Read idoma UJƐRƐMÍYA 47 Bible Online

UJƐRƐMÍYA 47 - idoma bible

UJƐRƐMÍYA 47

¹Ɛ̄cī éyi, gbɔbū lɛ eko nɛ̄ ɔcɛ́ kú Íjīpiti nyɔ̄ í kpɛ́fú tá ācɛ kú Ugása ā, Óndú ā kɛlā gā um lɛyikwu Ufílístiya

²Ó da um kahíníī, “Mɔ́ɔ̄ oo, aícɔ́ɔja kú aólɛlā le cē gbɔɔ ŋmá ɛhícō yɔ̄ ī wā ɛ́gɛ́nɛ̄ éŋkpɔ̄ gē cenyi yɔ̄ ī wā ā. É lɛbɛ̄ɛka éŋkpɔ̄ nōo le cēenyi nɛ̄hi gē kpó ɔlɛ́ ā. É géē mīyɛ ajɛ mɛ́mla aígelī nɛ̄hi kú aá mɛ́mla aɔ́dā dóódu nēe bá ipú nū ā mɛ́mla ācɛ nēe lā ipú uwā ā tābɔ̄ ɛ́gɛ́nɛ̄ enyi nɛ̄hi gē cēenyi í kpó ɔlɛ́ klla gē kpó ācɛ ā. Ācɛ géē dɛ̄gba kú ācɛ kéē wā í tá uwā abɔ̄. Ɛjɛ̄ɛ̄jī ācɛ kú ipú ɛcɛ ā géē bá ī jikwū nɛ̄ɛ̄nɛ̄hi.

³É géē pó uya kú āpīice kú aɔ́nya nēe pɛ́ ī wā ā. É klla í pó uya kú akā kú úgbɔ́ɔnya kákákáká. Aádā í kē gáā pīyeyī má ayí uwā glá ŋ́. Abɔ̄ kú uwā í je ŋmó tá uwā iyē dɛnglɛɛ.

⁴Eko nēé géē kpó ācɛ kú Ufílístiya yíífi ā gā ɛɛ́. Eko nēé gáā cɛ̄ lɛ ācɛ dúúmā wi nōo gē tá Utáya mɛ́mla Usídɔn abɔ̄ ŋ́ mā le yá ɛɛ́. Ami nōo wɛ Óndú ā géē kpó ācɛ kú Ufílístiya yíífi mɛ́mla odúúdú ācɛ nēe ŋmá ɔlɛ́ idɔ kú ísu kú Ukréti ā.

⁵Ācɛ kú Ugása bá gē yá ɔtūnōbí nɛ̄hi. Ācɛ kú Áskɛ̄lɔn í kē mókónu kɛlā ŋ́. Eko nyá nɛ̄ ācɛ Ufilítiya nēe hile ā géē yēkwu gáā kwu āa?

⁶Āá gē dɛ̄ íbá ka ‘eko nyá nɛ̄ Ɔwɔicō géē mabɔ̄ ɛfú nōo yɔ̄ ī kpó ācɛ ɔlɛ́ alɔ nyā tá āa? Óndú, kócōō, kwú ɔkpacaŋgelī kú uwɔ ú wu apɛ́ cíí mɛ́ɛ̄.’”

⁷Amáŋ ɔwɛ nyá nɛ̄ ɔkpacaŋgelī kú um í kwúcē gaá wu apɛ́ kú nū cíí glá, nɛ̄ n kē lɛ úklɔ́ je lɛ ɔ́ kóō yá āa? Ɔwɛ nyá nɛ̄ n mabɔ̄ ɛfú nyā tá glá āa? N kē le ɔ́da je kéē kpɛ́fú tú ācɛ nēe bá Ásskɛ̄lɔn mɛ́mla ācɛ nēe lā okónu ísu ā ɛɛ́.”