Read idoma UJÓNA 2 Bible Online

UJÓNA 2 - idoma bible

UJÓNA 2

¹Anɔ́ɔ Ujóna le ɔkɔ gbā lɛ Óndú ā, Ɔwɔicō kú nū ŋmá ipú kú ɛbéenyi ā.

²Ujóna kahíníī, “Ipú ɛ́kɛma kú um, Óndú ā, n le igwú hī uwɔ, A kē cɛ̄ igwú kú um. O ŋmá ɔ̄gɔ̄ ɔlékwū o lipú, N le ɔkɔ gbā gā uwɔ ká ā tú um abɔ̄, a ké lɛ ɔkɔ kú um pó.

³A lɛ um tá ga ɛga nōo lipú fíyɛ́ dúú ā, ga ɔ́kɛklɛ kú ísu ɛga nɛ̄ éŋkpɔ̄ le yɛ um jīla tá, anɔ́ɔ ɔfú nɛ̄hi kú úgbagwú wā í klá um dóódu.

⁴N gbɛlá ka a lɛ um nū, klá lɛ um gwū ŋmá ɛgiyí uwɔ, ka ń gáā má Agblīihɔ-nɛ̄hi kú uwɔ ā ɔhá ɛ́ɛ́ gɛ ŋ́.

⁵Éŋkpɔ̄ ā le yɛ um jīla klla kwú um mlɛ, ísu ā kē má klá um dúúdú, ácí enyi ā kē le jíla tū um ɛyí.

⁶N le yɛ gaajɛ, jāā ga ɛga nɛ̄ ɛfu abɔ̄yī nū gbɔɔ́ ŋmá ā, ga ajɛ kú ɛga nɛ̄ ɔwɛ kú nū le gwū eko dóódu ā[1] Amáŋ, awɔ, Óndú, Ɔwɔicō kú um, a lɛ um bī ŋmá ɔlékwū ɔ́ɔmā wɛ̄ɛcɛ oyēeyī.

⁷Eko nɛ̄ n má ká um gbɔɔ́ ō hɛ́kwú ā, n lɛ blakwu uwɔ, le ɔkɔ gbā gā uwɔ, anɔ́ɔ a le ɔkɔ nɛ̄ n gbā gā uwɔ ā pó ipú Agblīihɔ-nɛ̄hi kú uwɔ á.

⁸Ācɛ nēe ī gbō aójibó kú ɛcí nēé tū ile ŋ́ mā ɛ̄gbā ā, kwúcē ŋmá ō ɛyí ō le táajɛ gā uwɔ.

⁹Amáŋ, n géē gwííjē í cɛ̄tra uwɔ, n géē gwɛ́ɛya gā uwɔ, cɛ́ɛ́ kú n̄ lɛ ɔdā nɛ̄ n cokónu nū ā yá jīla. Óndú ā ōfōōfūnū gē nya ɔ̄cɛ tá á.”

¹⁰Anɔ́ɔ Óndú ā da ɛbéenyi ā ká ɔ̄ lɛ Ujóna gba tɛ́ɛcɛ okónu ísu. Anɔ́ɔ ó le ɔ́ gba tɛ́ɛcɛ á.