Read idoma ISÍKƐ̄LU 15 Bible Online

ISÍKƐ̄LU 15 - idoma bible

ISÍKƐ̄LU 15

¹Óndú ā da um klla kahíníí,

²“Ɔlɛcɛ, Abɔ̄ ɔcí ufáyin fíyɛ́ aɔ́cí ɔhá lɛ āa? Olɔhi nyá abɔ̄ kú ɔcí ufáyin lɛ ɔ́dāŋ nāa lɛ ɔ́ gbla abɔ̄ kú ɔ́cí ɔhá ipú kú ūpū ā.

³Aá bī ɔ̄ le yá ɔdā dúúmā glá āa? Aá gbā ɔcí lígíi dúúmā ŋmá abɔ̄ kú ɔcí ufáyin kú a hé kwu ɔdɔ lɛ ɔdā dúúmā playi anú glá āa?

⁴O lɔhi o bī le gwɔ́ɔ́lá ofōōfūnū. Ɔ́dāŋ ka ɛyí ɛplɛ́ɛpa kwú kpó yɔlá, nɛ̄ ɔtāhɛ̄ kú nū le pá fiyuu, a klla bī ɔ̄ le yá ɔdā dúúmā glá ɛ́ɛ̄?

⁵Ɛ́ɛ́ ká ō géē je yɔɔlá náaná a, o lɛ ile dúúmā ŋ́. Abɔ̄ ɔlá klla lɛ ɔ́ yi, le pá fiyuu ɛ́ɛ́ mā, ó klla tū ile ɔdā dúúmā gɛ ŋ́ fíyɛ́.”

⁶Abālɔbányā, ɛ̄nyā wɛ ɔdā nɛ̄ Óndú ā nōo wɛ Ɔwɔicō ā gē ka á. Ó kahíníí, ‘Ɛ́gɛ́nɛ̄ é gē je ɔcí ufáyin ŋmá ūpū wā í yɔlá, ɛ́gɔ́ɔmā nɛ̄ n gáā je ācɛ nēe lā Ujerúsālɛm ā

⁷klla í yá uwā italā lɛ á. Uwá le kwu ŋmá ɔlá éyi ɛɛ́, amáŋ ɔlá piíí gáā kpó uwá yi á. Eko nɛ̄ n géē yá uwā italā ā, aá géē jé ka ami ɔ́ɔ wɛ Óndú ā á.

⁸É húmáyī yá īkpɛ̄yí olɔfú tá um, ohígbū ɔ́ɔmā ā, n géē je ajɛ ɔlɛ́ uwā pīya alácɛ̄ bɛ̄ɛka ígbíli.” Óndú ā nōo wɛ Ɔwɔicō ā lɛ ɛlā ka ɛɛ́.