Read idoma UJÓNA 3 Bible Online

UJÓNA 3 - idoma bible

UJÓNA 3

¹Anɔ́ɔ Óndú le ɛlā ka lɛ Ujóna igbo ɔhá ka,

²“Cāŋjɛ kú ā nyɔ̄ ga Unínīfɛ, ɔlɛ́ nɛ̄hi ɔ́ɔmā, cɛ́ɛ́ kú ā lɛ ɛhɔ̄ nɛ̄ n tū uwɔ ā, cɛ̄ tɛ́ɛcɛ lɛ uwá.”

³Anɔ́ɔ Ujóna lɛyí táajɛ lɛ Óndú ā, le yɛ tá Unínīfɛ, ɔlɛ́ o nwuné nɛ̄hi, nɛ̄ ó géē je ɛ̄cī ɛtá ɛ́ɛ́ kú ɔ̄cɛ kóō yɛ ɔ́ jīla glá ā.

⁴Anɔ́ɔ Ujóna gbɔɔ́ ō yɛ ipú ɔlɛ́ ā, eko nɛ̄ ó le iyāwu yɛ ipú nū ɛ̄cī odumkulu ā, anɔ́ɔ ó gbɔɔ́ ō ka lɛ ācɛ ā kahíníī, “Ɛ̄cī ofɛpa, é géē je Unínīfɛ yíífi!”

⁵Anɔ́ɔ ācɛ kú Unínīfɛ mīyɛ olɛhɔ̄ kú Ɔwɔicō ā. Anɔ́ɔ é le miya ka ɛjɛ̄ɛ̄jī ācɛ kéē lɛ okónu gwū. O ŋmá ācɛ nɛ̄hi ga ācɛ nɛ̄ŋcɛ́, kéē lɛ īlī ekwu kpó wiyē, kóō mafú keé le pīyabɔ̄ ɛ́ɛ́.

⁶Eko nɛ̄ ɔcɛ́ kú Unínīfɛ lɛ ɛlā nyā pó ā, ó cāŋjɛ ŋmá akpa kú ɔcɛ́ kú nū lɛ awulú kú nū plla, kwú īlī ekwu ú wiyē, anɔ́ɔ ó má cīce ipú ewo á.

⁷Anɔ́ɔ ó lɛ ɛhɔ̄ tū gɛɛcɛ gé lɛ ācɛ kú Unínīfɛ ka, “Ɛ̄nyā wɛ olɛhɔ̄ nōo ŋmá ɛgiyí ɔcɛ́ mɛ́mla aígabɔ̄ kú nū á. Ɔ̄cɛ dúúmā kóō híī lé ɔdā dúúmā ŋ́. Odúúdú ācɛ, kwu aɛ́na mɛ́mla álá í gáā lé ámāŋ ka o gwá ɔdā dúúmā ŋ́.

⁸Odúúdú ācɛ mla odúúdú aɛ́bɛ́ géē lɛ īlī ekwu kpó wu iyé piíí. Ɔnyɔɔnyɛ kóō gbɔ̄ɔkɔ lɛ Ɔwɔicō lɔfú lɔfú, kéē kē mā ucē ɔ́bíipú mla ucē kú obɔ̄bí ō bī tá.

⁹Eko ōhī, Ɔwɔicō géē pīya ɔtū kú nū abɔ̄ ŋmá ɔnū nɛ̄ ó cɛ̄ ā, cɛ́ɛ́ ó kpó alɔ yíífi gɛ ŋ́.”

¹⁰Eko nɛ̄ Ɔwɔicō le ɔdā nēé yá nyā má ā, ó le má ka, é habɔ̄ ucē ɔ́bíipú kú uwā ā tá ɛɛ́. Anɔ́ɔ ó lɛ ɔtū kú nū pīyabɔ̄ á. Ó le eyīnyinyi uwā má, anɔ́ɔ ó je uwá kpó yíífi ɛ́gɛ́nɛ̄ ó ka ā gɛ ŋ́ má.