Read idoma ÁLUKA 7 Bible Online

ÁLUKA 7 - idoma bible

ÁLUKA 7

¹Ɛ̄cī nɛ̄ Umósīsi kwú Áklɔ̄kpīihɔ kú Óndú ā ú kwaajɛ kwɛyí, nɛ̄ó lɛ ɔ́ gwu klla le ɔhā hɛ́ ce ɔ́, cɛ́ɛ́ kú anú mɛ́mla odúúdu iyó kú nū, mɛ́mla ɛyí ede mɛ́mla odúúdu iyó kú nū kéē kwú tīihɔ ā,

²aótrɛ̄yí kú ācɛ kú Ísrɛ̄lu mɛ́mla aótrɛ̄yí kú aípɔ́ɔma kú uwā ā, nēe gē leyīkwu ācɛ nēe gba ācɛ áluka ā,

³lɛ ɔdā kú ɛ̄gbā mɛ́mla ɔdā ō bī le gwɛ́ɛya kú uwā bī gé lɛ Óndú ā. Úgbáajɛ ɛhīlī nɛ̄ aɔ́bá ɛna igwɛ́ɛpa gē pi ā, ɔ́ɔmā lé ka úgbáajɛ éyi wɛ ákú aótrɛ̄yí ɛpa, ɔbá ɛna éyééye wɛ ákú ɔnyɔɔnyɛ kú aótrɛ́yí ā. Eko nēé kwú uwā ú kpó lɛ Óndú ā iyɔ̄bū kú Áklɔ̄kpīihɔ ā.

⁴Óndú ā da Umósīsi kahíníī,

⁵“Mīyɛ ɔdā kú ɛ̄gbā ā ŋmá ɛgiyí uwā, kéē bī uwā yúklɔ́ kú ipu Áklɔ̄kpīihɔ ā. Kwú uwā ú kpó lɛ ayí kú Ulífāyi ɛ́gɛ́nɛ̄ ɛdɔ kú úklɔ́ nēé gē yá ā lɛ ā.”

⁶Anɔ́ɔ Umósīsi kwu úgbáajɛ kú aɔ́bá ɛna mɛ́mla aɔ́bá ɛna ā ú kpó lɛ ayí Ulífāyia.

⁷Ó kpó aúgbáajɛ kú ɔbá ɛna ɛpa mɛ́mla ɔbá ɛna ɛnɛ lɛ ipɔ́ɔma kú Ugɛ́ssɔn.

⁸Ó kpó aúgbáajɛ kú ɔbá ɛna ɛnɛ mɛ́mla ɔbá ɛna ahātá lɛ ipɔ́ɔma kú Umerári, kéē yúklɔ́ kú uwā dóódu ɛháajɛ kú Utáma, ɔyí kú Árɔ̄ni.

⁹Amáŋ, Umósīsi í je úgbáajɛ kú ɔbá ɛna mɛ́mla ɔbá ɛna dúúmā lɛ ipɔ́ɔma kú Ukɔ́hāti ŋ́. Ohígbū ka ɔdā o tīihɔ nēé bī ā, é ge bī uwā ce ɔkɔ.

¹⁰Aótrɛ̄yí ā bī ɔdā kú ɛ̄gbā wā dúú kéē bī le gwɛ́ɛya lɛ Óndú ā, eko nēé je ede ā tū Óndú ā abɔ̄ ā. Eko nēé le tútū kéē bī ɔdā kú ɛ̄gbā kú uwā wā ɛyí ede ā,

¹¹Óndú ā da Umósīsi kahíníī, “Le da uwá ka ɔnyɔɔnyɛ ɔ́ɔ géē bī ɔdā ɛ̄gbā kú ede o je tū Óndú abɔ̄ ā, wā ɛ̄cī éyééye ipú ɛ̄cī igwɛ́ɛpa ā.

¹²Ɔ̄cɛ nōo géē je ɔdā ɛ̄gbā kú nū ɛ̄cī aflɛ́yí ā wɛ Unássɔn, ɔyí kú Ammínādabu, nōo ŋmá ipɔ́ɔma kú Ujúda ā.

