Read idoma UJÓNA 4 Bible Online

UJÓNA 4 - idoma bible

UJÓNA 4

¹Ɔtū le wú Ujóna nɛ̄ɛ̄nɛ̄hi ohígbū ɔdā nɛ̄ Ɔwɔicō yá ā, anɔ́ɔ ó le cɔ̄nū á.

²Anɔ́ɔ ó le ɔkɔ gbā kahíníī, “Óndú ā, n tɛtɛ le jé ŋmá ɔlɛ́. A má ɔdā nōo yá ɛ́ɛ́, nɛ̄ n lɔfú tīyē kú n le kwu ga Utásīsi ā yɔ̄ á. N jé ka, a wɛ Ɔwɔicō nōo ī ményinyi nōo klla lɛ ihɔtū. A klla gbeeyī cíí, klla ī gbonɛnɛ, ī pīya ɔtū kú uwɔ abɔ̄ eko dóódu. A klla le tútū eko dóódu ká ā pīya ɔtū kú uwɔ abɔ̄ ŋmá o yá ācɛ italā

³Abālɔbányā ā, Óndú ā, cɛ̄ ká n̄ gekwú mɛ́ɛnɛ. Ó lɔhi gā um fíyɛ́ ká n̄ gekwú fíyɛ́ ō yēeyī.”

⁴Óndú ā tá ɔ̄ ohi kahíníī, “Íkwu nyá nāa lɛ ō cɔ̄nú ā?”

⁵Anɔ́ɔ Ujóna le tá ɛnɔ̄ɔ̄cī eyīyɛ̄cɛ kú igelī ā gaá cīce. Ó le áklɔ̄kpɛ cē ce lɛ iyīnū, anɔ́ɔ ó má cīcē obobowú kú nū, yɔ̄ ī gbēyī ɔdā nōo gáā yá Unínīfɛ ā.

⁶Anɔ́ɔ Óndú, Ɔwɔicō lɛ ɔcí éyi tū kóō gbo bobowú ce Ujóna, cɛ́ɛ́ kú iyē kóō gbo ɔ́ nɛɛ. Ɔtū le he Ujóna nɛ̄hi ohígbū ɔcí nyā.

⁷Amáŋ, oŋmɔ́ɔ̄cī nū ā, Óndú, Ɔwɔicō le íkwu je lɛ ɛkɔ̄ éyi kóō kwú ɔcí ā í lé, anɔ́ɔ ɔcí ā gekwú á.

⁸Eko nɛ̄ ɛnɔ gbɔɔ́ ō cɛ̄ ā, Ɔwɔicō lɛ owu okwɔ́lá nɛ̄hi kú ɛnɔ̄ɔ̄cī ā tū klá Ujóna, anɔ́ɔ Ujóna gáā hɛ́kwú ohígbū ɛnɔ nōo yɔ̄ ī cɛ̄ klá anú ɛyí ā. Eyī yá Ujóna kóō gekwú, anɔ́ɔ ó kahíníī, “Ó lɔhi ká n̄ gekwú fíyɛ́ oyēeyī”.

⁹Amáŋ, Ɔwɔicō da ɔ́ kahíníī, “Íkwu nyá nāa lɛ ō cɔ̄nū ohígbū ɔcí nyā ā?” Anɔ́ɔ Ujóna tóohi kahíníī, “N lɛ íkwu ō cɔ̄nū, ká n̄ cɔ̄nū ká n̄ gekwú”.

¹⁰Anɔ́ɔ Ɔwɔicō da ɔ́ kahíníī, “Ɔcí nyā jɛ̄ ɛ̄cī éyi, ɛ̄cī ɔhá anɔ́ɔ ó gekwú á, á yá ɔdā dúúmā lɛ ɔ́ ŋ́, ó wɛ awɔ yá ɛ́ɛ́ nɛ́ ó jɛ̄ klá kwú ā ŋ́, amáŋ ikwū kú ɔcí nyā kē le kwú uwɔ iyē nɛ̄hi.

¹¹Ɛnyā mafú gā awɔ ka n cíkā ō méyīnyinyi ācɛ kú Unínīfɛ fíyɛ́. Ācɛ nɛ̄ ɛwa kú uwā, kwu anyākwɔ́cɛ mla ayípɛ̄nɛ̄ŋcɛ́ fíyɛ́ úlā ofigwɛ́ɛhɔ̄ ā, nɛ̄ ɛwa kú aɛ́bɛ́ ka ē lɛ ā dúú ā.”