kwú amɛ̄ ā ú, lɛ ɔ́ jíliyē cɛ́ɛ́ kóō le pīya ɛya nōo cɛgbá nɛ̄hi lɛ Óndú ā. Ɔ́ɔmā ā wɛ ukpɛ̄ kú Umósīsi ŋmá ipú ɛbɛ́ omlede kú abɔ̄ ō le ce ɛyí kú Árɔ̄n á, ɛ́gɛ́nɛ̄ Óndú je íne lɛ Umósīsi lɛ ā.

³⁰Umósīsi kwú ohile kú anɔ̄ nēé ī le fu ɔ̄cɛ ā ú, mɛ́mla oyī ōhī kú ɛyí ede ā, anɔ́ɔ ó le ɔ́ mī klá īlī kú Árɔ̄ni, mɛ́mla īlī kú ayí nū nɔ̄nyīlɔ á. Ɔwɛ nyā nōó je Árɔ̄n mɛ́mla ayínɔ̄nyīlɔ kú nū, mɛ́mla īlī kú uwā kpó tū Ɔwɔicō abɔ̄, cɛ́ɛ́ kéē kwú tīihɔ á.

³¹Umósīsi da Árɔ̄ni mɛ́mla ayí nū ā kahíníī, “Aá kwú ɛbɛ́ ā ú ga okómpīinu kú Áklɔ̄kpīihɔ, ɛga nɛ̄ Óndú ā yɔ̄ ā. Cɛ́ɛ́ aá kwú ɔ̄ he, kú aá kwú ɔ̄ ú lé mɛ́mla igbō nēe bá ipú ómblí kú ɛya kú abɔ̄ ō le ce ɔ̄cɛ ɛyí ā. Ɛ́gɛ́nɛ̄ Óndú ā je íne lɛ ā.

³²Aá géē je ɔdā dóódu kú ɛbɛ́ mɛ́mla igbō nōo hile ā yɔlá.

³³Aá géē bá okómpīinu kú Áklɔ̄kpīihɔ ā ɛ̄cī ahāapa, jāā gbéeko nɛ̄ eko kú uculo kú abɔ̄ ō le ce aá ɛyí ā le jíla.

³⁴Óndú ā le íne je lɛ alɔ ká ālɔ̄ lɛ ɔdā nɛ̄ alɔ yá ícɛ̄ nyā yá, o yá kéē kwú íne nɛ̄ aá bīya ā í yá aá ɛhi.

³⁵Aá géē klá okómpīinu kú ipú Áklɔ̄kpīihɔ ā otū mɛ́mla ɔlɛ́ɛnɔ ɛ̄cī ahāapa, ká aá bá yɔ̄ ī yá ɔdā nɛ̄ Óndú ā da aá ka aá yá ā. Ɔ́dāŋ ka aá yá lɛ ā ŋ́, aá géē kwú. Ɛ̄nyā wɛ ɔdā nɛ̄ Óndú ā je íne kú nū gā um ká yá ā.”

³⁶Anɔ́ɔ Árɔ̄ni mɛ́mla ayí nū nɔ̄nyīlɔ ā le ɔdā dóódu nɛ̄ Óndú ā da Umósīsi nōó da uwá ā kpó yá á.