¹³Ɔdā ɛ̄gbā kú nū ā wɛ ocíbú oje nɛ̄hɛ́ éyi, nɛ̄ ogbɛnú kú nū géē lɛbɛ̄ɛka ákú usɛ́kɛlu ofu ce igwó, mɛ́mla ɔgbanjɛ nɛ̄ ogbɛnú kú nū lɛbɛ̄ɛka ákú usɛ́kɛlu ofɛtá ce igwó ā. Ɛpɛlɛ́ɛpa kú nū géē wɛ oōmu mla umu nēé lɛ anɔ̄ tū ɔ̄.

¹⁴Ocíbú ugóolu (oje ɔdɔ) éyi nɛ̄ ogbɛnú kú nū lɛbɛ̄ɛka ákú usɛ́kɛlu igwó, nōo le mu mla ɔtulalī ā.

¹⁵Ɛdrɔ́ kú ɔbá ɛna éyi, mɛ́mla omlede kú iháyí éyi, kú ɛya nēé í yɔlá.

¹⁶Opī éyi kú ɛya kú ínoōbīya,

¹⁷mɛ́mla ɛya kú ɛbɔ́, aɔ́bá ɛna ɛpa, omlede ɛhɔ̄, ɛ̄nyā wɛ ɔdā ɛ̄gbā kú Unássɔn, ɔyí kú Ammínādabu á.

¹⁸Ɛ̄cī ɔ́mpa ā, ɔ̄cɛ nōo géē bī ɔdā ɛ̄gbā kú nū ā wɛ, Unatánīyɛlu, ɔyí kú Usúwa, nōo ŋmá ipɔ́ɔma kú Íssāka ā.

¹⁹Ó géē bī ocíbú kú oje nɛ̄hɛ́ éyi, nɛ̄ ogbɛnú kú nū géē lɛbɛ̄ɛka ákú usɛ́kɛlu ofu ɛhīlī ce igwó (130) ā. Ogbānjɛ̄ kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó á. odúúdu nū wɛ oōmu mla umu nēé lɛ anɔ̄ tū ɔ̄.

²⁰Ocíbú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó ā. Ó le mu mla otulalī,

²¹ɔbá ɛna éyi, álá éyi, mɛ́mla omlede éyi kú iháyí éyi kú ɛya ō yɔlá dúúdú.

²²Opī éyi kú ɛya kú íne ō bīya.

²³Aɔ́bá ɛna ɛpa, aómlede ɛhɔ̄, aópi ɛhɔ̄ mɛ́mla álá ɛhɔ̄. Ɛ̄nyā wɛ ɔdā ɛ̄gbā kú Unatánīyɛlu, ɔyí kú Usúwa.

²⁴Ɛ̄cī ɔ́mɛɛtá ā wɛ Ɛlíyābu, ɔyí kú Uhɛ́lɔn, ipɔ́ɔma kú Usébūlɔn.

²⁵Ɔdā ɛ̄gbā kú nū wɛ ocíbú oje nɛ̄hɛ́ éyi, nɛ̄ ogbɛnú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ éyi nē ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó ā. Odúúdu nū géē wɛ oōmu mla umu mɛ́mla anɔ̄ mɛ́mla ɔdā ɛ̄gbā kú īkpɔ̄dā.

²⁶Ocibu ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó. Ɔtulalī géē wɛ omōōmu nū.

²⁷Ó klla í bī ɔbá ɛna éyi, álá éyi mɛ́mla omlede éyi kú iháyí éyi, kú ɛya o yɔlá dúúdú.

²⁸Opī éyi kú ɛya kú ínoōbīya,

²⁹mɛ́mla aɔ́bá ɛna ɛpa, aómlede ɛhɔ̄, aópī ɛhɔ̄ mɛ́mla omlede kú iháyí éyi, kú ɛya kú ɛbɔ́. Ɛ̄nyā wɛ ɔdā ɛ̄gbā kú Ɛlíyābu, ɔyí kú Uhɛ́lɔn á.

³⁰Ɛ̄cī ɔ́mɛɛnɛ ā wɛ Ɛlísɔ, ɔyí kú Ussidéyu, ipɔ́ɔma kú Urúbɛ̄n,

³¹Ɔdā ɛ̄gbā kú nū wɛ ocíbú oje nɛ̄hɛ́ éyi nɛ̄ ogbɛnú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ kú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó. Ɛplɛ́ɛpa kú nū wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā.

