Read idoma IKWŪAYIDƆ 5 Bible Online

IKWŪAYIDƆ 5 - idoma bible

IKWŪAYIDƆ 5

¹Óndú, blakwu ɔdā nōo yá alɔ nyā, má alɔ, ka á má ɛ́gɛ́nɛ̄ uwēyī kwú alɔ lɛ ā.

²Agbénú kú alɔ yɔ̄ ipu abɔ̄ kú aúgbɔga, aéwɔhá lā ɔlɛ́ alɔ mɛ́ɛ̄ á.

³Olɛ̄la kú alɔ, le aádā alɔ kpó ŋmó ɛɛ́, anɔ́ɔ abālɔbányā aɛ́nɛ́ alɔ kwú píya anyōkwū ɛɛ́.

⁴Alɔ gē gbā ulé kú éŋkpɔ̄ nɛ̄ alɔ gē gwá āa. Alɔ gē lá ɛfú nɛ̄ alɔ gē bī le gwó ɔ́lá ā.

⁵É gē pi alɔ bɛ̄ɛka, ijakī ámāŋ ka inyankwūlūmī ā, ɛ̄jɛ̄ le jɛ̄ alɔ, é kē cɛ̄ lɛ alɔ mlɛ́nyɔ́ ŋ́.

⁶Alɔ gē ga ajɛ kú Íjīpiti mɛ́mla ajɛ kú Asíriya gaá ba ɔdōlé o yá ɛ́ɛ́ kú ālɔ̄ lɛ ɔdōlé má lé, cɛ́ɛ ká ālɔ yēeyī.

⁷Ádáádā alɔ bīya íne á, é kē bá amā abālɔbányā gɛ ŋ́. Nááná alɔ kē bá ī móowe kú íne nēé bīya ā.

⁸Aɔ́fiyɛ nēe bá gē gbō alɔ nyā wɛ ɔ̄cocɛ̄hɔ̄ kú aólɛla kú alɔ. Ɔ̄cɛ dúúmā í kē yɔ̄ nōo kē hɛ́ alɔ tá ŋmá abɔ̄ kú uwā glá ŋ́.

⁹Ācɛ o ŋmó ācɛ bá gē gicō ga ajɛ ipɔ́lɛ́ ā, Alɔ le ɛyí cikwū eko dúúmā nɛ̄ alɔ bá ī tíne ɔdōlé ipú ɔlɛ́ ā.

¹⁰Ɔkpɛtá cɛ̄ lɛ ɔ́fú lɛ alɔ kwú ɛɛ́. Iyē kú alɔ le hɔ́lá gbáyíí bɛ̄ɛka útuló ā.

¹¹E hɛ́ anyā alɔ báajɛ, le ikpó ūwā ce ɛyí ɛfu kú Ujerúsālɛm piíí ā. Ipɔ́ɔ́lɛ́ dóódu kú Ujúda, é bá gē hɛ́ ayípɔ̄nɔ̄nyā kú alɔ báajɛ bá ī cikpó uwá eko dóódú.

¹²É lɛ aótrɛ̄yí kú alɔ kpó kwú le uwá kpó tū olī, É klla lɛ ojīlīma dúúmā cɛ anyākwɔ́cɛ kú alɔ ŋ́.

¹³É lɛ ayípōklóbīya kú alɔ kwú kéē gbā igbāmkpa mɛ́mla igwu lɛ uwá abɔ̄fú bɛ̄ɛka aɔ́fiyɛ ā. Ɛdrɔ́ kú alɔ bá ī túgagá ohígbū ɛfú ogbɛnú nēé gē gbō ce uwá ɛyí abɔ̄fú āa.

¹⁴Alɔ í pó ɔkɛ̄lā kú anyākwɔ́cɛ ā ɛyí ɔpu gɛ ŋ́. Ɛ́ɛ́ nɛ̄ alɔ ī pó ɔkɔ ijē kú ayípōklóbīya ā gɛ ŋ́ dúú.

¹⁵Éeyē mɛ ŋmá ipú oyēeyī kú alɔ ɛɛ́. Ɔtūnōbí mīyɛ ɔkwu kú ijē nɛ̄ alɔ ī gwó ā ɛɛ́.

¹⁶Odúúdú aɔ́dā nɛ̄ alɔ gē bī yá ɔbɔ́ɔcɛ ā, odúúmā kú nū í hile gɛ ŋ́. Alɔ le íne bīya ɛɛ́, ákú alɔ kē mɛ ɛɛ́.

¹⁷Alɔ í kōō má ɛ́nyɔ́ fu owu gɛ ŋ́. Agīje í cɛ̄ lɛ alɔ má ɔdā dúúmā glá gɛ ŋ́,

¹⁸Ohígbū ka ɛfu kú Usáyɔn kwu ōfōōfūnū klla tá alácɛ̄, Aógbo ōfōōfū uwā bá ī yɛ ipú alácɛ̄ ā mɛ́ɛ̄ á.

¹⁹Amáŋ, awɔ, Óndú ā, wɛ ɔcɛ́ o yɔ̄ piyóó ipú ɛcɛ, A kē í cɔcɛ́ jāā gbéeko nɛ̄ ɛcɛ mɛ.

²⁰Ɔdíyá nāa mā alɔ tá klla cīgbīhi kwu alɔ gbojī lɛ ā yɔ̄ āa? Á gáā blakwu alɔ igbɔhá glá gɛ ŋ́ nɛɛ?

²¹Lɛ alɔ kwúcē wā ɛgīyī uwɔ, Óndú, lɛ alɔ bī cīgbīhi wā ɛgīyī uwɔ. Lɛ ɔhi, ocɛtla, ɛgahi, mɛ́mla ojīlīma kú alɔ tɛtɛ ā je lɛ alɔ.

²²A tá alɔ piyóó nɛɛ? Ɔnū kú uwɔ í lɛ ɛjī ŋ́ nɛɛ?