Read idoma UJƐRƐMÍYA 37 Bible Online

UJƐRƐMÍYA 37 - idoma bible

UJƐRƐMÍYA 37

¹Eko éyi Unebúkádinēsa, ɔcɛ́ kú Ubábīlɔn kwú Usedekíya, ɔyí kú Ujosíya ú ce ɔcɛ́ kú Ujúda kwɛyí Ujɛhóyācin, ɔyí kú Ujɛhóyākim.

²Amáŋ, kwu Usedekíya ámāŋ aígabɔ̄ kú nū mɛ́mla odúúdú ācɛ kú Ujúda ā í lɛyítáajɛ lɛ ɛlā nɛ̄ Óndú ā gē ka bū okónu kú Ujeremíya ā ŋ́.

³Usɛdɛkíya lɛ Ujɛ́hūka ɔyí kú Ussɛlɛmíya, mɛ́mla Usɛfaníya, ɔ̄cogwɛ́ɛya, nōo wɛ ɔyí kú Umaásēya ā tɛ̄hɔ fu Ujeremíya gaá da ɔ́ kahíníī, “Gbɔ̄ɔ̄kɔ lɛ Uyáwɛ, nōo wɛ Ɔwɔicō kú alɔ ā lɛyíkwu alɔ.

⁴Eko nyā, é je Ujeremíya tá agbá ɛ́ɛ́ ŋ́. Ó yɔ̄ ī yɛ kú nū ga ɛga dóódu ipú ācɛ ā ɛɛ́.

⁵Ɛpléko ɔ́ɔmā, aícɔ́ɔja kú Ubábīlɔn lɛ íbɔm ce tū Ujerúsālɛm, amáŋ eko nēé le pó ka aícɔ́ɔja kú Íjīpiti ɛ́ɛ kwú bū ɛjī kú ajɛ kú Íjīpiti bēhé ī wā ɛɛ́ mā, é kwúcē igbīhi ŋmá Ujerúsālɛm.

⁶Anɔ́ɔ Uyáwɛ, nōo wɛ Ɔwɔicō nɛ̄ Ísrɛ̄lu gē gbɛ̄ɛ̄gbā ā da Ujeremíya kahíníī,

⁷“Le da Usedekíya ka, ‘Aícɔ́ɔja kú Íjīpiti bá ī wā ɔwɛ gáā tá uwɔ abɔ̄, amáŋ é klla géē kwúcē ga ɔlɛ́ uwā.

⁸Cɛ́ɛ́ ācɛ Ubábīlɔn klla í kwúcē igbīhi wā í kpɛ́fú tú igelī nyā, géē yá ɔ̄ lé klla í je igelī ā tɔ̄lá.

⁹Ami nōo wɛ Ɔwɔicō ā gē pi uwɔ ahɔ̄ ka á plíīyī uwɔ ka ācɛ kú Ubábīlɔn ɛ́ɛ́ gáā wā ɛ́ɛ́ gɛ ŋ́ nɛ ŋ́. Ohígbū ka é géē cīgbīhi wā kpɔ́ ɛ́.

¹⁰Ɔ́dāŋ́ ka a kwú odúúdú aícɔ́ɔja kú Ubábīlɔn ā í yálé, nēé kōō hile ācɛ nɛ̄ a yá ágbe ā bá áklɔ̄kpɛ ōfōōfū uwā á, ācɛ nēe yá ágbe bá áklɔ̄kpɛ ā, klla géē cāŋ́jɛ kpɔ́ gaá je igelī nyā tɔ̄lá.’”

¹¹Aícɔ́ɔja kú Ubábīlɔn nyɛ̄ɛ̄ ŋmá Ujerúsālɛm, ohígbū ka é pó ka aícɔ́ɔja kú Íjīpiti ɛ́ɛ bá ī wā.

¹²Anɔ́ɔ Ujeremíya gbɔɔ́ ō nyɛ̄ɛ̄ ŋmá Ujerúsālɛm kóō ga ipú ajɛ kú Ubɛ́njamīn, gaá mīyɛ ukpɛ̄ kú ajɛ kú nū ipú ajɛ kú ipɔ́ɔma kú nū ā.