³²Ó klla í bī ocíbú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo le mu mla ɔtulalī.

³³Ó í bī ɔyí ɔbá ɛna éyi, álá éyi, ɔyí omlede kú iháyí éyi, kú ɛya o yɔlá dúúdú,

³⁴mla opi éyi, kú ɛya kú ínoōbīya.

³⁵Ákú ɛya kú ɛbɔ́ ā wɛ, aɔ́bá ɛna ɛpa, aómlede ɛhɔ̄, aópī ɛhɔ̄, mɛ́mla aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Ɛlísu, ɔyí kú Ussɛdéwu á.

³⁶Ɛ̄cī ɔ́mɛɛhɔ̄ ā wɛ Ussɛlúmiyɛ̄lu, ɔyí kú Usuríssadāyi, ɔ̄cɛ ipɔ́ɔma kú Usímīyɔn.

³⁷Ɔdā ɛ̄gbā kú nū ā géē wɛ ocíbú kú oje nɛ̄hɛ́ éyi, nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mɛ́mla ɔgbanjɛ̄ kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó ā. Ó géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā.

³⁸Ó klla í bī ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó, nōo le mu mla ɔtulalī.

³⁹Ó klla í bī ɛdrɔ́ kú ɔbá ɛna éyi, omlede éyi, álá éyi kú iháyí éyi, kú ɛya o yɔlá dúúdú.

⁴⁰Opī éyi kú ɛya kú ínoōbīya.

⁴¹Ákú ɛya kú ɛbɔ́ ā wɛ aɔ́bá ɛna ɛpa, aómlede ɛhɔ̄, aópī ɛhɔ̄, mɛ́mla aálá kú iháyí éyi ɛhɔ̄. Ɛ̄nyā wɛ ɔdā kú ɛ̄gbā kú Ussɛlúmīyɛlu, ɔyí kú Usúríssadāyi ā.

⁴²Ɛ̄cī ɔ́mɛɛhīlī ā wɛ ákú Ɛlíyāsafu, ɔyí kú Udúwɛ̄lu, ŋmá ipɔ́ɔma kú Ugádi ā géē bī aɔ́dā kú ɛ̄gbā nēe bá ā:

⁴³É géē wɛ ocíbú oje nɛ̄hɛ́ éyi, nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mla ɔgbanjɛ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó. Ɛplɛ́ɛpa kú uwā géē wɛ oōmu mla anɔ̄ kú ɛya kú īkpɔ̄dā.

⁴⁴Ó klla í bī ocíbú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo le mu mla ɔtulalī ā.

⁴⁵Ó í bī ɛdrɔ́ kú ɔbá ɛna éyi, omlede éyi, mɛ́mla álá éyi kú iháyí éyi, kú ɛya o yɔlá dúúdú.

⁴⁶Opi éyi kú ɛya kú ínoōbīya.

⁴⁷Ɔdā kú ɛ̄gbā kú ɛya kú ɛbɔ́ kú Ɛlíyāsafu, ɔyí kú Udúwɛ̄lu ā, wɛ aɔ́bá ɛna ɛpa, aómlede ɛhɔ̄, aópī ɛhɔ̄, mɛ́mla álá kú iháyí éyi ɛhɔ̄.

⁴⁸Ɛ̄cī ɔ́mahāapa ā wɛ Ɛlíssāma, ɔyí kú Ammíhūdi, ipɔ́ɔma kú Ɛ́frēm.

⁴⁹Ɔdā ɛ̄gbā kú nū ā wɛ ocíbú kú oje nɛ̄hɛ́ éyi, nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mɛ́mla ɔgbanjɛ̄ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó nōo le mu mla umu mɛ́mla anɔ̄ kú ɛya kú īkpɔ̄dā.

⁵⁰Ó í bī ocibu kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo le mu mla ɔtulalī.

⁵¹Ó klla í bī ɔyí ɔbá ɛna éyi, álá éyi, mɛ́mla omlede kú iháyí éyi, kú ɛya o yɔlá dúúdú.

