Read idoma UHOSÍI 12 Bible Online

UHOSÍI 12 - idoma bible

UHOSÍI 12

¹Ó ka ɔdā dóódu nɛ̄ ācɛ kú Ísrɛ̄lu gē yá ŋmá ɔ̄cɔ̄ɔ̄cī gbó ɔ̄nɔ̄ɔ̄nɛ̄ ā, ɔ́ɔ wɛ ɔdā ɛfulɛ́ɛfu klla wɛ ífi. Ó ka ɛ́ɛ bá mla újí mɛ́mla úklɔ́ kú ɔ́bíipú nōo yɔ̄ ī gɔbū tōōtū ɔ̄. Ó klla ka ɛ́ɛ cokónu mla Asírīya, klla ī tá ɔ́sú anɔ̄ mla Íjīpiti.

²Ó ka Óndú ā ɔ́ɔ bī ɛlā kóō kpó ce ācɛ kú Ujúda. Ó klla géē yá ācɛ kú Ísrɛ̄lu italā dúú, ohígbū ɔwɛ nɛ̄ ācɛ kú Ísrɛ̄lu ɔ́ɔ gē yá ucē lɛ ā. Ó géē cíla uwá ulé kú ɔdā nɛ́ɛ yá ā.

³ Ó ka ádā uwā Ujékɔ̄pu ɔ́ɔ nya mla áplɛ́ ɔyínɛ̄ nū, Ísɔ, eko nēé bá ipú kú ɛ́nɛ́ ūwā ā. Ó ka ɔ́ɔ klla bī ɔ̄ ijēnyīīkpó. Eko nɛ̄ Ujékɔ̄pu ɔ́ɔ le jɛ̄ ā, ɔ́ɔ nuunu mla Ɔwɔicō

⁴ Ó ka ɔ́ɔ nuunu tá Alelékwū ōtɛ̄hɔ̄ klla le yálé. Ó jikwú klla da ɔ́ kɔ́ɔ̄ lɛ ɔhá hɛ́ cɛ anúɔ. Ó ka Ɔwɔicō ɔ́ɔ gā ɛgiyí Ujékɔ̄pu Ubɛ́tɛlu gáā lɛ ɛlā ka lɛ ɔ́.

⁵Ɛ̄nyā wɛ Óndú, Ɔwɔicō nōo lɔfú fíyɛ́ dúú ā á. Óndú ā, wɛ iyē nū á.

⁶Ó ka ohígbū ɔ́ɔmā ā, uwá nēe wɛ ayí kú Ujékɔ̄pu ā, kéē lɛ ɔtū kpóce Ɔwɔicō kú ūwā, cɛ́ɛ́ kéē kwúcē ga ɛgiyí nū. Ó ka ɛ́ɛ lɛ abɔ̄ bī ihɔtū mla ɔdā nōo le kpaakpa ā, cɛ́ɛ́ kéē gbēyī Ɔwɔicō kú ūwā cíí.

⁷Óndú ā ka ācɛ kú Ísrɛ̄lu ɛ́ɛ lɛbɛ̄ɛka ācɛ kú Ukénan nēe wɛ ācɛ o tá ɔ́sú, nēe gē hɛ́ ācɛ lé mla ɔdā ō le miya ɔdā kú újí ā.

⁸Ó ka uwá nēe wɛ ācɛ Ísrɛ̄lu ā gē ka ka aá lɛ ɔdu, aá lɛ agbénú tútū lɛ iyī aá ɛɛ́. Amáŋ, ɔ̄cɛ dóódu ɔ́ɔ yɔ̄ nōo gē ŋmá aá ɛpɔ̄bí kú ɔwɛ nɛ̄ aá bī le lɛ agbénú kú aá ā glá ŋ́.

⁹ Óndú ā ka anúɔ wɛ Ɔwɔicō kú uwā nōo kpó ūwā bɛ̄cɛ ŋmá ajɛ kú Íjīpiti á. Ó ka anúɔ géē yá ká ɛ́ɛ lā ipú áklɔ̄kpɛ igbɔhá bɛ̄ɛka eko nɛ̄ anúɔ wā ɛgiyí ūwā ipú ígbíli ā.

¹⁰O ka anúɔ kɛlā lɛ ācomɛ́ɛbɛ ā, klla je ɔdā alɛwa nɛ́ɛ má ā lɛ uwá á. Ó ka anúɔ bī okónu kú ācomɛ́ɛbɛ ā, le pi ācɛ ɔlɛ́ anúɔ ahɔ̄.

¹¹Ó ka nááná ā, ɛ́ɛ bā ī pā ɛcí Ugílɛ̄di kpɔ́. Ó ka ācɛ nēe pā ɛcí ā géē kwú. Ó ka ɛ́ɛ bá ī je ɛna gwɛ́ɛya Ugígalu, amáŋ, ɛyí ede kú abɔ́ɔ ā géē je pīya otīkwū kú ɛcɔ̄ nōo bá ipácí ā piíí.

¹²Ó ka Ujékɔ̄pu aádáádā ūwā le kwu ga Umesopotámīya. Ó ka abɔ́ɔ nɛ̄ anúɔ yúklɔ́ lɛ ɔ̄cɛ ɔhá yɔ̄ ī gbō álá cɛ́ɛ́ kú anúɔ lɛ ɔnyā lɛ á.

¹³Óndú ā lɛ ɔ̄comɛ́ɛbɛ kú nū tɛ̄hɔ̄ gaá lɛ ācɛ ɔlɛ́ nū hɛ́tá ŋmá ajɛ kú Íjīpiti, cɛ́ɛ́ kóō leyīkwu uwá.

¹⁴Amáŋ, ācɛ kú Ísrɛ̄lu ā le Óndú ā yá cɔ̄nū nɛ̄hi. Ó ka Óndú ā ɔ́ɔ cíkā ō lɛ uwá kpó ŋmó ohígbū ucē obɔ̄bí nɛ́ɛ yá ā. Ó klla ka ka Óndú ā ɔ́ɔ géē cílá uwá ulé ohígbū uwēyī nɛ́ɛ je lɛ ɔ́ ā.