Read idoma UHOSÍI 3 Bible Online

UHOSÍI 3 - idoma bible

UHOSÍI 3

¹Óndú ā da Uhosíya kóō nyɔ̄ gaá i kagwo mla ɔnyā nōo wɛ akwuna klla ī gbaajā a. Ka ɔ́ɔ géē yíihɔtū tá ɔ̄ ɛ́gɛ́nɛ̄ anúɔ yíihɔtū tá ācɛ kú Ísrɛ̄lu, nááná nēé nyɛ̄ɛ̄ ŋmá ɔwɛ nēé ī gbā anúɔ ɛ̄gbā gaá yɔ̄ ī gbā ɔwɔ ɔhá ɛ̄gbā klla ī gwɛ́ɛya kú īkpɔ̄dā lɛ ɛcí.

²Anɔ́ɔ Uhosíya ka anúɔ gáā le ɔnyā ā fūla mla ije nɛ̄hɛ́ igwɛ́ɛhɔ̄, mla okolo ofu ahāapa ce igwó kú īkpɔ̄dā.

³Ó ka anúɔ da ɔnyā ā ka anúɔ í gáā gwutá mla anú ŋ́ ɛ̄cī alɛwa, amáŋ kóō híī gbaajā gɛ ŋ́. Ká ō yɔ̄ cíí lɛ anúɔ ɛ́gɛ́nɛ̄ anúɔ kē í yɔ̄ cíí lɛ ɔ́ ā.

⁴Ó ka ɔwɛ ékpónú ɔ́ɔmā ā, ācɛ kú Ísrɛ̄lu géē bá iháyí alɛwa, nēé gáā lɛ ɔcɛ́ ámāŋ́ ka otrɛ̄yí ŋ́, é klla gáā gwɛ́ɛya ŋ́, ka é gáā lɛ ɛcɔ̄ otīihɔ kwaajɛ lɛ iyī uwā ɛ́ɛ́ nēé ī lɛ íkpékwīja mɛ́mla ɛcí nēé gē pā ā gɛ ŋ́.

⁵Amáŋ, eko géē wā, nɛ̄ ācɛ kú Ísrɛ̄lu géē pīyɛyí wā ɛgiyí Óndú, Ɔwɔicō kú uwā, mla ayááyí kú Udéfīdi, ɔcɛ́ kú uwā. É géē yúufi Óndú ā klla í mīyɛ ɛhi olɔhi kú nū igbīhi ajɛ.