⁵²Opī éyi kú ɛya kú ínoōbīya.

⁵³Ákú ɛya kú ɛbɔ́ ā, ó í bī aɔ́bá ɛna ɛpa, aómlede ɛhɔ̄, aópī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā kú ɛ̄gbā kú Ɛlíssāma, ɔyí kú Ammíhūd á.

⁵⁴Ɛ̄cī ɔ́mahātá ā wɛ ákú Ugamálīyɛ̄lu, ɔyí kú Upɛdásu, nōo ŋmá ipɔ́ɔma kú Umanásɛ géē bī ɔdā ɛ̄gbā nēe bá ā wā:

⁵⁵Ocíbú kú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mɛ́mla ɔgbanjɛ̄ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó, nōo géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā.

⁵⁶Ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó, nōo wɛ oōmu mla ɔtulalī.

⁵⁷Ɛdrɔ́ kú ɔbá ɛna éyi, omlede éyi, mɛ́mla álá éyi kú iháyí éyi, kú ɛya o yɔlá dúúdú.

⁵⁸Opī éyi kú ɛya kú ínoōbīya.

⁵⁹Ákú ɛya kú ɛbɔ́ ā géē wɛ aɔ́bá ɛna ɛpa, aómlede ɛhɔ̄, aópī ɛhɔ̄ mɛ́mla aálá kú iháyí éyi ɛhɔ̄. Ɛ̄nyā wɛ ɔdā kú ɛ̄gbā kú Ugamálīyɛ̄lu, ɔyí kú Upɛdásu á.

⁶⁰Ɛ̄cī ɔ́mahāanɛ ā wɛ ákú Abídan, ɔyí kú Ugídɛyɔn, nōo ŋmá ipɔ́ɔma kú Ubɛ́njamīn.

⁶¹Ɔdā ɛ̄gbā kú nū ā géē wɛ ocíbú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó, nōo wɛ oōmu mla umu mɛ́mla anɔ̄ kú ɛya kú īkpɔ̄dā ā.

⁶²Ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo wɛ oōmu mla ɔtulalī.

⁶³Ɛdrɔ́ kú ɔbá ɛna éyi, omlede éyi, mɛ́mla álá éyi kú iháyí éyi, kú ɛya o yɔlá dúúdú.

⁶⁴Opī éyi kú ɛya kú ínoōbīya.

⁶⁵Ákú ɛya kú ɛbɔ́ ā wɛ aɔ́bá ɛna ɛpa, aómlede ɛhɔ̄, aópī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Abídan, ɔyí Ugídɛyɔn á.

⁶⁶Ɛ̄cī ɔ́migwó ā, Ahiyesa ɔyí kú Ammíssadāyi, ipɔ́ɔma kú Udán géē bī:

⁶⁷Ɔdā ɛ̄gbā kú nū ā géē wɛ ocíbú kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ nē ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó. Ɛplɛ́ɛpa kú nū géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā.

⁶⁸Ocíbú éyi kú ugóolu (oje ɔdɔ) kú usɛ́kɛlu igwó nōo le mu mla ɔtulalī.

⁶⁹Ɔbá ɛna éyi, omlede éyi, álá éyi kú iháyí éyi kú ɛya o yɔlá dúúdú.

⁷⁰Opī éyi kú ɛya kú ínoōbīya.

⁷¹Ákú ɛya kú ɛbɔ́ ā géē wɛ aɔ́bá ɛna ɛpa, aómlede ɛhɔ̄, aópi ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Ahiyésa, ɔyí kú Ammíssadāyi ā.

⁷²Ɛ̄cī ɔ́migwóléyi ā, Upagíyɛ̄lu, ɔyí kú Ɔ́kran ipɔ́ɔma kú Ássa géē bī aɔ́dā ɛ̄gbā nēe bá ā:

⁷³Ocíbú kú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó. Ɛplɛ́ɛpa nōo géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā.

⁷⁴Ocíbú kú ugóolu (oje ɔdɔ) éyi kú usɛ́kɛlu igwó nōo géē le mu mla ɔtulalī.

