Read idoma ÁLUKA 33 Bible Online

ÁLUKA 33 - idoma bible

ÁLUKA 33

¹Ɛ̄nyā wɛ ɔ̄kā lɛyíkwu iyē kú ɛga nɛ̄ ayí kú Ísrɛ̄lu lā ŋmá eko nɛ̄ Umósīsi mɛ́mla Árɔ̄ni kpó uwā trɛ̄yí ŋmá Íjípiti ā.

²Ɛ́gɛ́nɛ̄ Óndú ā da Umósīsi lɛ ā, Umósīsi le iyē kú ɛga éyééye nɛ̄ māháyi cē áklɔ̄kpɛ ce lā kpɛ́ɛ́m ā tá tāajɛ.

³Ācɛ kú Ísrɛ̄lu nyɛ̄ɛ̄ ŋmá Urámēsisi, ɔlɛ́ kú Íjīpiti ā, ɛ̄cī igwɛ́ɛhɔ̄ kú ɔyā aflɛ́yí ā, igbīhi ucɛ kú onyatá kú aflɛ́yí ipéyī kú odúúdú ācɛ kú Íjīpiti.

⁴É bá ī nyi okwū kú aɔ́kplá kú uwā nɛ̄ Óndú ā kpó ŋmó ā. Oŋmá lɛ ɔdā nɛ̄ Óndú ā yá nyā, ó le mafú lɛ uwá ka anúɔ lɔfú fíyɛ́ aɔ́wɔ dóódu kú ācɛ kú Íjīpiti á.

⁵Ācɛ kú Ísrɛ̄lu gbɔɔ́ ŋmá Uramɛ́sisi gaá lā Usúkɔ̄tu.

⁶É nyɛ̄ɛ̄ ŋmá Usúkɔ̄tu klla gaá lā Étam, nōo yɔ̄ ogwu kú ígbíli ā.

⁷É gbɔɔ́ ŋmá Étam, le cīgbīhi wā Upihahírɔ̄tu, nōo yɔ̄ ɛnɔ̄ɔ̄cī kú Ubaal-séfɔn ā gaá lā kwu Umígidɔlu ajaajɛ.

⁸É nyɛ̄ɛ̄ ŋmá Upihahírɔ̄tu bū ɔtāhɛ̄ kú ísu ā gā ipú ígbíli kú Ussɔ́ru ā eko nēé le iyāwu yɛ ɛ̄cī ɛtá ā, é gaá lā Umára.

⁹É le fu ajɛ ŋmá Umára, gā Ɛ́lim. É má lā ajɛ kú Ɛlím ā ohígbū ka njɔlɔ kú éŋkpɔ̄ igwɛ́pa bá abɔ́ɔ mɛ́mla ɔcí kú alī ofɛɛtá ce igwó.

¹⁰É nyɛ̄ɛ̄ ŋmá Ɛ́lim gaá lā okónu ísu igwɛ̄bɛ́ ā.

¹¹É nyɛ̄ɛ̄ ŋmá okónu ísu igwɛ̄bɛ́ ā gaā lā ígbíli kú Usíni.

¹²É ŋmá ígbíli kú Usíni ā gaá lā Udɔ́fka.

¹³É nyɛ̄ɛ̄ klla gaá lā Alússi.

¹⁴É nyɛ̄ɛ̄ ŋmá Alússi gaá lā Urefidím, ɛga nɛ̄ ācɛ ā í má éŋkpɔ̄ gwá ŋ́ mā.

¹⁵É gbɔɔ́ ŋmá Urefidím gaá lā ígbíli kú Usáyínāyi ā.

¹⁶É nyɛ̄ɛ̄ ŋmá ígbíli kú Usáyínāyi gaá bá Ukíbrɔ̄tu hataáfa.

¹⁷É nyɛ̄ɛ̄ ŋmá abɔ́ɔ gaá lā Uhásɛ̄rɔtu.

¹⁸É klla nyɛ̄ɛ̄ ŋmá abɔ́ɔ gaá lā Urítma.

¹⁹É ŋmá Urítma, gaá lā Urimɔn-perɛ́si.

²⁰É nyɛ̄ɛ̄ ŋmá abɔ́ɔ gaá lā Ulíbna.

²¹É nyɛ̄ɛ̄ ŋmá abɔ́ɔ gaá lā Urissa.

²²Oŋmá Uríssa ā, é gaá lā Ukeheláta.

²³E nyɛ̄ɛ̄ Ukɛhɛláta gaá lā ɛfu kú Ussɛ́fa.

²⁴Oŋmá ɛfu kú Ussɛ́fa ā, é gaá lā Uharáda.

²⁵É nyɛ̄ɛ̄ ŋmá Uharáda gaá lā Umakélɔ̄tu.

²⁶E ŋmá Umakélɔ̄tu gaá lā Utáhati.

²⁷É nyɛ̄ɛ̄ ŋmá Utáhati gaá lā Utɛ́ra.

²⁸É nyɛ̄ɛ̄ ŋmá Utɛ́ra gaá lā Umítīka.

²⁹É ŋmá Umítīka ā, é gaá lā Uhassmóna.

³⁰É nyɛ̄ɛ̄ ŋmá abɔ́ɔ gaá lā Umósɛ̄rɔtu.

³¹Oŋmá Umósɛ̄rɔtu ā, é gaá lā Ubɛne-jaákan.

³²É ŋmá Ubɛne-jaákan gaá lā Uhɔ-haggidgādi.