¹³Ó tíne ō bū Okómpinu kú Ujerúsālɛm nēé hī ka ‘Okómpinu kú Ubɛ́njamīn’ ā. Amáŋ eko nōó ga Okómpinu ā, Iríja, ɔyí kú Ussɛlɛmíya, ɔyɔ́ɔ́yí kú Uhananíya, nōo wɛ otrɛyí kú aícɔ́ɔja nēe bá ī gbō ajɛ abɔ́ɔ ā, lɛ ɔ́ kwú tū, da ɔ́ ka, ‘A yɔ̄ ī kwu ga ɛgiyí ācɛ Ubábīlɔn ɛɛ́.’

¹⁴Ujeremíya tá ɔ̄ ohi kahíníī, “Ó lɛ ā ŋ́. Ń kwu ŋ́.” Nááná Iríja í jāhɔ̄ lɛ ɔ́ ŋ́. Ikɔkɔ ɔ́ɔmā ó lɛ ɔ́ kwú ga ɛgiyí aótrɛ̄yí ā.

¹⁵Aótrɛ̄yí ā le cɔ̄nū nɛ̄hi, lɛ ɔ́da je lɛ aícɔ́ɔja ā kéē lɛ Ujeremíya gɔ́, kéē lɛ ɔwɛ gwu tū ɔ́ ɔlɛ́ kú Ujonátan, ɔmálotɔ́kpá kú agblɔ̄cɛ́ ā. Eko ɔ́ɔmā é kwú ɔlɛ́ nū í pīya inu agbá.

¹⁶É kwú ɔ́ ú tá agbá kú ɛháajɛ kú inu ā. Ó tá agbá abɔ́ɔ gbojī ajɛ nɛ̄hi.

¹⁷Igbīhāajɛ ā, Usedekíya lɛ ɛhɔ̄ tū fu Ujeremíya, anɔ́ɔ é lɛ ɔ́ bī gé lɛ ɔ́ ipú agblɔ̄cɛ́ kú nū ā. Abɔ́ɔ ā, ɔcɛ́ ā da ɔ́ ɔ̄kā wɛɛlɛ kahíníī, “Ɔwɔicō tū uwɔ ɛhɔ̄ dúúmā fu alɔ?” Anɔ́ɔ Ujeremíya tóohi kahíníī, “Īī, Ɔwɔicō tū um ɛhɔ̄ fu aá gbóó. É géē je uwɔ lɛ ɔcɛ́ kú Ubábīlɔn.”

¹⁸Anɔ́ɔ Ujeremíya klla da ɔcɛ́ ā ɔ̄kā kahíníī, “Ɔdōōbɔ̄bí nyá nɛ̄ n yá uwɔ mɛ́mla aígabɔ̄ kú ɔlɛ uwɔ ɛ́ɛ́ nɛ̄ aá kwú um, je um tá agbá ā?

¹⁹Ini nɛ̄ ācomɛ́ɛbɛ kú uwɔ ɛ́nēe gē da uwɔ ka, ɔcɛ́ kú Ubábīlɔn í gáā kpɛ́fú tá uwɔ ámāŋ́ ajɛ nyā ŋ́ mā bá āa?

²⁰Abālɔbányā, ɔcɛ́, ágábáidu, n gē gbɔ̄ɔkɔ gā uwɔ ka a jāhɔ̄ gā um, ka lɛ ɔdā nɛ̄ n gáā da uwɔ nyā yá. Kóocōō, a je um kwúcē ga agbá ɔlɛ Ujonátan ɔhá ɛɛ́ gɛ ŋ́. Ɔ́dāŋ́ ka a kwú um kwúcē ga inu agbá ɔ́ɔmā ɔhá kpɔ́, ayíka n géē kwú abɔ́ɔ piií.”

²¹Usedekíya, ɔcɛ́ ā, lɛ ɔ́da je kéē lɛ ɔwɛ̄ gwu tū Ujeremíya agblɔ̄cɛ́ abɔ́ɔ. Ó tá ipú inu nɛ̄ ācogbāajɛ ā gē bá ā abɔ́ɔ. Ɛ̄cī dóódu, é gē bī igbō éyi gē lɛ ɔ́ ŋmá ɛga nēé gē yá igbō ā jāā gbéeko nɛ̄ igbō ā mɛ ŋmá odúúdú igelī ā.