⁷⁵Ɔbá ɛna éyi, omlede éyi kú iháyí éyi, kú ɛya o yɔlá dúúdú.

⁷⁶Opī éyi kú ɛya kú íne ō bīya.

⁷⁷Ákú ɛya kú ɛbɔ́ ā wɛ aɔ́bá ɛna ɛpa, aómlede ɛhɔ̄, opī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Upagíyɛ̄lu, ɔyí kú Ɔ́cran ā.

⁷⁸Ɛ̄cī ɔ́migwɛ́ɛpa ā wɛ ákú Ahíra, ɔyí kú Ɛ́nan ɔ̄cɛ ipɔ́ɔma kú Unáfutāli.

⁷⁹Ɔdā ɛ̄gbā kú nū ā géē wɛ ocíbú éyi kú oje nɛ̄hɛ́ ofu ɛhīlī ce igwó, mɛ́mla ɔgbanjɛ̄ kú oje nɛ̄hɛ́ nē ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó. Ɛ́plɛ́ɛpa géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā.

⁸⁰Mla ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo géē le mu mla ɔtulalī.

⁸¹Ɛdrɔ́ kú ɔbá ɛna éyi, omlede éyi, álá éyi kú iháyí éyi, kú ɛya o yɔlá dúúdú.

⁸²Opī éyi kú ɛya kú íne ō bīya.

⁸³Ákú ɛya kú ɛbɔ́ ā, aɔ́bá ɛna ɛpa, aómlede ɛhɔ̄, aópī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Ahíra, ɔyí kú Ɛ́nan á.

⁸⁴Aɛ́nyā wɛ ɔdā ɛ̄gbā kóō je yá tīihɔ kú ede nɛ̄ aótrɛ̄yí kú Ísrɛ̄lu bī wā ɛ̄cī nēé géē je ede ā tīihɔ ā. Ocíbú kú oje nɛ̄hɛ́ igwɛ́ɛpa, ɔgbanjɛ̄ kú oje nɛ̄hɛ́ igwɛ́ɛpa. Ocíbú kú ugóolu (oje ɔdɔ) igwɛ́ɛpa.

⁸⁵Ogbɛnú kú ocíbú kú oje nɛ̄hɛ́ éyééye ā lɛbɛ̄ɛka ákú usɛ́kɛlu ofu ɛhīlī ce igwó, ogbɛnú kú odúúdú ɔgbanjɛ̄ ā lɛbɛ̄ɛka ákú usɛ́kɛlu ofɛɛtá ce igwó. Ogbɛnú kú odúúdú aócíbú kú oje nɛ̄hɛ́ ā lɛbɛ̄ɛka ákú usɛ́kɛlu úlā ɛhīlī (2,400).

⁸⁶Odúúdú ogbɛnú kú aócíbú kú ugóolu (oje ɔdɔ) ā ke lɛbɛ̄ɛka ákú usɛ́kɛlu ofu ɛhīlī (120) ā.

⁸⁷Odúúdú ayí ɔbá ɛna kú ɛya o yɔlá dúúdú ā, wɛ igwɛ́ɛpa, aómlede igwɛ́ɛpa, aálá kú iháyí éyi igwɛ́ɛpa mɛ́mla aópī igwɛ́ɛpa kú ɛya kú íne ō bīya.

⁸⁸Odúúdú aɛ́bɛ́ ɔlɛ́ ō bī gwɛ́ɛya kú ɛbɔ́ ā wɛ ɛdrɔ́ kú aɔ́bá ɛna ofu ce ɛnɛ, aómlede ofɛtá, aópī ofɛtá, álá kú iháyí éyi ofɛɛtá. Ɛ̄nyā wɛ ɛya kóō je tīihɔ kú ede ā.

⁸⁹Eko nɛ̄ Umósīsi le tá ipú Áklɔ̄kpīihɔ ā gaá kɛla lɛ Óndú ā, ó po ɔkɔ éyi yɔ̄ ī kɛlā lɛ ɔ́ ŋmá ɛhíícō kú ɔ̄wū kú Ikpati kú Ɛka kú Óndú ā ŋmá ɔtāhɛ̄ kú aúcɛ́rōbim ɛpa ā.