Read idoma UJƐRƐMÍYA 45 Bible Online

UJƐRƐMÍYA 45 - idoma bible

UJƐRƐMÍYA 45

¹Ipú iháyí ɔ́mɛnɛ nɛ̄ Ujɛhóyākim, ɔyí kú Ujosáya, wɛ ɔcɛ́ kú Ujúda ā, Ubárūku le odúúdú ɛlā nɛ̄ Ujeremíya ka lɛ ɔ́ ā tá tū ɔkpá. Anɔ́ɔ Ujeremíya da ɔ́ kahíníī,

²“Uyáwɛ, nōo wɛ Ɔwɔicō nɛ̄ Ísrɛ̄lu gē gbɛ̄ɛ̄gbā ā kahíníī, ‘Ubárūku,

³a yɔ̄ gē ka ka, anúɔ le jí ɛɛ́. Ka amíyɔ nōo wɛ Ɔwɔicō ā ɔ́ɔ klla lɛ ɔtūnōbí tū unwalu nɛ̄ anúɔ lɛ ā ɛɛ́. A klla ka ifu nɛ̄ anúɔ ī tá ā ɔ́ɔ le jɛ̄ anúɔ, anúɔ í kē lɛ omúlɛ́nyɔ́ dúúmā ŋ́.

⁴Amáŋ a kē má ka ami, nōo wɛ Ɔwɔicō ā, yɔ̄ í wúla ɔdā nɛ̄ n gwó ā tāajɛ, klla yɔ̄ ī fu ɔdā nɛ̄ n tū ā ŋmá ajɛ ipú odúúdú ajɛ ā.

⁵Ó lɛ ā, a yɔ̄ í tíne ɔ̄dā nɛ̄hi lɛ īyī uwɔ kpɔ́ nɛɛ? Ā yá lɛ ā ŋ́. N géē kpó odúúdú ācɛ yíífi. Amáŋ awɔ ā, ɛga dóódu nɛ̄ a nyɔ̄, ń gáā cɛ̄ kéē ŋmó uwɔ ŋ́.’”