Read idoma ISÍKƐ̄LU 35 Bible Online

ISÍKƐ̄LU 35 - idoma bible

ISÍKƐ̄LU 35

¹Óndú ā lɛ ɛlā ka gā um ígbɔhá kahíníī.

²“Ɔlɛcɛ, kɛlā klā Ɛ́dɔm ɛyi.

³Le ɔdā nɛ̄ ami, Óndú ā, nōo wɛ Ɔwɔicō ā gē ka ā, ka lɛ ācɛ ā. Da uwá ka n ka, ‘N wɛ olɛlā kú aá, aɛ́fu kú Ɛ́dɔm. N géē je aá tá alácɛ̄,

⁴N géē je aígelī nɛ̄hi mɛ́mla ajɛ kú aá yíífi, klla í je uwá tá ipú alácɛ̄. Eko ɔ́ɔmā, aá géē jé ka ami ɔɔ́ wɛ Óndú ā á.

⁵Aá húmáyī wɛ olɛlā kú Ísrɛ̄lu eko dóódu. Aá kē leyīkwu kpɔ́ cɛ̄ lɛ uwá bī ɔkpacaŋ́gelī lɛ ācɛ kú Ísrɛ̄lu kpó ŋmó eko kú ífi kú uwā, nēé móōwē fíyɛ́ dúú ohígbū ɔ́bíipú kú uwā ā.

⁶Ohígbū ɔ́ɔmā ɛ́gɛ́nɛ̄ ami, Óndú nōo wɛ Ɔwɔicō ā, wɛ Ɔwɔicō nōo yēeyī ā, aá géē kwú, aá kē gáā kwu hɛ́ ikwū abɔ̄ glá ŋ́. Aá gē ŋmó ācɛ, ācɛ kē géē ŋmó aá.

⁷N géē je ɔlɛ́ kú ɛyí kú Ɛ́dɔm ā tá alácɛ̄, klla í ŋmó ɔ̄cɛ dúúmā nōo gáā bū ipú nū ā.

⁸N géē kpó okwū klá ɛyí aɛ́fu ā bɛɛ́ɛ̄, okwū kú odúúdú ācɛ nēé gē ŋmó ɛfú ā kē géē bá aɛ́fu nɛŋcɛ́ mɛ́mla aɔ́pɛ́ ā ɛbɛɛbɛ.

⁹N géē je ɔlɛ́ aá tá alácɛ̄ piyóó, ɔ̄cɛ dúúmā í gáā lā aígelī nɛ̄hi kú ɔlɛ́ aá ā igbɔhá gɛ ŋ́. Cɛ́ɛ́ aá le jé ka ami ɔ́ɔ wɛ Óndú ā á.

¹⁰Aá gē ka ka Ujúda mɛ́mla Ísrɛ̄lu ā ɔ́ɔ wɛ ákú aá mɛ́mla ajɛ kú uwā, ka aá ɔ́ɔ í mīyɛ uwá anú nááná nɛ̄ ami ɔ́ɔ wɛ Ɔwɔicō kú uwā ā.

¹¹Ohígbū ɔ́ɔmā, abɔ̄ ami, Óndú ā nōo wɛ Ɔwɔicō ā, wɛ Ɔwɔicō nōo yēeyī ā, n géē cílá aá ulé ohígbū ícɔ̄nū mɛ́mla īmálányī mɛ́mla íwɔ́tū kú aá lɛyíkwu ācɛ ɔlɛ́ um ā. Ujúda mɛ́mla Ísrɛ̄lu géē jé ka ami ɔ́ɔ yɔ̄ ī yá aá italā.

¹²Eko ɔ́ɔmā, aá abɔ̄yī aá ā géē jé ka ami ɔ́ɔ pó okónu nɛ̄ aá yá uwā ka ɛyí aɛ́fu kú Ísrɛ̄lu ā tá alácɛ̄, ɔ́ɔ kē wɛ ukpɛ̄ kú aá ō nyɔ̄ í je wulé.

¹³N pó ɛ́gɛ́nɛ̄ a gwō lɛyíkwú um klla cá um ɛcá ā.’”

¹⁴Óndú ā, nōo wɛ Ɔwɔicō ā kahíníī, “Eko nɛ̄ n géē je uwɔ tá alácɛ̄ ā, odúúdú ɛcɛ géē gwéeyē.

¹⁵Ɛ́gɛ́nɛ̄ a gwéeyē klla tá ɔga eko nēé je Ísrɛ̄lu catāajɛ ā, ɛ́gɔ́ɔmā nɛ̄ n gáā je ɛfu kú Uséyɛ, mɛ́mla odúúdú ajɛ kú Ɛ́dɔm catāajɛ je ɔ́ɔ pīya alácɛ̄ á. Cɛ́ɛ́ ācɛ dóódu géē jé ka ami ɔ́ɔ wɛ Óndú á.”