³³É nyɛ̄ɛ̄ ŋmá abɔ́ɔ gaá lā Ujɔtibáta.

³⁴É klla nyɛ̄ɛ̄ ŋmá Ujɔtibáta gaá lā Abróna.

³⁵Oŋmá Abróna ā, é gaá lā Ɛ́siyɔngɛ́ba.

³⁶É nyɛ̄ɛ̄ ŋmá abɔ́ɔ gaá lā ígbíli kú Usíni, nōo wɛ Ukádɛssi ā.

³⁷É nyɛ̄ɛ̄ ŋmá Ukádɛssi gaá lā ɛfu kú Uhɔ́ru kwu okónu ogwu kú Ɛ́dɔm ajaajɛ.

³⁸Anɔ́ɔ Árɔ̄ni, ɔ̄cogwɛ́ɛya ā le tá ɛyí ɛfu kú Uhɔ́ru, ɛ́gɛ́nɛ̄ Óndú ā ka ā. Anɔ́ɔ ó gekwú abɔ́ɔ, ɛ̄cī aflɛ́yí kú ɔyā ɛhɔ̄ kú iháyí ɔ́mofɛɛpa nɛ̄ ācɛ kú Ísrɛ̄lu bɛ̄ɛcɛ ŋmá Íjīpiti

³⁹Árɔ̄ni wɛ iháyí ofɛhīlī ce ɛtá ɛ́ɛ́ nɛ̄ ó kwú, ɛyí ɛfu kú Uhɔ́ru á.

⁴⁰Ɔcɛ́ kú Árādi nēe yɔ̄ ɛháajɛ kú ajɛ kú Ukénan ā le pó ka ayí Ísrɛ̄lu ɛ́ɛ bá ī wā.

⁴¹Anɔ́ɔ é gbɔɔ́ ŋmá ɛyí ɛfu kú Uhɔ́ru gā ɔpɛ́ kú Umówābu ā. Ācɛ kú Ísrɛ̄lu gaá lā Usalumóna.

⁴²Oŋmá abɔ́ɔ ā, é gaá lā Upúnɔn.

⁴³É nyɛ̄ɛ̄ ŋmá Upúnɔn ā, é gaá lā Óbōtu.

⁴⁴É ŋmá Óbōtu gaá lā Iye-abárim, ajɛ kú Umówābu.

⁴⁵É nyɛ̄ɛ̄ ŋmá Iye-abárim gaá lā Udíbɔn-gádi.

⁴⁶É nyɛ̄ɛ̄ ŋmá Udíbɔn-gádi gaá lā Álmɔn-deblatém.

⁴⁷Oŋmá Álmon-deblatém ā, é gaá lā ɛyí ɛfu kú Abarím.

⁴⁸É nyɛ̄ɛ̄ ŋmá ɛfu kú Abarím ā gaá lā ɔpɛ́ kú Umówābu kwu Ujɔ́dan ajaajɛ, lɛyíkwu Ujɛ́rīko ā.

⁴⁹É klla gaá lā pīyē Ujɔ́dan oŋmá Ubɛti-jessímɔ̄tu jāā ga Abɛlissitím ɔpɛ kú Umówābu ā.

⁵⁰Anɔ́ɔ Óndú ā da Umósīsi ipú ɔpɛ́ kú Umówābu pī Ujɔ́dan, ŋmá Ujɛ́rīko ā kahíníī,

⁵¹“Le ka lɛ ācɛ kú Ísrɛ̄lu ka, eko nɛ̄ aá le bēhé ísu kú Ujɔ́dan ga ajɛ kú Ukénan,

⁵²aá lɛ ācɛ nēe lā ajɛ ā nū bɛ̄cɛ ŋmá anú, cɛ́ɛ́ ká aá lɛ ɛjɛ̄ɛ̄jī ɛcɔ̄ kú icɛ̄bɔ̄ mɛ́mla íkpékwīja kú uwā ā ca tāajɛ, klla lɛ ikpɛ́cí kú uwā wúla tāajɛ.

⁵³Aá géē mīyɛ ajɛ ā dúúdú ká aá lā anú. Ohígbū ka n kwú ajɛ ā ú lɛ aá kóō wɛ ákú aá piyóó.

⁵⁴Aá lɛ ajɛ ā kɔ̄ ipɔ́ɔma, ipɔ́ɔma, oŋmá lɛ o tá ūlī. Ipɔ́ɔma nɛ̄hi ā kéē lɛ ajɛ nɛ̄hi fíyɛ́, ipɔ́ɔma nɛ̄ŋcɛ́ ā kéē lɛ ajɛ nɛ̄ŋcɛ́ Ɛga dúú nɛ̄ ūlī gaá lɛ ɔ̄cɛ dúú kwú, abɔ́ɔ wɛ ajɛ kú nū á.

⁵⁵Amáŋ ɔ́dāŋ ka aá nū ācɛ nēe lā ipú ajɛ ā bɛ̄cɛ dúúdú ŋ́, ācɛ nēe géē hile ipú ajɛ ā géē wɛ ɛpɛ̄ ō bū tū aá eyī klla géē wɛ ujē ō kwu aá áklō. É géē je unwalu lɛ aá ɛga dúú nɛ̄ aá lā ā.

⁵⁶Ó lɛ ā, n géē yá aá, ɔdā nɛ̄ n gbɛlá ō yá ācɛ nēe bá abɔ́ɔ ā.”