Read idoma ISÍKƐ̄LU 19 Bible Online

ISÍKƐ̄LU 19 - idoma bible

ISÍKƐ̄LU 19

¹Óndú ā da um ka ami ɔ́ɔ̄ lɛ ijē elihɔ kú ɔtūnōbí nyā gwó lɛ aɔ́cɛ́ ɛpa kú Ísrɛ̄lu ā.

²Ɛ́nɛ́ aá lɛbɛ̄ɛka ɛ́nɛ́ ágábá, nōo lɔfú nɛ̄hi ā. Ó lā ipú aɔ́bá ágábá lɛ ayí nū bī jɛ̄.

³O lɛ ɔyí nū éyi bī jɛ le nwū ɔ̄ kóō tɔ́tɛ́. Ɔyí ɔ́ɔmā kē lɛ ɛbɛ́ ɔ̄cɛ ō lé kllɔcɛ́.

⁴Aéwɔhá lɛ ɔ̄kā kú nū pó, klla lɛ ukpa kpla lɛ ɔ́, le ɔ́ kwú. Anɔ́ɔ é bī uwɔ kwú ɔ ú pi ga Íjīpiti á.

⁵Ɛ́nɛ́ ágábá ā gbēyī jāāā gbéeko nɛ̄ ó má ka anúɔ ɔ́ lɛ eyīyōce lɛyíkwu ɔɔ́ gɛ ŋ mā. Anɔ́ɔ ó klla lɛ ɔyí nū ɔhá bī jɛ, ɔwɛ ékpónú ɔ́ɔmā kpɔ́.

⁶Eko nɛ̄ ɔyi nū a le jɛ̄, o gbɔɔ́ ō tɔ́tɛ́ mɛ́mla aágábá ɔhá ā dúú. Ó kē lɛ ɛbɛ́ ɔ̄cɛ ō lé kllɔcɛ́ dúú.

⁷Ó ca aɛ́ga olɔfú ā tāaje klla kpó aígelī nɛ̄ŋcɛ́ yíífi. Ācɛ gē yúufi, klla ī bɔ̄kwu klíiyē eko dúúmā nōo lɛ oji tū.

⁸Aéwo ā gáā le túbá ka é nuunu tá ɔ̄, ŋmá ɛga dóódu. Anɔ́ɔ é lɛ ɛ́yá kú ofītɛ́ kú uwā tá, klla lɛ ɔ́ kwú ipú nū á.

⁹É bī ɔ̄ kwú ɔ̄ ú pi tá ipú ikpati klla kwú ɔ̄ ú bī gé lɛ ɔcɛ́ kú Ubábīlɔn. É kwú ɔ̄ ú tá agbá, cɛ́ɛ́ ka ɔ̄cɛ dúúmā ka ō klla pó oji oōtu kú nū ɛyí ɛfú kú Ísrɛ̄lu ā ɔhá gɛ ŋ́.

¹⁰Ɛ́nɛ́ aá lɛbɛ̄ɛka ɔcí ufáyin nēé tū kwú okónu ɔkpá ā. Abɔ́ɔ ó lɛ éŋkpɔ̄ nɛ̄hi ā, ɔcí ufáyin ā yɔ̄ ī lū ēpū klla ī gwá īkpō lɔɔlɔhi.

¹¹Ābɔ̄ kú nū le jɛ̄ lɔfú klla kwú pīya okwutɛ kú ɔcɛ́. Ó jɛ̄ licō nɛ̄hi, nɛ̄ ó gáā kwú ojuja glá. Ācɛ dóódu má ɛ́gɛ́nɛ̄ ó bū ēpū klla jɛ̄ nɛ̄hi lɛ ā.

¹²Amáŋ ícɔ̄nū kwú ɔ ɛgba ú fu ŋmá ajɛ. Klla lɛ ɔ́ tá fīyɛ̄ ajɛ. Owu nōo ŋmá ɛnɔ̄ɔ̄cī ā kwú īkpō kú nū ú ŋmókókó. É lɛ ābɔ̄ kú nū kpó cē, é le ŋmó, é klla lɛ uwá kpó yɔlá.

¹³Abālɔbányā ā, é kwú ɔ̄ ú gáā tū ígbíli, ipú ajɛ oŋmókókó mla ɛga nɛ̄ éŋkpɔ̄ í yɔ̄ ŋ́.

¹⁴Ɔlá gáā kwu ɔcí kú nū, klla ŋmá abɔ́ɔ gaá kwú abɔ̄ mɛ́mla aíkpō kú nū, kwú uwā í kpó yi ɛɛ́. Ābɔ̄ kú nū a í gáā lɔfú glá ɛɛ́ gɛ ŋ́, ɛ́ɛ́ nɛ̄ ó gē wɛ okwutɛ kú ɔcɛ́ gɛ ŋ́. Ɛ̄nyā wɛ ije kú ɔtūnōbí; é húmáyī gwó ɔ̄ klla gwó.”